21-Sep-2021

ବଲାଙ୍ଗିର,(ପ୍ରେରଣା ଖବର)- ଦୁର୍ଘଟଣା ଗ୍ରସ୍ତ ବା ଅସୁସ୍ଥ ବ୍ୟକ୍ତିକୁ ସଠିକ ସମୟରେ ପ୍ରାଥମିକ ଉପଚାର ଯୋଗାଇ ସୁରକ୍ଷିତ ଭାବରେ ବ୍ୟକ୍ତିକୁ ଡାକ୍ତରଖାନାକୁ ପହଞ୍ଚାଇ ଅମୂଲ୍ୟ ଜୀବନକୁ ବଞ୍ଚାଯାଇପାରିବ । ଏହି ଭାବନାକୁ ଲକ୍ଷ କରି ଭାରତୀୟ ରେଡକ୍ରସ ସୋସାଇଟୀ, ଓଡିଶା ଶାଖାର ଆହ୍ୱାନ କ୍ରମେ ପୁଇଁନ୍ତଲା ବ୍ଲକ ଅନ୍ତର୍ଗତ ଅଙ୍କରିଆ ପଦର ସ୍ଥିତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଜୁନିୟର ରେଡକ୍ରସ ୟୁନିଟ ତରଫରୁ

ପ୍ରାଥମିକ ଉପଚାର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କୋଭିଡ-୧୯ ମାର୍ଗର୍ଶିକା ପାଳନ କରି ପ୍ରଧାନ ଶିକ୍ଷୟତ୍ରୀ ରଂଜିତା ତ୍ରିପାଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ କାର୍ଯ୍ୟକ୍ରମରେ ଜୁନିୟର ରେଡକ୍ରସ କାଉନ୍ସେଲର ତଥା ପ୍ରାଥମିକ ଉପଚାରିକା ରଶ୍ମିରାଣୀ ଦାଶ ପ୍ରାଥମିକ ଉପଚାର ବିଷୟରେ  ଛାତ୍ରଛାତ୍ରୀ ତଥା ଶିକ୍ଷକଶିକ୍ଷୟତ୍ରୀମାନଙ୍କୁ ତାଲିମ ପ୍ରଦାନ କରିଥିଲେ । ଶ୍ରୀମତୀ ଦାଶ ପ୍ରଥମେ ପ୍ରାଥମିକ ଉପଚାରର ଲକ୍ଷ୍ୟ,ଉଦ୍ଦେଶ୍ୟ ଓ ଆବଶ୍ୟକତା ବିଷୟରେ ବୁଝାଇବା ସହ ଡେମୋଷ୍ଟ୍ରେସନ ମାଧ୍ୟମରେ କ୍ରାଉଡ ମ୍ୟାନେଜମେଣ୍ଟ, କେଜୁଆଲିଟୀ ମ୍ୟାନେଜମେଣ୍ଟ, ସକ୍‌, ରକ୍ତ ସ୍ରାବ, ବେଣ୍ଡେଜ୍‌, ମୁର୍ଚ୍ଛା ଆଦି ବିଷୟରେ ଶିକ୍ଷକ ଶିକ୍ଷାର୍ଥୀମାନଙ୍କୁ ତାଲିମ ପ୍ରଦାନ କରିଥିଲେ । ପ୍ରାଥମିକ ଉପଚାର ଜ୍ଞାନକୁ ଠିକ ସମୟରେ ଠିକ ସ୍ଥାନରେ ଉପଯୋଗ କରି ଅନ୍ୟର ସହାୟକ ଭାବରେ କାର୍ଯ୍ୟ କରିବାକୁ ପ୍ରଧାନଶିକ୍ଷୟତ୍ରୀ  ରଂଜିତା ତ୍ରିପାଠୀ ମତ ପ୍ରଦାନ କରିଥିଲେ । କାର୍ଯ୍ୟକ୍ରମରେ ଶିକ୍ଷାର୍ଥୀ, ବିଦ୍ୟାଳୟ ପରିଚାଳନା କମିଟୀର ସଭାପତି ସରୋଜ ଡାଙ୍ଗ,  ଶିକ୍ଷୟତ୍ରୀ ତପସ୍ୱିନୀ ଦାଶ, ତବସୁମ୍ ଜାହାନ୍ ବେଗମ୍ , ଝରଣା ପାତ୍ର, ପୌର୍ଣ୍ଣବାସୀ ଆଚାର୍ଯ୍ୟ, ନରେନ୍ଦ୍ରୀ ଛାନ୍ଦ, ପ୍ରେମ ମଞ୍ଜରୀ ସିଂହ, ଶିକ୍ଷକ ଗିରିଶ ସେଠ୍‌, ଦେବେନ୍ଦ୍ର ବିଶ୍ୱାଳ, ନବିନ ଗାଇଗରିଆ, ଟୁନା ପାତ୍ର ଉପସ୍ଥିତ ଥିଲେ । ଶେଷରେ ଖେଳ ଶିକ୍ଷକ ପ୍ରଦ୍ୟୁମ୍ନ ରାଉତ ଧନ୍ୟବାଦ ଅର୍ପଣ କରିଥିଲେ ।