-+91-9937148622 |
prerana_bgr@rediffmail.com |
Monday 29th June 2026 |
R.N.I. Regd No. ODIODI/2010/46693
Breaking News
11-Aug-2021
ଟିଟିଲାଗଡ଼(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଟିଟିଲାଗଡ଼ ପୌରପରିଷଦ ତରଫରୁ ପରିମଳ ବ୍ୟବସ୍ଥାରେ ସୁଧାର ଆଣିବା ପାଇଁ ଏକ ଘରୋଇ ସଂସ୍ଥାକୁ ଉକ୍ତ ପରିମଳ ଦାଇତ୍ୱ ପ୍ରଦାନ କରାଯାଇଛି । ଚୁକ୍ତିଭିତ୍ତିକ ସଂସ୍ଥାକୁ ଏହି ଦାଇତ୍ୱ ପ୍ରଦାନ ନେଇ ବିଗତ ଦିନରେ ବିବାଦ ସୃଷ୍ଟି ହୋଇଥିଲା ହେଲେ ଦାଇତ୍ୱ ପାଇବା ପରେ ପରିମଳ ବ୍ୟବସ୍ଥା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଥିବା ନେଇ ଜନ ଅସନ୍ତୋଷ ବୃଦ୍ଧି ପାଉଛି । ସହର ରେ ପରିମଳ ଦାଇତ୍ଵରେ ଥିବା ଅଧିକାରୀ ଓ କର୍ମଚାରୀଙ୍କ ଖାମଖିଆଲ ମନୋଭାବ ପୋଷଣ ସହ ଦାଇତ୍ଵହୀନତା ଯୋଗୁଁ ରାସ୍ତାଘାଟ, ନାଳନର୍ଦମା ଆବର୍ଜନାରେ ଭର୍ତ୍ତି ହୋଇ ପଡିରହିବା ନେଇ ବାରମ୍ବାର ଅଭିଯୋଗ ସତ୍ୱେ କାର୍ଯ୍ୟାନୁଷ୍ଠାନ ନ ହେବା ନେଇ ଅସନ୍ତୋଷ ବୃଦ୍ଧି ପାଇ ଚାଲିଛି । ଅପରପକ୍ଷରେ ବର୍ତ୍ତମାନର ଡେଙ୍ଗୁ,ଚିକେନ୍ ଗୁନିଆ ପରି ମାରାତ୍ମକ ଭୁତାଣୁରେ ସାଧାରଣ ସଂକ୍ରମିତ ହେବା ଭୟ ରହିଛି । କେନ୍ଦ୍ର ଓ ରାଜ୍ୟ ସରକାର ପରିମଳ ବ୍ୟବସ୍ଥା ପାଇଁ ସ୍ଵଛ ଭାରତ ମିଶନ କାର୍ଯ୍ୟକାରୀ କରି ଥିବା ବେଳେ ଉକ୍ତ ଯୋଜନା କାର୍ଯ୍ୟକାରୀ କରିବା ବଦଳରେ ଉଚ୍ଚବିଭାଗୀୟ ଅଧିକାରୀ ଜାଣିଶୁଣି ନିରବ ରହିବା ଅଭିଯୋଗ ହୋଇଛି । ସହରର ଦୈନିକ ଓ ସାପ୍ତାହିକ ହାଟପଦା ବଜାରରେ ଅତି କଦର୍ଯ୍ୟ ଅବସ୍ଥା ଥିବା ଓ ସାମାନ୍ୟ ବର୍ଷା ହେଲେ କାଦୁଅ ସହ ଉତ୍କଟ ଦୁର୍ଗନ୍ଧରେ ଜନଜୀବନ ଅସ୍ତବ୍ୟସ୍ତ ହୋଇପଡୁଛି । ଏହି ପରିମଳ ବ୍ୟବସ୍ଥା ପାଇଁ ନାମକୁ ମାତ୍ର କିଛି ଫୋନ ନମ୍ବର ଦେଇ ତଥା ଆବର୍ଜନା ସଫେଇ କାଗଜ କଲମରେ ସୀମିତ ରଖାଯାଇଛି । ସରକାରୀ ଭାବେ ପରିମଳ ବ୍ୟବସ୍ଥାକୁ ଏକ ଅପରେସନ ରୂପେ କାର୍ଯ୍ୟକାରୀ ନିର୍ଦ୍ଦେଶ ରହିଥିବା ବେଳେ ଉକ୍ତ ଅପରେସନ ସକ୍ସେସ ପେସେଣ୍ଟ ଡେଥ ନୀତି ଚାଲିଥିବା ସାଧାରଣରେ ପ୍ରକାଶ ପାଉଛି । ଏ ନେଇ ତୁରନ୍ତ ବିଭାଗୀୟ ଉଚ୍ଚ ଅଧିକାରୀ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଭିନ୍ନ ମହଲରୁ ଦାବି ହେଉଛି ।