26-Nov-2021

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
ସରକାର ଗତ ୨୫ତାରିଖ ଦିନୁ ଧାନ କ୍ରୟ କରିବାକୁ ବିଧିବଦ୍ଧ ଭାବେବିଭିନ୍ନ ସ୍ଥାନରେ ମଣ୍ଡି ଶୁଭାରମ୍ଭ କରିଛନ୍ତି।ହେଲେ ମଣ୍ଡି ଆରମ୍ଭ ରୁ ହିଁ ବିଭ୍ରାନ୍ତ ପରିସ୍ଥିତି ଦେଖା ଦେଇଛି।କଟନୀ ଛଟଣୀ କୁ ନେଇ ମିଲର୍ସ ଓ ଚାଷୀ ଙ୍କ ଭିତରେ କଥା ଅଟକି ରହିଛି ଯାହା ଯୋଗୁଁ ଚାଷୀ ଙ୍କ ଧାନ ଉଠି ନ ପାରି ମଣ୍ଡିରେ ପଡିରହିଛି।ଏଭଳି ଅଭିଯୋଗ ଆସିଛି ଧର୍ମଗଡ଼ ସ୍ଥିତ ତରାପୁର ମଣ୍ଡିରେ।

ସୂଚନା ଅନୁଯାୟୀ ଗତକାଲି ମଣ୍ଡିର ଶୁଭାରମ୍ଭ ହୋଇ ୩ଜଣ ଚାଷୀଙ୍କ -୨୨୫କୁଇଟାଲ ଧାନ ମଣ୍ଡିରେ ପଡିଥିଲା।ହେଲେ ମିଲର୍ସ ଏଜେଣ୍ଟ କୁଇଣ୍ଟା ଲ ପ୍ରତି ୫-୭କେଜି କଟଣୀ କରି ଧାନ ଉଠାଇବା କୁ ଅଡ଼ିବସିଥିଲେ ଏଥିରେ ଚାଷୀମାନେ ରାଜି ହୋଇନ ଥିବା ବେଳେ ଧାନ ଏବେ ମଣ୍ଡିରେ ଗଦା ହୋଇ ପଡିରହିଛି।ତେବେ ମଣ୍ଡି ଆରମ୍ଭ ପ୍ରଥମରୁ ମିଲର୍ସ ରାଜ ସ୍ଥିତି ଦେଖା ଯିବା ନେଇ ଚାଷୀ ଙ୍କ ଭିତରେ ଅସନ୍ତୋଷ ଦେଖାଦେଇଛି।ସୂଚନା ଯେ ଏଠାରେ  ମା ଠାକୁରାଣୀ ସ୍ୱୟଂ ସହାୟିକା ଗୋଷ୍ଠୀ ଚାଷୀ ଙ୍କ ଧାନ କ୍ରୟ କରୁଥିବା ବେଳେ  ବିଶ୍ୱନାଥପୁର ମିଲର୍ସ ଧାନ ନେବା କୁ ସରକାର ଚୁକ୍ତିନାମା କରିଛନ୍ତି।ତେବେ ପ୍ରଥମ ପର୍ଯ୍ୟାୟରେ ଏହି ମଣ୍ଡି ପାଇଁ ୧ହଜାର କୁଇଟାଲ ଧାନ ସଂଗ୍ରହ ପାଇଁ ଲକ୍ଷ ଥିବା ବେଳେ ମୋଟ ୪୫୫ଜଣ ଚାଷୀ  ରେଜିଷ୍ଟ୍ରେ ଭୁକ୍ତ ଥିବା ଜଣାପଡିଛି।