26-Nov-2021

କଣ୍ଟାବାଞ୍ଜି,(ଆନନ୍ଦ ମୋଟେ) କଣ୍ଟାବାଞ୍ଜି  ସିଭିଲ କୋର୍ଟ  ପରିସରରେ କଣ୍ଟାବାଞ୍ଜି ତାଲୁକ ଆଇନ ସେବା କମିଟି  ତରଫରୁ "ଜାତୀୟ ସମ୍ବିଧାନ ଦିବସ" ପାଳନ କରାଯାଇଛି। ମୁଖ୍ୟ ଅତିଥି ଭାବେ ତାଳୁକ ସେବା କମିଟି ଚେୟାରମ୍ୟାନ ଏ.ଡି.ଜେ ଶ୍ରୀ ହିମାଂଶୁ ଶେଖର ମଲ୍ଲିକ , ସିଭିଲ ଜଜ ବିନୋଦ ବିହାରୀ ସାହୁ ଏବଂ ସମ୍ମାନୀତ ଅତିଥି ଭାବେ ଜେ.ଏମ.ଏଫ. ସି ଲିପ୍ସା ରାଉତ ଯୋଗ ଦେଇଥିଲେ।  ମୁଖ୍ୟ ଅତିଥି ଏବଂ ସମ୍ମାନୀୟ ଅତିଥି ମାନେ ସମ୍ବିଧାନ କିପରି ଲେଖା ହେଇଥିଲା ଏବଂ ଆମର ବିଭିନ୍ନ ମୌଳିକ ଅଧିକାର ବିଷୟରେ ସମସ୍ତଙ୍କୁ ଅବଗତ  କରାଇଥିଲେ। ତାପରେ ଜାତୀୟ ଆଇନ ଦିବସ କାହିଁକି ପାଳନ କରାଯାଏ ଏବଂ ସମ୍ବିଧାନର କେତୋଟି ମୁଖ୍ୟ ଧାରା ବିଷୟରେ  କଣ୍ଟାବାଞ୍ଜିର ପ୍ରମୁଖ ଆଇନଜୀବୀ ମୋହନଲାଲ ଶର୍ମା ନିଜର ମନ୍ତବ୍ୟ ରଖିଥିଲେ ।  ଶେଷରେ ବରିଷ୍ଠ ଆଇନଜୀବୀ ଦୁଖୀଶ୍ୟାମ ଗୁରୁ ଧନ୍ୟବାଦ ଅର୍ପଣ କରିଥିଲେ। ଉକ୍ତ ସଭାରେ ସରକାରୀ ଓକିଲ ଶ୍ରୀ ପ୍ରମୋଦ ପାଣିଗ୍ରାହୀ, ବାର କାଉନସିଲ ସେକ୍ରେଟାରୀ ଜଗୁ ରାଓ , କଣ୍ଟାବାଞ୍ଜି ବାର କାଉନସିଲର ସମସ୍ତ ଓକିଲ, ଜୁନିୟର କ୍ଲକ ବ୍ରଜ ମିର୍ଧା, ବେଣୁଧର ଜାଲ, ପାରା ଆଇନ ସ୍ବେଚ୍ଛାସେବୀ ଯୁଗଲ କିଶୋର ଶବର, ଗୋବିନ୍ଦ ତାଣ୍ଡି, କୃଷ୍ଣ ଚନ୍ଦ୍ର ମିଶ୍ର , ଜମ୍ବୁ ଛୁରା ପ୍ରମୂଖ ଉପସ୍ଥିତ ଥିଲେ।