05-Dec-2021

ସୋନପୁର (ମନୋରଞ୍ଜନ ତ୍ରିପାଠୀ) : ଗତ ୩ ତାରିଖରେ ସୁବର୍ଣ୍ଣପୁର ଇଣ୍ଡୋର ଷ୍ଟାଡିଅମରେ ଆୟୋଜିତ ଅଣ୍ଡର ନାଇଣ୍ଟିନ ଅଲ ଓଡିଶା ବ୍ୟାଡ଼ମିଣ୍ଟନ ରେଙ୍କିଙ୍ଗ ଟୁର୍ନାମେଣ୍ଟ ଆଜି ରବିବାର ଅପରାହ୍ନରେ ଉଦଯାପିତ ହୋଇ ଯାଇଛି l ଏହାର ଫାଇନାଲରେ ୫ ଗୋଟି ବର୍ଗର ୫ ଗୋଟି ମ୍ୟାଚ ଅନୁଷ୍ଠିତ ହୋଇଥିଲା l

ବାଳିକା ସିଙ୍ଗଲ୍ ରେ ଗୀତାଶ୍ରୀ ଦେ (ସୁନ୍ଦରଗଡ଼) ଚମ୍ପିୟାନ ହୋଇଥିବା ବେଳେ ରାୟଗଡାର ସ୍ବିଟିପ୍ରିୟା ପଧାନ ଉପ ବିଜେତା ହୋଇଛନ୍ତି l ମିସ୍କ ଡବଲ ଗ୍ରୁପରେ କଳାହାଣ୍ଡିର ଅର୍ପିତା ପଣ୍ଡା ଓ ପର୍ମିଲା ଶବର ବିଜେତା ଓ  ସମ୍ବଲପୁରର ତପୁନ ସାହୁ ଓ ଡିସଖା ଏକା ଉପବିଜେତା ହୋଇଛନ୍ତି l ବାଳକ ସିଂଗିଲରେ ବାଲେଶ୍ୱରର ଆର୍ଯ୍ୟା ମାଝୀ ବିଜେତା ଓ ଅମୀୟ କୁମାର ନାଏକ ଉପବିଜେତା ହୋଇଛନ୍ତି l ବାଳିକା ଡବଲ୍ସରେ ସମ୍ବଲପୁରର ଡିସ୍କା ଏକା ଓ ଲିକୁନ ସ୍ୱାଇଁ ଚମ୍ପିୟାନ ହୋଇଥିବା ବେଳେ ଆର୍ଯ୍ୟା ପାଢ଼ୀ ଓ ସ୍ବିଟି ପଧାନ (ଖୋର୍ଦ୍ଧା) ଉପବିଜେତା ହୋଇଛନ୍ତି l ସେହିପରି ବାଳକ ଡବଲ୍ସରେ ଅମୀୟ କୁମାର ନାଏକ, ଆର୍ଯ୍ୟା ମାଝୀ ଚମ୍ପିୟାନ ଓ 

ଆଶୁତୋଷ ସାହୁ ଓ ମନୀକାନ୍ତ ରନର୍ସ ଅପ ହୋଇଛନ୍ତି l ଆଜିର ଏହି ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଅତିରିକ୍ତ ଜ଼ିଲ୍ଲାପାଳ ସୂର୍ଯ୍ୟ ନାରାୟଣ ଦାଶ ଯୋଗ ଦେଇ ବିଜେତା ଖେଳାଳୀଙ୍କୁ ପୁରସ୍କୃତ କରି ଖେଳ ଜାରି ରହିବ ହେଲେ ଖେଳୁଆଡ଼ ମନୋଭାବ ହିଁ  ଖେଳାଳୀଙ୍କ ପ୍ରକୃତ ବିଜୟ  ଓ ଏହା କ୍ରୀଡା କ୍ଷେତ୍ରରେ ଆଗକୁ ନେବ ବୋଲି ମତ ରଖିଥିଲେ l ନୂତନ ଇଣ୍ଡୋର ଷ୍ଟାଡିଅମରେ ଯୋଗ ଦେଇଥିବା  ଖେଳାଳୀ, ଅଭିଭାବକ ଦର୍ଶକ  ମାନଙ୍କ ଆଗ୍ରହ ପ୍ରେରଣା, ଉତ୍ସାହକୁ ଭୂୟସୀ  ପ୍ରଶଂସା କରିଥିଲେ l ସମ୍ମାନିତ ଅତିଥି ଭାବେ ସମ୍ବଲପୁରର ବରିଷ୍ଠ ପ୍ରଶାସନିକ ଅଧିକାରୀ  ଶ୍ରୀମତୀ ଯୋଗାଳେଶ୍ୱରୀ ଦାଶ, ପ୍ରାକ୍ତନ ନଗରପାଳ କଇରୁ ସ୍ୱାଇଁ, ବ୍ୟାଡ଼ମିଣ୍ଟନ ସଂଘ ରାଜ୍ୟ ସମ୍ପାଦକ ନୀଲୀନ କୁମାର, ବିଶିଷ୍ଟ ବ୍ୟବସାୟୀ ଜୟକୃଷ୍ଣ ସା, ମିଶ୍ର ସ୍ପୋର୍ଟ୍ସ ପ୍ରୋପାଇଟର, ସଂସ୍କାର ଏଗ୍ରୋ, ପୁରୁଷୋତ୍ତମ ପାତ୍ର, ବ୍ୟାଡ଼ମିଣ୍ଟନ ସଂଘ ସଭାପତି ବିଶ୍ୱରଂଜନ ଦଳାଇ, ସମ୍ପାଦକ ପ୍ରଦୀପ ମହାନ୍ତି, ଯୋଗ ଦେଇଥିଲେ l ସଂଘର ସକ୍ରିୟ ସଭ୍ୟ ବିଶ୍ୱ ରଞ୍ଜନ ଦଳାଇ, ଜୟ ନାରାୟଣ ମେଣ୍ଡଳୀ, ବିଦ୍ୟାଧର ମିଶ୍ର, ସଞ୍ଜୟ ରାୟ, ପ୍ରକାଶ ମେହେର, ଲଷ୍ମୀ ବେହେରା ଓ ଅବିନାଶ ପ୍ରମୁଖ ସହଯୋଗ କରିଥିଲେ l