04-Dec-2021

ବଲାଙ୍ଗିର,(ପ୍ରେରଣା ଖବର) ସ୍ଥାନୀୟ ରାଜେନ୍ଦ୍ର ବିଶ୍ୱ ବିଦ୍ୟାଳୟ ଠାରେ ଅନୁଷ୍ଠିତ ଯୁଧିଷ୍ଟିର ମିଶ୍ର ମେମୋରିଆଲ କ୍ରିକେଟ କପ ଆଜି ଉଦଯାପିତ ହୋଇଯାଇଛି । ଗତ ବୁଧବାର ଦିନରୁ ଚାଲିଥିବା ଏହି ପ୍ରତିଯୋଗିତାର ଫାଇନାଲ ମ୍ୟାଚରେ ଆଜି ରାଜେନ୍ଦ୍ର ବିଶ୍ୱବିଦ୍ୟାଳୟର ଶିକ୍ଷା ବିଭାଗ ଇତିହାସ ବିଭାଗକୁ ହରାଇ ଚମ୍ପିଆନ ଆଖ୍ୟା ଅର୍ଜନ କରିଛି । ଆଜି ଉଦଯାପନି ଉତ୍ସବରେ  ପୁର୍ବତନ ଛାତ୍ର ତଥା ଉଦ୍ୟୋଗପତି ସମରେନ୍ଦ୍ର ମିଶ୍ର ମୂଖ୍ୟ ଅତିଥି ରୂପେ ଯୋଗଦେଇ ପ୍ରଦୀପ ପ୍ରଜ୍ୱଳନ କରିବା ପୂର୍ବକ ଫାଇନାଲ ମ୍ୟାଚର ଶୁଭାରମ୍ଭ କରିଥିଲେ । ପରେ ପରେ ଫାଇନାଲ ମ୍ୟାଚ ଆରମ୍ଭ ହୋଇଥିଲା ।  ଇତିହାସ ବିଭାଗ ନିର୍ଦ୍ଧାରିତ ୮ ଓଭରରେ ସମସ୍ତ ୱିକେଟ ହରାଇ ୬୪ ରନ ସଂଗ୍ରହ କରିଥିଲେ । ଶିକ୍ଷା ବିଭାଗ ୭.୩ ଓଭରରେ ୫ ୱିକେଟ ବିନିମୟରେ ଅବଶ୍ୟକିୟ ରନ ସଂଗ୍ରହ କରିବା ସହ ୫ ୱିକେଟରେ ବିଜୟ ଲାଭ କରିଥିଲେ । ମ୍ୟାଚ ଶେଷ ହେବା ପରେ ବିଶ୍ୱ ବିଦ୍ୟାଳୟଛାତ୍ରୀଙ୍କ ମନୋରଞ୍ଜନ ପାଇଁ ମ୍ୟୁଜିକ ଚେଆର ପ୍ରତିଯୋଗିତା ଆୟୋଜନ କରାଯାଇଥିଲା । ଏହି କୌତୁହଳପୁର୍ଣ୍ଣ ପ୍ରତିଯୋଗିତାରେ ମିନାକ୍ଷୀ ମେହେର ବିଜୟୀ ହୋଇଥିଲେ । ଶେଷରେ ମୁଖ୍ୟ ଅତିଥି ଶ୍ରୀ ମିଶ୍ର  କ୍ରିକେଟ ଚମ୍ପିଆନ ଓ ରନର୍ସ ଅପ ଦଳକୁ ଟ୍ରଫି ପ୍ରଦାନ କରିବା ସହ ମ୍ୟୁଜିକାଲ ଚେଆର ପ୍ରତିଯୋଗିତାର ବିଜେତାଙ୍କୁ ଟ୍ରଫି ପ୍ରଦାନ କରିଥିଲେ । ମ୍ୟାଚ ପରବର୍ତ୍ତି ସଭାରେ ଶ୍ରୀ ମିଶ୍ର ଆୟୋଜକ କମିଟିକୁ ଏହି ପ୍ରତିଯୋଗିତାର ଆୟୋଜନ ପାଇଁ ଧନ୍ୟବାଦ ଜ୍ଞାପନ କରିବା ସହ ଛାତ୍ରଛାତ୍ରୀଙ୍କ ମଧ୍ୟରେ ଖେଳ ଭାବନାକୁ ଆହୁରି ବଢାଇବା ଆହ୍ୱାନ କରିଥିଲେ । ଯଦ୍ୱାରା ଜିଲ୍ଲାରୁ ଅନେକ ଛାତ୍ରଛାତ୍ରୀ ବିଭିନ୍ନ କ୍ରିଡାରେ ରାଜ୍ୟ ତଥା ଜାତୀୟ ସ୍ତରରେ ଅଂଶଗ୍ରହଣ କରିବା ସହ ମାଟିର ନାଁ ରଖିବେ ବୋଲି ମତ ବ୍ୟକ୍ତ କରିଥିଲେ । ଆଜିର ଏହି କାର୍ଯ୍ୟକ୍ରମରେ  ବୁଲୁ ଦାନୀ, ଅସିତ ମିଶ୍ର, ବ୍ୟାସଦେବ ନନ୍ଦ, ରାହୁଲ ସାହୁ, ନାସିର ଖାନ, ସଞ୍ଜୟ ମିଶ୍ର, ପ୍ରଦୋଷ ପାଣିଗ୍ରାହୀ, ଅଙ୍କିତ ସାହୁ, ଅଜିତ ମହାନନ୍ଦ ମଞ୍ଚାସିନ ଥିବାବେଳେ  ଶୁଭେନ୍ଦୁ ସାହୁ , ଅଂଚଳ ପଣ୍ଡା, ଦୀନେଶ ସାହୁ, ବିଶାଲ ପଶାୟତ, ନିରଞ୍ଜନ ମିଶ୍ର, ସରୋଜ ସାହୁ, ନୀତିଶ ପ୍ରଧାନ, କ୍ରିଷ୍ଣା ପାତ୍ର, ଗାର୍ଗି ମିଶ୍ର, କିଷନ ମୁଗ୍ରୀ, ଓମ ରାଉତ ସୋମ୍ୟ ପାଣ୍ଡିଆ, ବିଷ୍ଣୁ ପ୍ରସାଦ ଭୋଇ, ବିଧୁ, ନାରାୟଣ ଓ ଶ୍ରୀକାନ୍ତ ପ୍ରମୁଖ କାର୍ଯ୍ୟକ୍ରମରେ  ସହଯୋଗ କରିଥିଲେ ।