30-Oct-2020

ପାଟଣାଗଡ (ପ୍ରେରଣା ଖବର) : ଓଡିଶାର ପ୍ରବାସୀ ଶ୍ରମିକଙ୍କ ଗଡ କୁହାଯାଉଥିବା ପାଟଣାଗଡ ଅଞ୍ଚଳ ଏବେ ସଟ୍ଟା ଖେଳର ପେଣ୍ଠିସ୍ଥଳି ପାଲଟିଛି। ଗୋଟିଏ ଦୁଇଟି ସ୍ଥାନ ନାହିଁ ପାଟଣାଗଡ ସହରର ବିଭିନ୍ନ ମୁଖ୍ଯ ଛକ ଓ ପଡାର ଗଲି ମାନଙ୍କରେ ଖୁଲମ ଖୁଲା ସଟ୍ଟା ଖେଳ ଚାଲିଛି। ଏହି ବେଆଇନ ଖେଳ ଏବେ ଗ୍ରାମାଞ୍ଚଳକୁ ବ୍ଯାପିବାରେ ଆରମ୍ଭ କଲାଣି। ଗରିବ ଖଟିଖିଆ ଶ୍ରେଣୀର ଲୋକଙ୍କଠାରୁ ଆରମ୍ଭ କରି ଧୋବ ଧଉଲିଆ ବାବୁ, ଏପରିକି ସ୍କୁଲ, କଲେଜର ଛାତ୍ରମାନେ ମଧ୍ୟ ସଟ୍ଟାଜାଲରେ ପଡି ପ୍ରତିଦିନ ଖେଲୁଛନ୍ତି। ସବୁଠାରୁ ଆଶ୍ଚର୍ଯ୍ୟର ବିଷୟ ସ୍ପଷ୍ଟ ଦିବାଲୋକରେ ଏହି ଖେଲ ରାସ୍ତାକଡରେ ଚୌକି ଟେବୁଲ ପକାଇ ଚାଲିଥିଲେ ହେଁ ପୁଲିସ ପକ୍ଷରୁ କୌଣସି କାର୍ଯ୍ଯାନୁଷ୍ଠାନ ଗ୍ରହଣ କରାଯାଉନି। ପୁଲିସ ପକ୍ଷରୁ ଅପରାଧୀକ କାମରେ ଲିପ୍ତ ସାମିଲ ଥିବା ଅସାମାଜିକ ଯୁବକ ଉପରେ ଅଙ୍କୁସ ଲଗାଇବା ପାଇଁ ଅପରେସନ କ୍ଳନର ରଣ ହୁଙ୍କାର ଦେଇ ବାହାରୁଥିବା ପୁଲିସ କାହିଁକି କେବଳ କାଁ ଭାଁ କେବେ କେମିତି ଜଣେ ଦୁଇଜଣ ସଟ୍ଟା ଖେଲାଉଥିବା ଏଜେଣ୍ଟକୁ ଧରି ପୁଲିସ ଧର୍ମକୁ ଆଖିଠାର ନୀତିରେ ଚୁପ ରହିଯାଉଥିବା କୁ ନେଇ ପୁଲିସର କାର୍ଯ୍ଯକଳାପକୁ ନେଇ ଜନସାଧାରଣ ମଧ୍ୟରେ ଆଲୋଚନା ହେଉଥିବା ଶୁଣିବାକୁ ମିଲୁଛି। ଏହାସବୁ ଘଟଣାକୁ ଅନୁଧ୍ଯାନ କଲେ ପୁଲିସର ଜ୍ଞାତସାରରେ ଏସବୁ ଚାଲିଥିବା ସ୍ପଷ୍ଟ ପ୍ରମାଣିତ ହେଉଥିଲେ ମଧ୍ୟ ବିଶ୍ବାସ ଲାଗୁନାହିଁ। ସୂଚନାଯୋଗ୍ଯଯେ,  କିଛି ପୁଲିସ ବାବୁ ମାସିକିଆ ବଟି ନେଇ ଏହି ବେଆଇନ୍ ଖେଳ ବିରୋଧରେ କାର୍ଯ୍ଯାନୁଷ୍ଠାନ ଗ୍ରହଣ କରୁନଥିବା ଅଭିଯୋଗ ହୋଇଛି। ପୋଲିସଙ୍କ ଗେଲ୍ଲା ପୁଅ ସାଜିଥିବା କିଛି ଛଦ୍ମବେଶୀ ସାମ୍ବାଦିକ ପୁଲିସ ନାମରେ କଲେକସନ ଏଜେଣ୍ଟ ପାଲଟି ଥିବା ଜନସାଧାରଣଙ୍କ ମଧ୍ୟରେ ଏକ ଚର୍ଚ୍ଚାର ବିଷୟ ପାଲଟିଛି। ଏହି ଖେଳ ବିଭିନ୍ନ କମ୍ପାନୀ ନାମରେ ଖେଳ ହୁଏ। ୧ ଟଙ୍କାରୁ ଆରମ୍ଭ କରୁ ହଜାର ହଜାର ଟଙ୍କାର ଖେଳ ହୋଇଥାଏ। ଓପନ ଓ କ୍ଳବରେ ୮ ଗୁଣା, ଯୋଡି ନମ୍ବର ଫିଟିଲେ ଜୁଆରେ ଲଗାଇଥିବା ଟଙ୍କାର ୮୦ ଗୁଣ ଖିଲାଡି କୁ ମିଳିଥାଏ। ଖିଲାଡିର ଭାଗ୍ଯକୁ ନମ୍ବର ଫିଟିଗଲେ ମାଲେମାଲ ନ ହେଲେ ସ୍ବାହା। ରାତାରାତି ଧନୀ ହେବାର ନିଶାରେ ଏହି ସଟ୍ଟା ଜାଲରେ ପଡି କିଛି ଲୋକ ସର୍ବସାନ୍ତ ହୋଇଥିବା ନଜର ରହିଛି। ପାଟଣାଗଡ ସହରର କଚେରିର ଛକରୁ କଲେଜ ଛକ ମଧ୍ୟରେ ସବୁଠାରୁ ବେଶୀ ଲୋକଙ୍କ ଗହଳି ଲାଗେ। ଏହି ସ୍ଥାନ ମାନଙ୍କରେ ଖୁଲମ ଖୁଲା ଚୌକି ଟେବୁଲ ପକାଇ ସଟ୍ଟା ଏଜେଣ୍ଟ ସଟ୍ଟା କାରବାର ଚଲାଇଥାନ୍ତି। ଏହି ଫୋଟଟି ପ୍ରମାଣ କରୁଛି ଯେ ପାଟଣାଗଡ ପୁଲିସ ପ୍ରଶାସନ ସଂପୂର୍ଣ୍ଣ ଭାବେ ଏହି ବେଆଇନ୍ ଖେଳ ପ୍ରତି ଆଖିବନ୍ଦ କରିବସିଛି। ଏହି ବେଆଇନ ଖେଳକୁ ନେଇ ବୁଦ୍ଧିଜୀବୀ ମହଲରେ ତିବ୍ର ଅସନ୍ତୋଷ ବଢିବାରେ ଲାଗିଛି। ଏଥିପ୍ରତି ବଲାଙ୍ଗିର ଜିଲ୍ଲା ଆରକ୍ଷୀ ଅଧିକାରୀ ଦୃଷ୍ଟି ଦେବାପାଇଁ ସାଧାରଣରେ ଦାବୀ ହେଉଛି।