31-Oct-2021

ସୋନପୁର (ମନୋରଞ୍ଜନ ତ୍ରିପାଠୀ) ସୋନପୁର ମହାବିଦ୍ୟାଳୟରେ ଯୁକ୍ତ ଦୁଇରେ ଅଧ୍ୟୟନ କରି ପଂଚାଅଶୀ ମସିହାରୁ ବନ୍ଧୁତ୍ବ ଅତୁଟ ରଖିଥିବା ପୁରୁଣା ବଂଧୁମାନେ ଦୀର୍ଘ ସଇଁତିରିଶ ବର୍ଷ ପରେ ସୁବର୍ଣ୍ଣପୁରସ୍ଥ ସୁବର୍ଣ୍ଣମେରୁ ମନ୍ଦିରରେ ଏକତ୍ରିତ ହୋଇଥିଲେ ।ଶ୍ରୀ ସୁଦାମ ଚରଣ ସାହୁ ଓ ଶ୍ରୀ ଗୋପାଳ ଚରଣ ସାହୁଙ୍କ ନେତୃତ୍ବରେ ଅନୁଷ୍ଠିତ ଏଇ ବନ୍ଧୁମିଳନ ଉତ୍ସବରେ ଏକ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା। ।ଇତ୍ୟବସରରେ ଇହଧାମ ତ୍ୟାଗ କରି ସାରିଥିବା ଦିବଂଗତ ବନ୍ଧୁ ମହେନ୍ଦ୍ର କୁମାର ମିଶ୍ର ,ଭାସ୍କର ଦାଶ ଓ ନୀଳେନ୍ଦ୍ରି ସାହୁଙ୍କ ଆତ୍ମାର ସଦ୍ଗତି ନିମନ୍ତେ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା ।ବହୁବର୍ଷ ପରେ ମିଳିତ ହୋଇଥିବା ବନ୍ଧୁମାନେ ନିଜନିଜ ପରିବାର ବିଷୟରେ ପରସ୍ପର ଅବଗତ ହେବା ସହ ପୁରୁଣା ଦିନର ସ୍ମୃତିକୁ ଉଖାରି ଭାବ ଗଦଗଦ ହୋଇଥିଲେ ।ଗୀତ ବାଦ୍ୟ ନୃତ୍ୟ ଓ ଅଭିନୟର ଆସର ଓ ଭୋଜିଭାତର ସ୍ବତନ୍ତ୍ର ପର୍ବ ଅନୁଷ୍ଠିତ ହୋଇଥିଲା ।ଏହି ବନ୍ଧୁ ମିଳନ ପର୍ବରେ ରାଜ୍ୟ ସରକାରଙ୍କର ପ୍ରୋଜେକ୍ଟ ଏଡମିନିଷ୍ଟ୍ରେଟର ଭାବେ ଭବାନି ପାଟଣାରେ ଅବସ୍ଥାପିତ ଶ୍ରୀ ବରଂଚି ନାରାୟଣ ଦରୁୱାନ, ଡକ୍ଟର ପୁରୁଷୋତ୍ତମ ମିଶ୍ର, ଡକ୍ଟର ସୌରଭ ରଂଜ ଖମାରୀ ,ବାଉଁଶୁଣୀ ମାବିଦ୍ୟାଳୟ ଅଧ୍ୟକ୍ଷ ଶ୍ରୀ ଅନିରୁଦ୍ଧ ମହାକୁଡ,ପିକାଶ୍ରୀ ରବୀନ୍ଦ୍ର ଠେଟୁଆଲ୍ ,ଶ୍ରୀ ପ୍ରବୀର ରଥ ,ଶ୍ରୀ ବସନ୍ତ କୁମାର ଦାଶ ,ଅଧ୍ୟପକ ପ୍ରକାଶ ମହାକୁଡ ,ଅଧ୍ୟାପିକା ଭାରତୀ ଦର୍ଜି ,ଅଧ୍ୟାପିକା ସଂଜୁରାଣୀ ସିଂ  ଆଦି ପୁରୁଣା ବନ୍ଧୁମାନେ ଉତ୍ସବରେ ଅଂଶଗ୍ରହଣ କରିଥିଲେ ।