09-Dec-2021

କୋଦଳା (ଭଗବାନ ପାଢୀ) : ବ୍ରହ୍ମପୁର ବିଶ୍ଵବିଦ୍ୟାଳୟର ପ୍ରତିଷ୍ଠା ଦିବସ ପାଇଁ ବିଶ୍ୱବିଦ୍ୟାଳୟ ଅଧୀନରେ ଥିବା ସମସ୍ତ ମହାବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ଅନ୍ତଃ ମହାବିଦ୍ୟାଳୟ ଓଡ଼ିଆ ବତ୍କୃତା ପ୍ରତିଯୋଗିତା ଆୟୋଜିତ ହୋଇଛି। ଆଜି ଦ୍ଵିତୀୟ ଦିବସରେ "ବିଶ୍ୱବିଦ୍ୟାଳୟ ଶିକ୍ଷାରେ ସଂସ୍କାର ନ ଆସିଲେ ଜାତୀୟ ବିକାଶ ଅସମ୍ଭବ" ଶୀର୍ଷକ

ବତ୍କୃତ ପ୍ରତିଯୋଗିତା ଆୟୋଜିତ ହୋଇଥିଲା।୧୨ଟି ମହାବିଦ୍ୟାଳୟ ସମେତ ବିଶ୍ଵବିଦ୍ୟାଳୟର ବିଭିନ୍ନ ବିଭାଗରୁ ୩୫ ଜଣ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ।ଏହି ପ୍ରତିଯୋଗିତାରେ ଡ଼.ଦାଶରଥି ଭୂୟାଁ, ଡ଼.ଦେବୀପ୍ରସାଦ ଶତପଥି ଓ ଦିପ୍ତିମୟୀ ମିଶ୍ର ପ୍ରମୁଖ ଅଧ୍ୟାପକ ଅଧ୍ୟାପିକା ବିଚାରକ ଭାବେ ଯୋଗ ଦେଇଥିଲେ। ଜୟେନ୍ଦ୍ର ବେହେରା(ରାଜନୀତି ବିଜ୍ଞାନ) ପ୍ରଥମ ,ରତିକାନ୍ତ ବେହେରା(ସାମ୍ବାଦିକତା ଓ ଗଣଯୋଗାଯୋଗ ବିଭାଗ) ଦ୍ଵିତୀୟ ଓ ରୋଜାଲିନ ପରିଡ଼ା(ରସାୟନ ବିଜ୍ଞାନ) ତୃତୀୟ ସ୍ଥାନ ଗ୍ରହଣ କରିଛନ୍ତି। କୁଳସଚିବ ସରୋଜ କୁମାର ଦାସ,ଦେବୀପ୍ରସାଦ ଦାସ, ଡ଼.ମିହିର ତ୍ରିପାଠୀ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ l

ଗତକାଲି କୁଳାଧିପତି କପ୍ ପାଇଁ ଇଂରାଜୀ ବତ୍କୃତ ପ୍ରତିଯୋଗିତା ଆୟୋଜିତ ହୋଇଥିଲା।ବିଚାରକ ଭାବରେ ପ୍ରଫେସର  ନିହାର ରଞ୍ଜନ ମିଶ୍ର, ଡ଼. ଟି . ଈଶ୍ବର ରାଓ, ଡ଼.ବନ୍ଦିତା ପଣ୍ଡା ଉପସ୍ଥିତ ଥିଲେ।ଏଥିରେ ଯୋଗଦେଇଥିବା ପ୍ରତିଯୋଗୀ ମାନକ ମଧ୍ୟରୁ ପ୍ରିତିସ୍ମିତା ମହାନ୍ତି ପ୍ରଥମ, ଆଲୋକ କୁମାର ସାହୁ ଓ ପ୍ରଶାନ୍ତ କୁମାର ସାହୁ ଦ୍ଵିତୀୟ , ଦୀପ୍ତିମୟୀ ରଥ,ବି.ଗାୟତ୍ରୀ ଓ ଶୁଭଶ୍ରୀ ରାଉତ ତୃତୀୟ ସ୍ଥାନ ଗ୍ରହଣ କରିଥିଲେ।