31-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ପାଇକମାଲ ରଣଜିତପୁର ସ୍ଥିତ ସରକାରୀ ଆୟୁର୍ବେଦ ଚିକିତ୍ସାଳୟରେ ଅବସରକାଳୀନ ସମ୍ବର୍ଦ୍ଧନା ସଭା ଡାକ୍ତର ପ୍ରଦିପ କୁମାର  ଦୋରାଙ୍କ ଅଧ୍ୟକ୍ଷତାରେ ରବିବାର ଅନୁଷ୍ଠିତ ହୋଇଯାଇଛି । ଚିକିତ୍ସାଳୟର ଫାମାସିଷ୍ଟି ମାତୃ ପ୍ରସାଦ ରଥ ଦୀର୍ଘ ୩୪ ବର୍ଷ ଧରି ଏଠାରେ ଗୋଟିଏ ସ୍ଥାନରେ ରହି କାମ କରି   ଅବସର ନେଇଛନ୍ତି । ଅତିଥି ଭାବେ ନୃସିଂହନାଥ ଆୟୁର୍ବେଦ ମହାବିଦ୍ୟାଳୟ ପ୍ରଶାସକ ମନୋଜ

କୁମାର ତ୍ରିବେଦୀ, ମହାବିଦ୍ୟାଳୟର ଅଧ୍ୟକ୍ଷା ଖିରାବ୍ଧୀ ତନୟା ରାଉତରାୟ, ପ୍ରଫେସର ଶିବ ପ୍ରସାଦ ମହାନ୍ତି, ଡା. ମାନଭଞ୍ଜନ ପଣ୍ତା, ଡା. ଶ୍ରୀକାନ୍ତ ରାଉତ ଯୋଗଦାନ କରିଥିଲେ । ଅବସର ନେଇଥିବା ଶ୍ରୀ ରଥଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ଶ୍ରୀ ରଥ ତାଙ୍କ ଭାଷଣରେ ସେବା ମନଭାବ ନେଇ କାମ କରିବାକୁ କହିଥିଲେ । ଅତିଥି ମାନଙ୍କ ସହ ଶଙ୍କର ପ୍ରସାଦ ଦାସ,  ଶୌକିଲାଲ ସେଠ ପ୍ରମୁଖ ଯୋଗ ଦେଇ ରଥ ବାବୁଙ୍କ ଚାକିରି ଜିବନୀ ଉପରେ ଆଲୋକପାତ କରିଥିଲେ । ଶେଷରେ  ପାରେଶ୍ବର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ