09-Sep-2021

ସଇଁତଳା (ପ୍ରେରଣା ଖବର)- ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ଜୁନିୟର ରେଡକ୍ରସ ୟୁନିଟ୍ ତରଫରୁ ପ୍ରାଥମିକ ଚିକିତ୍ସା ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ କାର୍ଯ୍ୟକ୍ରମରେ ପ୍ରଥମ ପର୍ଯ୍ୟାୟରେ ବାର ଜଣ ଜୁନିୟର  ଓ ପାଞ୍ଚ ଜଣ ଶିକ୍ଷକ ଶିକ୍ଷୟତ୍ରୀ ଅଂଶଗ୍ରହଣ କରିଥିଲେ । ଜୁନିୟର ରେଡକ୍ରସ ପରାମର୍ଶଦାତା ତଥା ଫାଷ୍ଟ ଏଡର ରାମ ନାରାୟଣ ଦାଶ ପ୍ରାଥମିକ ଚିିକିତ୍ସାର ଲକ୍ଷ୍ୟ, ଆବଶ୍ୟକତା ବିଷୟରେ ବୁଝାଇବା ସହ ଡେମୋଷ୍ଟ୍ରେସନ ମାଧ୍ୟମରେ ଇନ୍ସିଡେଣ୍ଟ ମ୍ୟାନେଜମେଣ୍ଟ, କେଜୁଆଲଟୀ ମ୍ୟାନେଜମେଣ୍ଟ, ସକ୍‌, ମୁର୍ଚ୍ଛା ତଥା

ରିକଭରି ପୋଜିସନ ବିଷୟରେ ତାଲିମ ପ୍ରଦାନ କରିଥିଲେ । କୋଭିଡ ନିୟମ ମାନି ହୋଇଥିବା କାର୍ଯ୍ୟକ୍ରମରେ ଶିକ୍ଷାର୍ଥୀମାନେ ଦୈନନ୍ଦିନ ଶିକ୍ଷାଦାନ ସମାପ୍ତ ପରେ ଅଂଶଗ୍ରହଣ କରିବା ପୂର୍ବରୁ ଥର୍ମାଲ ସ୍କେନିଂ କରାଯାଇଥିଲା ଓ ଶେଷ ପର୍ଯ୍ୟାୟରେ  ହାତ ଧୁଆ  କାର୍ଯ୍ୟକ୍ରମ ହୋଇ ପରିସମାପ୍ତ ଘଟିଥିଲା । ଏହି ଅବସରରେ ପର୍ଯ୍ୟାୟ କ୍ରମରେ ସମସ୍ତ ଶିକ୍ଷାର୍ଥୀ ଓ ଶିକ୍ଷକମାନଙ୍କ ପ୍ରାଥମିକ ଚିକିତ୍ସା ବିଷୟରେ ଜ୍ଞାନ ପ୍ରଦାନ କରାଯିବ ବୋଲି ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ମିଶ୍ର ମତବ୍ୟକ୍ତ ରଖିଥିଲେ । କାର୍ଯ୍ୟକ୍ରମରେ ଜୁନିୟର ସୃତି ସାହୁ, ରାନୀ ସୁନା, ଶୃତି ରଣା, ବିନ୍ଦି ବାରିକ, ବି.ଏସ୍‌.ଆର. ମାଟିନା, ଅଞ୍ଜଳୀ ବାରିକ, ପ୍ରିୟମ୍ ପଧାନ, ବିଶ୍ୱଜିତ ସୁନା, ମହାଦେବ ରଣା, ବିଭୁ ସାହୁ, ଶିକ୍ଷକ ବିଶ୍ୱନାଥ ମେହେର, ସୁଦର୍ଶନ ଦାଶ, ହିମାଂଶୁ ଶେଖର ବିଶ୍ୱାଳ, ଶିକ୍ଷୟତ୍ରୀ ରେଣୁକା ସାହୁ, ଗାୟତ୍ରୀ ବେହେରା ତଥା ଛାତ୍ରଛାତ୍ରୀମାନେ ଯୋଗଦାନ କରିଥିଲେ । କାର୍ଯ୍ୟକ୍ରମ ଶେଷରେ ଜୁନିୟର ପିୟୁଷ ଭୋଇ ଧନ୍ୟବାଦ ଦେଇଥିଲେ ।