28-Jul-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ): ରାଜ୍ୟ ସରକାର ଗ୍ରାମାଞ୍ଚଳରେ ଖେଳକୁଦର ବିକାଶ ନିମନ୍ତେ ମାଲମାଲ ଯୋଜନା କରି  କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ଏସବୁ କିନ୍ତୁ ବଲାଙ୍ଗୀର ଜିଲ୍ଲାର ଆଗଲପୁର ବ୍ଲକରେ ପ୍ରସହନ ପାଲଟିଥିବା ଦେଖିବାକୁ ମିଳିଛି । ଆଗଲପୁର ବ୍ଲକରେ କ୍ରୀଡ଼ାର ବିକାଶ ନିମନ୍ତେ ରାଜ୍ୟ ସରକାର ଲକ୍ଷ୍ୟ ଲକ୍ଷ୍ୟ ଟଙ୍କା ବ୍ୟୟବରାଦ କରି ବିଭିନ୍ନ ପଞ୍ଚାୟତ ମାନଙ୍କରେ ଉନ୍ନତ ମାନର ଖେଳପଡ଼ିଆ ନିର୍ମାଣ କରିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରିଛନ୍ତି । କିନ୍ତୁ  ଆଗଲପୁର ବ୍ଲକରେ ନିର୍ମ ମାନର ଖେଳ ପଡିଆ ନିର୍ମାଣ କରି ଠିକାଦାର ଏବଂ ସରକାରୀ ଅଧିକାରୀ ମାଲେମାଲ ହୋଇଥିବା ବେଳେ ଖେଳ ପଡ଼ିଆର ଉନ୍ନତିକରଣ ର ଗୋଟିଏ ବର୍ଷ ମଧ୍ୟ ନପୁରୁଣୁ ତାହା ଭାଙ୍ଗି ନଷ୍ଟ ହୋଇଥିବା ଘଟଣା ସମସ୍ତଙ୍କୁ ଚକିତ କରିଛି । ଏଭଳି ଏକ ଘଟଣା ଦେଖିବାକୁ ମିଳିଛି ଆଗଲପୁର ବ୍ଲକ ଭରସୁଜା ଗ୍ରାମ ପଞ୍ଚାୟତର ବିନ୍ଧାପାଳି ଗାଁରେ । ସୂଚନା ଅନୁସାରେ ବିନ୍ଧାପାଳି ଗାଁ ରେ ୨୦୧୭-୧୮ ମସିହା ରେ ମହାତ୍ମାଗାନ୍ଧୀ ଜାତୀୟ ଗ୍ରାମଣି ନିଶ୍ଚିତ କର୍ମ ନିଯୁକ୍ତି ଯୋଜନା ରେ ଫାଇଲ ଖୋଲି ୨୦/୧/୨୦୨୦ ରେ   ୮ ଲକ୍ଷ୍ୟ ୮୫ ହଜାର ଟଙ୍କାର ଖେଳ ପଡିଆ ନିର୍ମାଣ ହୋଇଥିବା ସୂଚନା ରହିଛି । ଏହି ଖେଳ ପଡିଆ ନିର୍ମାଣ ରେ ବ୍ୟାପକ ମାତ୍ରାରେ ଦୁର୍ନାତି ହୋଇଥିବାର ଅଭିଯୋଗ ମଧ୍ୟ ହୋଇଛି । ଖେଳ ପଡିଆ ନିର୍ମାଣର ଏକ ବର୍ଷ ନ ପୁରୁଣୁ ନିର୍ମାଣ ଧୀନ ସାମଗ୍ରୀ ଭାଙ୍ଗି ନଷ୍ଟ ହେଇଥିବା ବେଳେ ଅଧାକାମ ଅସମ୍ପୂର୍ଣ ମଧ୍ୟ ହୋଇ ସମ୍ପୂର୍ଣ୍ଣ ଟଙ୍କା ଉଠାଣ କରିଥିବା ଅନୁମାନ କରାଯାଉଛି । ଏଠାରେ ପ୍ରଶ୍ନ ଉଠେ ଯଦି ଠିକ ଭାବରେ ପଡିଆ ନିର୍ମାଣ ହୋଇଛି ତେବେ ପଡ଼ିଆରେ କାହିଁକି ବଡ ବଡ ଗଛ ଉଠିଲାଣି ଏବଂ ବସିବା ଚୌକି କିପରି ଭାଙ୍ଗି ପଡିଛି । ଏମିତି ଅନେକ ପ୍ରଶ୍ନ ? ପଡିଆ ନିର୍ମାଣରେ ପ୍ରଶାସନିକ ଅଧିକାରୀ ଏବଂ ଠିକାଦାର ମଧ୍ୟରେ  ମଧୁଚନ୍ଦ୍ରିକା ଯୋଗୁଁ ଏଭଳି ଅବସ୍ଥା ହୋଇଛି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି । ତେବେ ସବୁଠାରୁ ବଡ ପ୍ରଶ୍ନ ବିନ୍ଧାପାଳି ଖେଳ ପଡିଆ ନିର୍ମାଣରେ ହୋଇଥିବା  ଅନିୟମିତତା ର  ତଦନ୍ତ କରିବେ କି ସରକାରୀ ବାବୁ ? କ୍ରୀଡ଼ାର ବିକାଶ ଚିନ୍ତା କରୁଥିବା ମନ୍ତ୍ରୀ ତୁଷାରକାନ୍ତ ବେହେରା ଏଦିଗରେ ଧ୍ୟାନ ଦେଇ ଦୁର୍ନାତି ଗ୍ରସ୍ଥ ସରକାରୀ ଅଧିକାରୀ  ଏବଂ ଠିକାଦାର ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବେ କି ତାହା ଦେଖିବାକୁ ବାକି ରହିଲା ।