13-Aug-2021

ବିନିକା(ହିମାଂଶୁ ଶେଖର ପୁଟେଲ) ମାନ୍ୟବର ବାଣିଜ୍ୟ ପରିବହନ ଓ ଯୋଜନା ସମନ୍ମୟ ମନ୍ତ୍ରୀ ପଦ୍ମନାଭ ବେହେରାଙ୍କ ପ୍ରଚେଷ୍ଟା କ୍ରମେ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟାଳୟରୁ ବିନିକା ସ୍ପୋର୍ଟସ କ୍ଲବକୁ ଆସିଥିବା ଖେଳ ଉପକରଣ ସାମଗ୍ରୀ ବଣ୍ଟନ କରିବା ଅବସରରେ ଗତକାଲି ସନ୍ଧ୍ୟାରେ ବିନିକା ସ୍ପୋର୍ଟସ କ୍ଲବରେ ଅନୁଷ୍ଠିତ କାର୍ଯ୍ୟକ୍ରମରେ ମନ୍ତ୍ରୀ ପଦ୍ମନାଭ ବେହେରା ସ୍ପୋର୍ଟସ କିଟସକୁ ଉନ୍ମୋଚିତ କରିବା ସହ ଖେଳାଳୀ ମାନଙ୍କୁ ବଣ୍ଟନ କରିଥିଲେ l ଏହି ପରିପ୍ରେକ୍ଷୀରେ ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ କ୍ରୀଡା ଭିତ୍ତିଭୂମିର ବିକାଶ ଓ କ୍ରୀଡାର ଉନ୍ନତି ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିନିକାରେ ଏକ ବହୁମୁଖି ଇଣ୍ଡୋର ଷ୍ଟାଡିୟମ ନିର୍ମାଣ ପାଇଁ ୬କୋଟି୪୦ଲକ୍ଷ ଟଙ୍କା ମଞ୍ଜୁର କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଓ ଧନ୍ୟବାଦ ଜଣାଇଥିଲେ l ସେହିପରି ଖେଳାଳି ରଶ୍ମିତା ମେହେର ଓ ଯୁବ ଖେଳାଳୀ ପ୍ରକାଶ ଚନ୍ଦ୍ର ମୁଦୁଲି ବିନିକା ଅଞ୍ଚଳର ଖେଳାଳୀ ମାନଙ୍କ ପାଇଁ ମାନ୍ୟବର ମୁଖ୍ୟମନ୍ତ୍ରୀ ସ୍ପୋର୍ଟସ ସାମଗ୍ରୀ ଦେଇଥିବାରୁ ଧନ୍ୟବାଦ ଜଣାଇଥିଲେ l  କାର୍ଯ୍ୟକ୍ରମରେ ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର ସଭାପତିତ୍ବ କରିଥିବା ବେଳେ ହିମାଂଶୁ ଭୂଷଣ ପଣ୍ଡା ସଭାକୁ ସଂଯୋଜନା କରିଥିଲେ l ପ୍ରାରମ୍ଭରେ ବିନିକା ବିଜ୍ଞାପିତ ପରିଷଦର ପୂର୍ବତନ ନଗରପାଳ ମମତା ମିଶ୍ର,ଉପ ନଗରପାଳ ତପସ୍ଵିନୀ ମେହେର,କଳ୍ପନା ଭୋଇ,ଆଳିସା ମେହେର,ଅଲିଭା ମେହେର,ସ୍ମିତା ପ୍ରିୟଦର୍ଶିନୀ,ମାଳତୀ ଭେଶରା,ତନିଷ୍କା ସାଣ୍ଡ,ଦୀପିକା ମେହେର,ବିନିକା ଓକିଲ ସଂଘର ସଭାପତି ସୁଧାଂଶୁ ଶେଖର ଦାଶ,ଯୁବନେତା ପୀତବାସ, ହାଡୁ ମେହେର, ମେହେର,ସୁନୀଲ ମେହେର,ଶିବାନନ୍ଦ ପାଣିଗ୍ରାହୀ, ହଲାୟୁଦ୍ ମିଶ୍ର ପ୍ରମୁଖ ମନ୍ତ୍ରୀଙ୍କୁ ଫୁଲତୋଡ଼ା ଦେଇ ସ୍ବାଗତ କରିବା ସହ ସ୍ପୋର୍ଟସ କ୍ଲବ ଭିତରକୁ ପାଛୋଟି ଆଣିଥିଲେ l ଏହି କାର୍ଯ୍ୟକ୍ରମରେ ସ୍ପୋର୍ଟସ କ୍ଲବର ସମସ୍ତ ସଦସ୍ୟଙ୍କ ସମେତ ଅଞ୍ଚଳର ବହୁ କ୍ରୀଡାବିତ ଯୋଗଦେଇଥିଲେ l