25-Nov-2021

ବଲାଙ୍ଗିର (ପ୍ରେରଣା ଖବର) : ଗତ ୧୪ ତାରିଖରେ ବିହାର ରାଜ୍ୟର ପବିତ୍ର ପୁଣ୍ଯପୀଠ ବୋଧଗୟା ଠାରେ ଅଖିଳ ଭାରତୀୟ ପ୍ରାଥମିକ ଶିକ୍ଷକ ସଂଘ ନୂଆଦିଲ୍ଲୀର ନେତୃତ୍ବରେ ନୂତନ କର୍ମକର୍ତ୍ତା ଚୟନ ପ୍ରକ୍ରିୟା ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ୨୬ ଟି ରାଜ୍ୟର ଜାତୀୟ କାର୍ଯ୍ୟାକାରିଣୀ ପରିଷଦର ସଭ୍ୟ ସଭ୍ୟା  ଅଂଶଗ୍ରହଣ କରିଥିଲେ । ତନ୍ମଧ୍ୟରୁ ବିହାରର ଶ୍ରୀ ରାମପାଳ ସିଂ ସଭାପତି ମନୋନୀତ ହୋଇଥିବା
ବେଳେ ମହାସଚିବ ଭାବେ ଓଡ଼ିଶାର କମଳାକାନ୍ତ ତ୍ରିପାଠୀ ନିର୍ବାଚିତ ହୋଇଥିଲେ । ସଂଘର ସାଧାରଣ ପରିଷଦକୁ ଓଡ଼ିଶାରୁ ୧୨ଜଣ ପ୍ରାଥମିକ ଶିକ୍ଷକ ମଧ୍ୟ ମନୋନୀତ

ହୋଇଛନ୍ତି । ଓଡିଶାର ଶ୍ରୀ କମଳା କାନ୍ତ ତ୍ରିପାଠୀ ମହାସଚିବ ଭାବେ ନିର୍ବାଚିତ ହୋଇଥିବା ବେଳେ ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ୍ ଅନ୍ତର୍ଗତ ଲୁହାସିଂହା ଗ୍ରାମର ଶିକ୍ଷୟିତ୍ରୀ ସବିତା ମହରା ସାଧାରଣ ପରିଷଦର ସଭ୍ୟା ଭାବେ ମନୋନୀତ ହୋଇଛନ୍ତି l ଏଥିପାଇଁ ଖପ୍ରାଖୋଲ 
ତଥା ବଲାଙ୍ଗୀର ଶିକ୍ଷକ ମହଲରେ ଖୁସିର ଲହରୀ ସୃଷ୍ଟି ହୋଇଛି ।