13-Sep-2021

ବିନିକା(ହିମାଂଶୁ ଶେଖର ପୁଟେଲ) ଶାନ୍ତି,ମୈତ୍ରି,ଭାତ୍ରୁଭାବ ଓ ନିଜନିଜ ମଧ୍ୟରେ ସ୍ନେହ, ଶ୍ରଦ୍ଧା ପ୍ରତିଷ୍ଠା କରିବାର ପର୍ବ ନୁଆଁଖାଇ ଗତକାଲି ଶନିବାର ସାରା ବିନିକା ଅଞ୍ଚଳରେ ଉତ୍ସାହ ଉଦ୍ଦୀପନା ମଧ୍ୟରେ ପାଳିତ ହୋଇଯାଇଛି l ଅଞ୍ଚଳର ପ୍ରସିଦ୍ଧ ଶୈବପୀଠ କପିଳେଶ୍ୱର ମନ୍ଦିର,ନାରାୟଣୀ ମନ୍ଦିର, ମାଁ ଚରଦେଇ, ମାଁ ମାହେଶ୍ୱରୀ ମନ୍ଦିର ଆଦି ଦେବାଦେବୀ ପୀଠରେ ନବାନ୍ନ ଲାଗି ହେବାପରେ ଘରେ ଘରେ ଲୋକେ ନିଜ ନିଜ ଇଷ୍ଟ ଦେବାଦେବୀଙ୍କ ଠାରେ ନବାନ୍ନ ଭୋଗ ଅର୍ପଣ କରିଥିଲେ l ପରେ ପରିବାର ପରିଜନ ଏକତ୍ରିତ ହୋଇ ପରସ୍ପର ମଧ୍ୟରେ ନବାନ୍ନ ଭୋଗ ବାଣ୍ଟି ଖାଇଥିଲେ lସେହିପରି ଭଲ ଅମଳ ଆଶା ନେଇ ଚାଷୀମାନେ ନିଜ ଚାଷଜମିକୁ ଯାଇ ଚାଉଳ,ଫୁଲ,କ୍ଷୀର ଓ ଦୀପ ଦେଇ ମାଟି ମାଁ ର ପୂଜାର୍ଚ୍ଚନା

କରିଥିଲେ l ଏହି ଅବସରରେ ଘରେ ଘରେ ପିଠାମଡା ଓ ଭୋଜିଭାତର ଆସର ଜମିଥିବା ବେଳେ ପରମ୍ପରା ଅନୁଯାଇ କନିଷ୍ଠ ମାନେ ବଡ଼ ମାନଙ୍କୁ ଜୁହାର ଭେଟ ହୋଇ ଆଶୀର୍ବାଦ ଭିକ୍ଷା କରିଥିଲେ l ଫଳରେ ଏହି ଜୁହାର ଭେଟଘାଟକୁ ନେଇ ଆତ୍ମୀୟତା ପରିବେଶ ସୃଷ୍ଟି କରିଥିଲା l କୋଭିଡ କଟକଣା ଯୋଗୁଁ ନୂଆଁଖାଇ ଭେଟଘାଟ ସାଂସ୍କୃତିକ କାର୍ଯ୍ୟକ୍ରମ ନା କରା ଅନୁଷ୍ଠାନ ପକ୍ଷରୁ ଏଥର ହୋଇନଥିବା ବେଳେ ଅପରପକ୍ଷରେ କେତେକ ଅନୁଷ୍ଠାନ ଭେଟଘାଟ ଅର୍ଥାତ ମଜlମଜଳିସକୁ ବଞ୍ଚାଇବା ପାଇଁ ବ୍ଲକର ଅନେକ ଗ୍ରାମର ଯୁବ ଗୋଷ୍ଟିଙ୍କ ଉଦ୍ୟମରେ କୌତୁକ ଖେଳ ପ୍ରଦର୍ଶନ,ବିଭିନ୍ନ ପ୍ରକାରର ପ୍ରତିଯୋଗିତା,ସାଂସ୍କୃତିକ କାର୍ଯ୍ୟକ୍ରମ ଆଦି ଅନୁଷ୍ଠିତ ନୂଆଁଖାଇ ତିହାର ଉତ୍ସବକୁ ଅଧିକ ମୁଖରିତ କରିଥିଲା l