13-Sep-2021

କେନ୍ଦ୍ରାପଡା (ଶିବ ପ୍ରସାଦ ସେନାପତି ) ଲଗାଣ ବର୍ଷାରେ ଭାଙ୍ଗି ଗଲା ଚାଳ ଛପର୍ ଘର କାନ୍ଥ ଆଉ  କାନ୍ଥ ତଳେ ଚାଲିଗଲା ବୃଦ୍ଧଙ୍କ ଜୀବନ କାନ୍ଥ । ଦଇବ ସାଜିଲା ଦାଉ ଜଣେ ଅସହାୟ ପରିବାର ଉପରେ ।  ସୂଚନାରୁ ପ୍ରକାଶ କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ଅନ୍ତର୍ଗତ ବଡବେତେରା ପଞ୍ଚାୟତ ଅଧୀନସ୍ଥ ବଡ଼ବେତେରା ଗ୍ରାମର ଅଭୟ ମହାପାତ୍ର ନିଜ ନଡ଼ା ଛପର ଘରେ ସୋଇଥିବା ସମୟରେ ଆଜି ଭୋର   ପାଞ୍ଚଟା ସମୟରେ ମାଟି କାନ୍ଥ

ଭାଙ୍ଗି ତାଙ୍କ ଉପରେ ପଡିଯିବାରୁ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିବା ବେଳେ ଅଳ୍ପକେ ବଡ଼ ବିପଦ ରୁ ରକ୍ଷପାଇଗଲେ ନିଜର ବୋହୂ ଓ ନାତି । ଗ୍ରାମବାସୀ ଓ ସରପଞ୍ଚଙ୍କ ଠାରୁ ଖବର ପାଇ ଘଟଣା ସ୍ଥଳ

ରେ ଅଗ୍ନିଶମ ବାହିନୀ ପହଞ୍ଚି ଅଭୟଙ୍କ ଶବକୁ ମାଟି କାନ୍ଥ ତଳୁ ଉଦ୍ଧାର କରିଥିଲେ । ଖବର ପାଇ ଗରଦପୁର୍ ତହସିଲଦାର ଶ୍ରୀଯୁକ୍ତ ଅଶୋକ ବେହେରା, କୁଦାନଗରୀ ଫାଣ୍ଡି ଅଧିକାରୀ ସୁଧିର୍ କୁମାର ସୁନ୍ଦର୍ ରାୟ ପହଞ୍ଚିଥିଲେ। ଏହି ଘଟଣାକୁ ଶୁଣି ବଡବେତରା ଗ୍ରାମ ପଞ୍ଚାୟତର ଯୁବ ସମାଜସେବୀ ଇଞ୍ଜିନିୟର ଖଗେଶ୍ବର ବାରିକ, ସୁଶାନ୍ତ କୁମାର ବାରିକ,ସରପଞ୍ଚ ଦିଲ୍ଲିପ କୁମାର ବାରିକ ,ପହଞ୍ଚି ଶୋକ ସଂତପ୍ତ ପରିବାରକୁ ସମବେଦନା ଜଣାଇଥିଲେ।