-+91-9937148622 |
prerana_bgr@rediffmail.com |
Wednesday 11th March 2026 |
R.N.I. Regd No. ODIODI/2010/46693
Breaking News
20-Jul-2021
ସମ୍ବଲପୁର, ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ ବାହୁଡା ଦଶମୀ ଯାତ୍ରା ଶୁଭ ଅବସରରେ ସମ୍ବଲପୁରରେ ଅବସ୍ଥାପିତ କବିତା ଝାଙ୍କାର ସାହିତ୍ୟ ସଂସଦର ଇ-ପତ୍ରିକା “ତ୍ରିବେଣୀ” ଶୁଭ ଉନ୍ନୋଚିତ ହୋଇଯାଇଛି । ସାହିତ୍ୟ ମଣିଷକୁ ସଂସ୍କୃତି ସଂପନ୍ନ କରେ । କବିତା ମଣିଷ ମନ ଓ ହୃଦୟର ଭାଷାକୁ ପ୍ରତିଫଳିତ କରିଥାଏ । କବିତା ଲେଖିବା ଯେତିକି ଉତ୍ସାହ ଜନକ ତା ଠାରୁ ସେତିକି ଗୁରୁତ୍ୱ ବହନ କରେ ଯେତେବେଳେ ସେ କବିତାର ଶଦ୍ଦ ସମ୍ଭାର ମଣିଷର ମନ, ହୃଦୟ ଓ ଜୀବନର ଗତିକୁ ପ୍ରବାହମାନ କରିବାରେ ସକ୍ଷମ ରଖେ ବୋଲି “ତ୍ରିବେଣୀ”ର ଶୁଭ ଉନ୍ମୋଚନ କାର୍ଯ୍ୟକ୍ରମରେ ଯୋଗ ଦେଇଥିବା ଅତିଥିବୃନ୍ଦ ମତବ୍ୟକ୍ତ କରିଥିଲେ । ସୁବର୍ଣ୍ଣପୁର ଜିଲ୍ଲାର ଶ୍ରୀରାମ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ଡା.ରାମେଶ୍ୱର ନାଏକ ମୁଖ୍ୟଅତିଥି ଭାବରେ ଯୋଗଦାନ କରିଥିଲେ । ମୁଖ୍ୟବକ୍ତା ଭାବରେ ବଲାଙ୍ଗିର କୋଶଲ ପ୍ରବାହ ପତ୍ରିକାର ସଂପାଦକ ତଥା କବି ଆନନ୍ଦ ଚନ୍ଦ୍ର ସ।।ହୁ , ଏବଂ ସମ୍ମାନୀତ ଅତିଥି ଭାବରେ ବଲାଙ୍ଗିର ଜିଲ୍ଲାର ତେଜସ୍ୱିନୀ ପତ୍ରିକାର ସଂପାଦିକା ଲିଲି ପଟେଲ ଓ ପୁରୀ ଦିବ୍ୟଦର୍ଶନର ସଂପାଦିକା ପ୍ରବାସିନୀ ମିଶ୍ର ଯୋଗଦାନ ଦେଇଥିଲେ । କବିତା ଝଙ୍କାରର ସଭାପତି କୃଷ୍ଣ ଚନ୍ଦ୍ର ବାରିକ ଅନୁଷ୍ଠିତ ହୋଇଥିବା ସଭା କାର୍ଯ୍ୟରେ ଅଧ୍ୟକ୍ଷତା କରିଥିଲେ । ପ୍ରତିଷ୍ଠାତା ସଂପାଦକ ଶିବାତ୍ମକ ପଣ୍ଡା, ମୁଖ୍ୟ ଉପଦେଷ୍ଟା ରବିଚନ୍ଦ୍ର ପଶାୟତ, ରାଜ୍ୟ କମିଟି ସଦସ୍ୟ ରାମ ନାରାୟଣ ଦାଶ, ସହ-ସଂପାଦକ ବିଶ୍ୱଜିତ ଦାଶ, ସ୍ରୋତସ୍ୱିନୀ ସଂପାଦକ ଚୁନିଲ କୁମାର ଗଙ୍ଗଦେବ କବିତା ଝଙ୍କାରର ଗୋଷ୍ଠିଭିତିକ କାର୍ଯ୍ୟକ୍ରମ ବିଷୟରେ ମତବ୍ୟକ୍ତ କରିଥିଲେ । ବଲାଙ୍ଗିର ମନ୍ଦାକିନୀର ସଂପାଦକ ଭକ୍ତବନ୍ଧୁ ମେହେର ବିବରଣୀ ପାଠ କରିଥିଲେ । ଏହି ଅବସରରେ ଏକ ରାଜ୍ୟ ସ୍ତରୀୟ କବିତା ପାଠୋତ୍ସବ ଅନୁଷ୍ଠିତ ହୋଇଥିଲ । ସୁମିତ୍ରା ସାହୁ, ସବିତା ନାୟକ, ସୌଦାମିନୀ ତ୍ରିପାଠି, ନମିତା ପାତ୍ର, ଜାନକୀ ମହନ୍ତ, ସବିତା ନାୟକ, ଲକ୍ଷ୍ମୀପ୍ରୀୟା ଦାଶ, ସ୍ନେହା ମିଶ୍ର, ଶୁଭେନ୍ଦୁ ମହେର, ଶ୍ରୀକାନ୍ତ ପଣ୍ଡା, ସିଦ୍ଧାର୍ଥ ପ୍ରଧାନ, ଅରୁଣ ମେହେର, ଚୁଡାମଣି ମାଝି, ହେମନ୍ତ କୁମାର ସାହୁ , ରମାକାନ୍ତ ମହାଲିଙ୍ଗ, ଦେବେନ୍ଦ୍ର ନାୟକ ପ୍ରମୁଖ ସ୍ୱରଚିତ କବିତା ପାଠ କରିଥିଲେ । କବିତା ପାଠୋତ୍ସବକୁ ପୁଷ୍ପଲତା ମିଶ୍ର ଓ ଘନଶ୍ୟାମ ରାଉତ ସଂଚାଳନ କରିଥିଲେ । କଲ୍ଲୋଳିନୀ ସଂପାଦିକା ପ୍ରିୟଙ୍କା ପଣ୍ଡା ସ୍ୱାଗତ ଅଭିଭାଷଣ ପ୍ରଦାନ କରିବା ସହିତ ଅତିଥି ପରିଚୟ ପ୍ରଦାନ କରିଥିଲେ । ଫାରୁକ ସାର,ଐଶ୍ୱର୍ଯ୍ୟା, ପ୍ରମୋଦିନୀ ଦେଇ ପ୍ରାରମ୍ଭିକ ସଂଗିତ ଗାନ କରିଥିଲେ । ସମସ୍ତ କାର୍ଯ୍ୟକ୍ରମକୁ ରାଜ୍ୟ ଆବାହକ ଅଭିନବ ପଟ୍ଟନାୟକ ସଂଚାଳନ କରିଥିଲେ । ପରିଶେଷରେ ସୁବ୍ରତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।