17-Jul-2021

ବିନିକା (ହିମାଂଶୁ ଶେଖର ପୁଟେଲ) : : ସ୍ଥାନୀୟ ଡିଆଇଇଟି ପରିସରରେ ସୁବର୍ଣ୍ଣପୁର ଜିଲ୍ଲା ସମଗ୍ର ଶିକ୍ଷା ତରଫରୁ ବୌଧିତ ବାଧିତ ଦିବ୍ୟାଙ୍ଗ ଛାତ୍ରଛାତ୍ରୀ ମାନଙ୍କୁ ଶିକ୍ଷଣ ସାମଗ୍ରୀ କୀଟ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି l କୋଭିଡ଼ କଟକଣା ନିୟମ ଅନୁଯାୟୀ ସୁବର୍ଣ୍ଣପୁର ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇଙ୍କ ସଭାପତିତ୍ବରେ ଓ ଶିକ୍ଷକ ହିମାଂଶୁ ଭୂଷଣ ପଣ୍ଡାଙ୍କ ସଂଯୋଜନାରେ ଅନୁଷ୍ଟିତ ଏହି ବଣ୍ଟନ କାର୍ଯ୍ୟକ୍ରମରେ ଡିଆଇଇଟି ପ୍ରିନସିପାଳ ନିରୁପମା ରାଉତ ମୁଖ୍ୟ ଅତିଥି,ଏବିଇଓ ରାଧାକାନ୍ତ ଗର୍ତ୍ତିଆ ସମ୍ମାନନୀୟ ଅତିଥି ଭାବେ ଯୋଗ ଦେଇଥିଲେ l ଛତିଶଗଡ଼ ରାଜନନ୍ଦନ ଗାଁଓ ସ୍ଥିତ ଦିବ୍ୟାଙ୍ଗ ସଶକ୍ତିକରଣ ତଥା ପୁନର୍ବାସ ଆଞ୍ଚଳିକ କେନ୍ଦ୍ର ଦ୍ଵାରା ମାଗଣାରେ ଶିକ୍ଷଣ ସାମଗ୍ରୀ ବଣ୍ଟନ ହୋଇଥିଲା  ଏଥିରେ ଜିଲ୍ଲାର ୧୪ଜଣ ଅନୁସୂଚିତ ଜାତି ଓ ଜନଜାତିର ବୌଧିତ ବାଧିତ ଛାତ୍ରଛାତ୍ରୀ ମାନଙ୍କୁ ଶିକ୍ଷଣ ସାମଗ୍ରୀ ଦିଆ ଯାଇଥିଲା l ଏହି ଅବସରରେ ରାଜନନ୍ଦନ ଗାଁଓ ଆଞ୍ଚଳିକ କେନ୍ଦ୍ରର

ଅଡିଓଲୋଜିଷ୍ଟ ଗଜେନ୍ଦ୍ର କୁମାର ସାହୁ ଓ ବିଜୟ ସେନାପତି ଉପସ୍ଥିତ ରହି ଛାତ୍ରଛାତ୍ରୀଙ୍କୁ ତାଲିମ ପ୍ରଦାନ କରିଥିଲେ l l ଭାରପ୍ରାପ୍ତ ଆଇ,ଇ କୋଡିନେଟର ସଚ୍ଚିଦାନନ୍ଦ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ବିଆରପି ଚୌଧୁରୀ ତ୍ରିପାଠୀ,ରୋହିତ କୁମାର ନାଏକ,ରଞ୍ଜନ ସା,ଆଇଭି ଭୁବନେଶ୍ୱର ମେହେର,ବିରଞ୍ଚି ପୁଟେଲ,ନେପାଳ ଭୋଇ,ଅନ୍ତରାମ କମ୍ଫ ପ୍ରମୁଖ ସହଯୋଗ କରିଥିଲେ l