24-Aug-2021

ନୟାଗଡ଼, (ପ୍ରଦୀପ କୁମାର ପଣ୍ଡା) ସରକାର ଲକ୍ଷ ଲକ୍ଷ ଟଙ୍କା ବ୍ୟୟ ବରାଦରେ ଆଦିବାସୀ ଅଧ୍ୟୁଷିତ  ଅଂଚଳରେ ବିକାଶ ପାଇଁ କାର୍ଯ୍ୟ କରୁଥିଲେ ମଧ୍ୟ କିଛି ଅସାଧୁ ସରକାରୀ କର୍ମଚାରୀ ତାକୁ ଆତ୍ମସାତ କରୁଛନ୍ତି l ଏଭଳି ଏକ ବାସ୍ତବ ଚିତ୍ର ଦେଖିବାକୁ ମିଳୁଛି ନୟାଗଡ ଜିଲ୍ଲା ଗଣିଆ ବ୍ଲକ ବଡସିଲିଙ୍ଗା ଗ୍ରାମପଂଚାୟତର ଶଗଡ଼ଭଙ୍ଗା ମାର୍କେଟ କମ୍ପ୍ଲେସରେ l ଜିଲ୍ଲା ଗ୍ରାମ୍ୟ ଉନୟନ ସଂସ୍ଥା ନୟାଗଡ ଦ୍ଵାରା ଚତୁର୍ଥ ରାଜ୍ୟଅର୍ଥ ଆୟୋଗ ଜରିଆରେ 2019-2020 ମସିହା ଆର୍ଥିକ ବର୍ଷରେ ଦଶଲକ୍ଷ ଟଙ୍କାରେ ଆଦିବାସୀ ଅଧ୍ୟୁଷିତ ଅଂଚଳର ଶଗଡ଼ଭଙ୍ଗା ଠାରେ ଏକ ମାର୍କେଟ କମ୍ପ୍ଲେକ୍ସ ନିର୍ମାଣ ହେବାପାଇଁ ଅର୍ଥ ମଞ୍ଜୁରୀ କରାଯାଇଥିଲା l କିନ୍ତୁ ଆଜି ଏହି ମାର୍କେଟ କମ୍ପ୍ଲେକ୍ସଟି ଉଦଘାଟନ ହେବାକୁ ଥିବାବେଳେ ସେଥିରୁ ମାର୍ବଲ ଉଠିଯାଇଥିବା ଦେଖିବାକୁ ମିଳୁଛି l ଏଥିରୁ ସ୍ପଷ୍ଟ ବାରିହେଉଛି କି ଉଦଘାଟନ ପୂର୍ବରୁ ଜଦି ମାର୍ବଲ ଉଠିଯାଉଛି ତେବେ ଉକ୍ତ ମାର୍କେଟ କମ୍ପ୍ଲେକ୍ସ ଟି କେଉଁଭଳି ଭାବେ ନିମ୍ନମାନର କାର୍ଯ୍ୟ ହୋଇଥିବ l ଏଠି ପ୍ରଶ୍ନ ଉଠୁଛିକି ସ୍ୱାଧୀନତାର 75 ବର୍ଷ ପରେ ମଧ୍ୟ ଆଦିବାସୀ ଅଧ୍ୟୁଷିତ  ଅଞ୍ଚଳର ଲୋକମାନଙ୍କୁ ରାଜ୍ୟ ସରକାରଙ୍କ ଠାରୁ ମୋଟାଅଙ୍କର ଦରମାପାଉଥିବା ସରକାରୀ ବାବୁମାନେ କେତେଦିନବା ଆଉ ଠକିବେ l ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ଅଞ୍ଚଳ ବାସୀ ଦାବୀ ଜଣାଇଛନ୍ତି l