17-Oct-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର  ସଦର ମହକୁମା ପୋଲିସ ଜଣେ ମୋଟର ଚୋରକୁ ଧରିବାରେ ସଫଳ ହୋଇଛି । ଗତ କିଛି ଦିନ ହେଲା ସୋନପୁର ସହର 
 ସମେତ ପାଖ ଆଖ ଗାଁରୁ କ୍ରମାଗତ ଭାବରେ ଲୋକଙ୍କ ଘରୁ ପାଣି ମୋଟର ଚୋରି ହୋଇଥିବା ଅଭିଯୋଗ କରି ବିଭିନ୍ନ ଲୋକ  ସୋନପୁର ଥାନାରେ ଏତାଲା କରିଥିଲେ । ଏପରିକି ସହରର ଅତିରିକ୍ତ ତହସିଲଦାରଙ୍କ ଘରେ ସେ ଅନୁପସ୍ଥିତ ଥିବା ବେଳେ ତାଙ୍କ ଘରୁମଧ୍ୟ ଗୋଟାଏପାଣି ମୋଟର ଚୋରି ହୋଇଯାଇଥିଲା ।ଅତିରିକ୍ତ ତହସିଲଦାର ଥାନାରେ ଅଭିଯୋଗ କଲାପରେ ପୋଲିସ ଏକ୍ସନ ମୋଡରେ ଆସି ଛାନଭିନ ଜାରିରଖି ପରେ ପରେ ସହରର କଳିଙ୍ଗ ନଗର ର ୨୧ ବର୍ଷିୟ ରାମ ଘଡିଆ ନାମକ ଜଣେ ଯୁବକକୁ ସନ୍ଦେହ କରି ପଚରା ଉଚୁରା କଲା ପରେ ରାମ ପାଖରୁ ୧୧ଗୋଟି ମୋଟର ପମ୍ପପମ୍ପ ଜବତ କରିଥିଲେ l ପରେ  ପୋଲିସ ରାମ କୁ ଗିରଫ କରିବା ସହିତ ସଦର ଥାନାରେ ଏକ ସାମ୍ବାଦିକ ସମ୍ମିଳନୀ କରି ଚୋରି ଘଟଣା ଓ ପୋଲିସ ର ଏ ସଫଳତା ବାବଦରେ ଗଣମାଧ୍ୟମ ପ୍ରତିନିଧିଙ୍କୁ ସୂଚନା ଦେଇଛନ୍ତି ଏସି ଡି ପି ଓ ପୁଷ୍ପାଞ୍ଜଳି ନିଙ୍ଗି  l ଏହି ସାମ୍ବାଦିକ  ସମ୍ମିଳନୀରେ ସଦର ଆଇଆଇସି ପୁଷ୍ପେନ୍ଦୁ ସାଗରଙ୍କ ସମେତ  ସମସ୍ତ ପୋଲିସ ଅଧିକାରୀ ମଧ୍ୟ ଉପସ୍ଥିତ ଥିଲେ l