31-Oct-2021

ରେଢାଖୋଲ ( ଅନିଲ କୁମାର ପୃଷ୍ଟି ) ବିଶ୍ୱ ବରେଣ୍ୟ ସନ୍ଥ କବି ଭୀମ ଭୋଇଙ୍କ ମାଟି ତଥା ପଶ୍ଚିମ ଓଡିଶା ମୁଖ୍ୟ ଦ୍ୱାର ସମ୍ବଲପୁର ଜିଲ୍ଲା ରେଢାଖୋଲ  ସ୍ଥିତ ପ୍ରଜାପିତା ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଉପସେବା କେନ୍ଦ୍ରର ନୂତନ ଭବନ "ପ୍ରଭୁ ଉପହାର'  ରବିବାର ଉଦଘାଟିତ ହୋଇ ଯାଇଛି। ଏହି ଉଦଘାଟନୀ ଉତ୍ସବରେ ନୂତନ ଭବନକୁ ବ୍ରହ୍ମା କୁମାରିସ  ପଶ୍ଚିମ ଓଡିଶା ସେବା କେନ୍ଦ୍ର ସମୂହ ତଥା  ସମ୍ବଲପୁର ସେବା କେନ୍ଦ୍ରର ମୁଖ୍ୟ ସଞ୍ଚାଳିକା  ରାଜଯୋଗିନୀ ବ୍ରହ୍ମା କୁମାରୀ ପାର୍ବତୀ ଭଉଣୀ,ରାଜ୍ୟ ସଭା ସାଂସଦ ପ୍ରସନ୍ନ ଆଚାର୍ଯ୍ୟ  ପ୍ରମୁଖ ଅତିଥି ଭାବରେ ଯୋଗ ଦେଇ  ନୂତନ ଭବନର  ଶୁଭ ଉଦଘାଟନ କରିଥିଲେ। ଏହି  ନୂତଟ ଭବନର ଉଦଘାଟନ ଓ  ସମ୍ବଲପୁର ମୁଖ୍ୟ ସେବାକେନ୍ଦ୍ରର ସଞ୍ଚାଳିକା ରାଜ ଯୋଗିନୀ ବ୍ରହ୍ମା କୁମାରୀ ପାର୍ବତୀ ଭଉଣୀଙ୍କ  ଈଶ୍ୱରୀୟ ସେବାରେ ୫୦ ବର୍ଷ ସମର୍ପିତ  ଜୀବନ ଅବସରରେ  ଏକ ସ୍ବର୍ଣ୍ଣିମ ଦିବସ ଉତ୍ସଵ ଅନୁଷ୍ଠିତ ହୋଇ ଥିଲା। ସମ୍ବଲପୁର ସେବାକେନ୍ଦ୍ରର  ବ୍ରହ୍ମା କୁମାରୀ ଆରତୀ ଭଉଣୀଙ୍କ  ମଞ୍ଚ ପରିଚାଳନାରେ ଅନୁଷ୍ଠିତ ସମାରୋହରେ  ରାଜ୍ୟ ସଭା ସାଂସଦ ପ୍ରସନ୍ନ ଆଚାର୍ଯ୍ୟ ମୁଖ୍ୟ ଅତିଥି ଭାବରେ ଦେଇ  ଆଧ୍ୟାତ୍ମିକ ଜ୍ଞାନ  ମାନବ ସମାଜ କିପରି ଦିଗ ଦର୍ଶନ ଦେଇ ଆସିଛି ଏବଂ କିପରି ସାରା ବିଶ୍ୱରେ ଶାନ୍ତି ପ୍ରତିଷ୍ଠା ହୋଇ ପାରିବ ତାଙ୍କର ନିଜସ୍ୱ ଅନୁଭୂତିକୁ ପ୍ରକାଶ କରିଥିଲେ। ସେହିପରି ବରିଷ୍ଠ ବିଜେପି ନେତା ଗୋବିନ୍ଦ ଅଗ୍ରୱାଲ, ଜିଲ୍ଲା ପରିଷଦ ସଭ୍ୟ ପ୍ରଦୀପ ପ୍ରଧାନ ପ୍ରମୁଖ ସଂମାନିତ ଅତିଥି ଭାବରେ ଯୋଗ ଦେଇଥିଲେ।  ଅନ୍ୟ ମାନଙ୍କ ମଧ୍ୟରେ  ପ୍ରଜାପିତା ବ୍ରହ୍ମା କୁମାରୀ ଇଶ୍ୱରୀୟ ବିଶ୍ୱ ବିଦ୍ୟାଳୟର  ଅନ୍ତରାଷ୍ଟ୍ରୀୟ ମୁଖ୍ୟାଳୟ ମାଉଣ୍ଟ ଆବୁ (ରାଜସ୍ଥାନ)ର  ସରତ ଭାଇ, ରୀଙ୍କୁ ଭାଇ, ହିମାଂଶୁ ଭାଇ ,ରୋହିତ ଭାଇ, ସୁଧାଂଶୁ ଭାଇ, ବ୍ରହ୍ମା କୁମାରୀ ସୁଶୀଳା, ଲକ୍ଷ୍ମୀ, ସୁଜାତା, ଗୀତା , ମାମିନା, ଯଶୋଦା, ସୁନିତା, ଜୟଶ୍ରୀ  ପ୍ରମୁଖ ମଞ୍ଚାସିନ ଥିଲେ।ଏହି ଅଵସରରେ ବ୍ରହ୍ମା କୁମାରୀ ପାର୍ବତୀ

ଭଉଣୀଙ୍କ ସମେତ  ସମସ୍ତ ଅତିଥି,  ମଞ୍ଚାସିନ  ଭାଇ ଓ ଭଉଣୀ ମାନଙ୍କୁ   ଉପଧୌକନ ଦେଇ ସଂମାନିତ କରିଥିଲେ। ଏହି କାର୍ଯ୍ୟକ୍ରମରେ ରେଢାଖୋଲ  ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଉପ ସେବା କେନ୍ଦ୍ର ସଞ୍ଚାଳିକା ବ୍ରହ୍ମା କୁମାରୀ ମଞ୍ଜୁ ଭଉଣୀ ସ୍ୱାଗତ ଭାଷଣ ପ୍ରଦାନ କରି ଥିଲେ।  କାର୍ଯ୍ୟକ୍ରମ ପ୍ରାରମ୍ଭରେ ଅତିଥି ମାନଙ୍କ ଦ୍ୱାରା  ଦୀପ  ପ୍ରଜ୍ଵଳନ , କେକ କାଟି କାର୍ଯ୍ୟକ୍ରମ ଆରମ୍ଭ ହୋଇଥିଲା।ଆରମ୍ଭରେ ଏକ ଆଧ୍ୟାତ୍ମିକ ଅନୁଭୂତି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମକୁ ବ୍ରହ୍ମା କୁମାର ଡ. ଭାଗିରଥି ଭାଇ ପରିଚାଳନା   କରି ଥିବା ବେଳେ ବ୍ରହ୍ମା କୁମାର ପ୍ରସନ୍ନ   ଭାଇ ରେଢାଖୋଲ ଉପ ସେବାକେନ୍ଦ୍ରର ଇତିହାସ ବିଷୟରେ କହିବା ସହିତ  ବ୍ରହ୍ମା କୁମାରୀ ଜ୍ୟୋତି ଭଉଣୀ ୫୦ ବର୍ଷର ସେବା ସମ୍ୱନ୍ଧରେ ପ୍ରକାଶ କରିଥିଲେ। ଶେଷରେ ବ୍ରହ୍ମା କୁମାର ହାଡ଼ିବନ୍ଧୁ ଭାଇ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ସ୍ୱାଗତ ନୃତ୍ୟ ପରିବେଷଣ କରାଯାଇଥିଲା।