25-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ଉଦୀୟମାନ ଯୁବକ ସଂଘ କମ୍ଯୁନିଟି ସେଣ୍ଟର, ବିଜେପୁର ଠାରେ ବିଜେପୁର ବ୍ଲକ୍ ଅନ୍ତର୍ଗତ ବିଜେପୁର ଜୋନ୍ ସ୍ତରୀୟ ସାଂଗଠନିକ ବୈଠକ ମକ୍ତା ପଟେଲଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ବିଲେଇପାଲି, ସମଲାଇପଦର, ବିଜେପୁର, ଗୁଡ଼ିମୁଣ୍ଡା, ଚାରପାଲି,କଲଙ୍ଗାପାଲି ,କର୍ଲେ ଓ ରାମପୁର ଗ୍ରାମରୁ ଶତାଧିକ ବ୍ଯକ୍ତି ଯୋଗଦାନ କରିଥିଲେ।

ସାମାଜିକ ରୀତିନୀତିରେ କୁସଂସ୍କାର ଓ ବାହ୍ଯ ଆଡ଼ମ୍ବର ବର୍ଜନ କରି ଏକ ଉନ୍ନତ ସମାଜ ଗଠନ ପାଇଁ ଯୁବ ସମାଜ ଆଗେଇ ଆସିବା ପାଇଁ ସୁଶାନ୍ତ ପଟେଲ ଆହ୍ବାନ ଦେଇଥିଲେ। କୌଳିକ ବୃତ୍ତିରେ ଆଧୁନିକ ବୈଜ୍ଞାନିକ କୌଶଳ ପ୍ରୟୋଗ କରି ଅଧିକ ଉତ୍ପାଦନ ସାଙ୍ଗକୁ ଲୋକଙ୍କ ଖାଦ୍ୟାଭାବ ଦୂର କରିବା ଓ

ଆର୍ଥିକ ଅଭିବୃଦ୍ଧି ସମ୍ଭବପର ବୋଲି ଯଦୁମଣି ପଟେଲ ଉଦବୋଧନ ଦେଇଥିଲେ।
 କୋଶଲିଆ ମାଳି ସମାଜ ର ଏକ ସ୍ଥାୟୀ କାର୍ଯ୍ଯାଳୟ ବିଜେପୁରଠାରେ ନିର୍ମାଣ କରାଯିବା ପାଇଁ ସର୍ବସମ୍ମତ ମତପ୍ରକାଶ ପାଇଥିଲା।ସର୍ବଶ୍ରୀ ନିକୁଞ୍ଜ ପଟେଲ, ପ୍ରଶାନ୍ତ ପଟେଲ,ରସିକ ପଟେଲ, ବିହାରୀ ପଟେଲ,କ୍ଷମାନିଧି ପଟେଲ,ଗିରୀଶ ପଟେଲ,ସୁଧାଂଶୁ ଚୌଧୁରୀ,ପ୍ରମୋଦ ପଟେଲ ଙ୍କୁ ନେଇ ଜୋନାଲ କମିଟି ଗଠନ କରାଯାଇଛି।ରଣଜିତ ପଟେଲଙ୍କ ପ୍ରତ୍ଯକ୍ଷ ତତ୍ତ୍ବାବଧାନରେ ସଭାକାର୍ଯ୍ଯ ପରିଚାଳିତ ହୋଇଥିବାବେଳେ ଶେଷ ରେ ପ୍ରେମରାଜ ପଟେଲଧନ୍ୟବାଦ ଅର୍ପଣ କରିଥିଲେ l