26-Nov-2021

ବଲାଙ୍ଗିର,(ପ୍ରେରଣା ଖବର) + ବଲାଙ୍ଗିର ଜିଲ୍ଲା ସ୍ଥାନୀୟ ସାମାଜିକ ଓ ସ୍ୱାସ୍ଥ୍ୟ କ୍ଷେତ୍ରରେ କାର୍ଯ୍ୟରତ ଅଗ୍ରଣୀ ଅନୁଷ୍ଠାନ ନେସନାଲ ପିସ ୟୁନୀସନ ଦ୍ୱାରା ପରିଚାଳିତ ସହରାଂଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର  ମାଧ୍ୟମରେ ଅନ୍ତର୍ଜାତୀୟ ମହିଳା ବିରୁଦ୍ଧରେ ହିଂସା ଦିବସ ପାଳନ କରାଯାଇଥିଲା ll

ଉକ୍ତ ଦିବସକ୍ରମରେ ମହିଳା ମାନଙ୍କ କ୍ଷେତ୍ରରେ, ଘରୋଇ ହିଂସା, ସମାଜ ରେ ହିଂସା, ବିବାହ ଉତ୍ସବ ଓ ଯୌତୁକଜନିତ ହିଂସା, ସରକାରୀ ଓ ବେସରକାରୀ ସ୍ତରରେ କାର୍ଯ୍ୟରତ ମହିଳା ମାନଙ୍କୁ ଶୋଷଣ ଓ ତାଙ୍କ ପ୍ରତି ହିଂସା ଇତ୍ୟାଦି ର ବିଶେଷ ଆଲୋଚନା କରାଯାଇଥିଲା l ମହିଳା ହିଂସା କୁ ପ୍ରତିରୋଧ କରିବାକୁ ହେଲେ ମହିଳା ମାନେ ବିଭିନ୍ନ ଜାତୀୟ, ଅନ୍ତର୍ଜାତୀୟ ସାମାଜିକ ଅନୁଷ୍ଠାନ ମାନଙ୍କ ସହିତ ଜଡିତ ରହିବା, ବିଭିନ୍ନ ମାନବିକ ଅଧିକାର ଅନୁଷ୍ଠାନ, ଗଣ ମାଧ୍ୟମ ଅନୁଷ୍ଠାନ ମାନଙ୍କ ସହିତ ସମ୍ପର୍କ ରେ ରହି ନିଜେ ସ୍ୱୟଂସିଦ୍ଧ ହୋଇ ସ୍ୱର ଉତ୍ତ୍ୱଳନ କଲେ ଧୀରେ ଧୀରେ ସମାଜ ମାନଙ୍କ ରୁ ମହିଳା ହିଂସା କମି ଯିବାର ସମ୍ଭାବନା ରହିଛି ବୋଲି ପିସ ଊନୀସନ ନିର୍ଦେଶକ ସତ୍ୟ ରଞ୍ଜନ ମିଶ୍ର ଉଦବୋଧନ ଦେଇଥିବାବେଳେ, ସରକାରୀ ସ୍ତର ମାନଙ୍କରେ, ଅଳ୍ପ ବୟସରେ ବିବାହ କୁ ନେଇ, ଆର୍ଥିକ ଅନlଟନ କୁ ନେଇ କଳହ ଓ ପାରିବାରିକ ହିଂସା କୁ ପ୍ରତିହତ କିଭଳି କରାଯାଇ ପାରିବ ସେ ସମ୍ପର୍କରେ ଶ୍ରୀ ରାମାନୁଜ ପଣ୍ଡା

(ସ୍ୱାସ୍ଥ୍ୟ ଅତିରିକ୍ତ ମେନେଜର ) ଡା. ଆଶିଷ ବିଶ୍ୱାସ (ଚିକିତ୍ସା ଅଧିକାରୀ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର) ଉଦବୋଧନ ଦେଇଥିଲେ l
ସ୍ୱାସ୍ଥ୍ୟ କେନ୍ଦ୍ର ତରଫରୁ ଜଣେ ରାଷ୍ଟ୍ରୀୟ ତଥା ରାଜ୍ୟ ସ୍ତରରେ ପ୍ରତିଷ୍ଠିତ ମହିଳା ମୋଡେଲ ଯେ କି ରାଜ୍ୟ ପ୍ରଭାବି ମହିଳା, ରାଣୀ ଦୁର୍ଗାଶକ୍ତି ପୁରସ୍କାର, ରାଷ୍ଟ୍ରୀୟ ତିଆରା ପୁରସ୍କାର ଦ୍ୱାରା ସମ୍ମାନିତ ସୁଶ୍ରୀ ସ୍ୱଗତିକା କୁଅଁର ସମ୍ମାନିତ ଅତିଥି ଭାବେ ଯୋଗ ଦେଇ ତାଙ୍କର ବହୁମୂଲ୍ୟ ନାରୀ ଙ୍କ ସଶସ୍ତିକରଣ ଓ ହିଂସା ପାଇଁ କିଭଳି ଜଣେ ଝିଅ ନିଜକୁ ସଜାଗ ରଖିବ ଓ ଆତ୍ମସ୍ଵlବଲମ୍ବୀ ହୋଇ ସମାଜରେ ପ୍ରତିଷ୍ଠା ତିଆରି କରିପାରିବ ସେ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ l ଉପସ୍ଥିତ ମହିଳା ଆଶା ଦିଦି, ସ୍ୱାସ୍ଥ୍ୟ କର୍ମୀ ମାନ ନିଜ ଅଭିଜ୍ଞତା ଜନିତ ବକ୍ତବ୍ୟ ଉପସ୍ଥାପନ କରିଥିଲେ l