25-Aug-2021

ବଲାଙ୍ଗୀର,(ପ୍ରେରଣା ଖବର)  ଅଦ୍ୟ ସ୍ଥାନୀୟ ରାଜେନ୍ଦ୍ର ବିଶ୍ୱବିଦ୍ୟାଳୟରେ ଭାରତୀୟ ରେଡକ୍ରସ ସୋସାଇଟି ଓଡିଶା ରାଜ୍ୟ ଶାଖା ସହାୟତାରେ ଜିଲ୍‌ା ଯୁବ ରେଡକ୍ରସ  କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ଏହି ସଭାରେ ରେଡକ୍ରସର ଆଭିମୁଖ୍ୟ କଣ., ଶିକ୍ଷାନୁଷ୍ଠାନ ମାନଙ୍କରେ ରେଡକ୍ରସ ର କାମ କଣ, କିଭଳି ଭାବରେ ଆଗାମୀ ଦିନରେ ଯୁବ ରେଡକ୍ରସର  କାର୍ଯ୍ୟକ୍ରମ କୁ ତ୍ୱରାନ୍ୱିତ କରାଯାଇ ପାରିବ ସେ ବିଷୟରେ ଜିଲ୍ଲା ସ୍ତରୀୟ ପ୍ରସାଶନିକ ଅଧିକାରୀ ମାନଙ୍କ ସହିତ ବ୍ୟାପକ ଭାବରେ ବିଚାର ବିମର୍ଶ କରାଯାଇଥିଲା । ରାଜେନ୍ଦ୍ର ବିଶ୍ୱବିଦ୍ୟାଳୟର ରେଜିଷ୍ଟ୍ରାର ଦୁର୍ଗା ପ୍ରସନ୍ନ ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଜିଲା ଅତିରିକ୍ତ ଜିଲ୍ଲାପାଳ ଅନନ୍ତ ନାରାୟଣ ଲାଗୁରୀ  ଯୋଗଦେଇ ଜିଲା ପ୍ରସାଶନ ପକ୍ଷରୁ  ଯୁବ ରେଡକ୍ରସକୁ ସମସ୍ତ ସହାୟକ ଦିଆଯିବ ବୋଲି ପ୍ରତିଶୃତି ଦେଇଥିଲେ । ସମ୍ମାନୀତ ଅତିଥି ତଥା ଜିଲା ଆପାତ କାଳିନ ଅଧିକାରୀ ରୀନା କୁମାରୀ ନାଏକ  ଯୋଗଦେଇ ଯୁବ ରେଡକ୍ରସ ର ବିଭିନ୍ନ କାର୍ଯ୍ୟକ୍ରମ  ତଥା ତାଙ୍କ ବିଭାଗ ପକ୍ଷରୁ ସମସ୍ତ ପ୍ରକାରର ସହାୟତା ଓ ସହଯୋଗ କରାଯିବ ବୋଲି ପ୍ରତିଶୃତି ଦେଇଥିଲେ ।  ଜିଲା ମୁଖ୍ୟ ଚିକିତ୍ସାଳୟର ଏ.ଡି.ଏମ୍‌.ଓ. ଡାକ୍ତର ମହନ୍ତ ସମ୍ମାନୀତ ଅତିଥି ଭାବରେ ଯୋଗ ଦେଇ ରେଡକ୍ରସର ଆଭିମୁଖ୍ୟ ବିଷୟରେ ସମ୍ୟକ ଆଲୋଚନା କରିଥିଲେ । ଓଡିଶା ରାଜ୍ୟ ଶାଖା ପକ୍ଷରୁ ଯୁବ ରେଡକ୍ରସ ଅଧିକାରୀ ଅଜୟ କୁମାର ତ୍ରୀପାଠୀ ଯୋଗଦେଇ ରାଜ୍ୟ ଶାଖା ବଲାଙ୍ଗୀର ଜିଲାକୁ ସ୍ୱତନ୍ତ୍ର ଭାବରେ ସମସ୍ତ ପ୍ରକାରର ସହଯୋଗ କରିବା ପାଇଁ ପ୍ରତିଶୃତି ଦେଇଥିଲେ । ଜୁନିୟର ରେଡକ୍ରସ୍ ଅଧିକାରୀ ଲକ୍ଷ୍ମଣ କୁମାର ସ୍ୱାଇଁ ଅନ୍ୟତମ ସମ୍ମାନୀତ ଅତିଥି ଭାବରେ ଯୋଗ ଦେଇଥିଲେ । ଯୁବ ରେଡକ୍ରସ୍ ର ଜିଲା ସମ୍ପାଦକ ରାଜେନ୍ଦ୍ର ବିଶ୍ୱବିଦ୍ୟାଳୟର ଅଧ୍ୟାପକ ମଦନ ମୋହନ ପଧାନ ଅତିଥି ପରିଚୟ ପ୍ରଦାନ କରିଥିବା ବେଳେ  ଅଧ୍ୟାପକ ଚିତ୍ତଞ୍ଜନ ପରିଡା ଧନ୍ୟବାଦ ଅର୍ପଣ କରିଥିଲେ । ଉକ୍ତ ସଭାକୁ ଯୁବ ରେଡକ୍ରସ୍ ର ଜିଲା ସଂଯୋଜକ ତଥା ଯୁଧିଷ୍ଠିର ମହାବିଦ୍ୟାଳୟର ଅଧ୍ୟାପକ ଦୈତ୍ୟାରି ପୁଜାରୀ ସଂଚାଳନ କରିଥିଲେ । ଏହି ସଭାରେ ସମଗ୍ର ବଲାଙ୍ଗିର ଜିଲାର ବିଭିନ୍ନ ମହାବିଦ୍ୟାଳୟରୁ ଅଶି ଜଣ ଅଧ୍ୟକ୍ଷ ତଥା କାଉନସେଲର ଯୋଗ ଦେଇଥିଲେ । ସ୍ୱେଛାସେବୀ ଭାବରେ ସୁମନ କୁମାର ନନ୍ଦ, ଶିବ ପ୍ରସାଦ ବିଶ୍ୱାଳ, ଆକାଶ ଗଡତ୍ୟା, ସଞ୍ଜିବ ପଧାନ, ବିକାଶ ମୁଦୁଲି ପ୍ରମୁଖ ଯୋଗଦେଇ ସମସ୍ତ କାର୍ଯରେ ସହେଯାଗ କରିଥିଲେ ।