10-Jun-2021

କଳାହାଣ୍ଡି,କୋକସରା, (ତ୍ରିନାଥ ବେଶ୍ରା): ଓଡ଼ିଶାରେ କରୋନା ମହାମାାରୀ ସମୟରେ "ପ୍ରତିଟି ଜୀବନ ଆମ ପାଇଁ ମୂଲ୍ୟବାନ" ଯେଉଁ ବାର୍ତ୍ତା  ମାନ୍ୟବର ମୁଖ୍ୟମନ୍ତ୍ରୀ ପ୍ରଦାନ କରିଛନ୍ତି ତାହାକୁ ଅନୁସରଣ କରିବା ସହିତ ସାମାଜିକ ଦାୟିତ୍ଵବୋଧକୁ ଦୃଷ୍ଟିରେ ରଖି ରକ୍ତ ଅଭାବ ଦୂରୀକରଣ ନିମନ୍ତେ ଆଜି କଳାହାଣ୍ଡି ଜିଲ୍ଲା ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ କୋକସରା ବ୍ଳକ ଠାରେ ଓଡିଶା-ମୋ ପରିବାର ଆନୁକୁଲ୍ୟରେ 'ଜୀବନ ବିନ୍ଦୁ' ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଛି । ଏହି ଶିବିରକୁ ମାନ୍ୟବର ଧର୍ମଗଡ଼ ବିଧାୟକ ଉଦଘାଟନ କରିଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ଯୁବ ବିଜେଡି ସଭାପତି ଆଦିତ୍ୟ ନନ୍ଦ, ରାଜ୍ୟ ଛାତ୍ର ବିଜେଡି କାର୍ଯ୍ୟକାରୀ ସଭାପତି ଅବିନାଶ ଠାକୁର, ରାଜ୍ୟ ଯୁବ ଉପ ସଭାପତି ମଣ୍ଟୁ ନାଏକ, ରାଜ୍ୟ ଛାତ୍ର ବିଜେଡି ଉପସଭାନେତ୍ରୀ ବୈଶାଖୀ ନନ୍ଦ, ଯୁବନେତା ମାନସ ବାଗ, ଜିଲ୍ଲା ଛାତ୍ର ବିଜେଡି ଉପ ସଭାପତି ମୁକ୍ତେଶ୍ଵର ନାଗ, କୋକସରା ବ୍ଳକ ଯୁବ ସଭାପତି ହେମନ୍ତ ମାଝୀ, ଛାତ୍ର ବ୍ଳକ ସଭାପତି ମାନସ ଵେହେରା, ଯୁବନେତା ମହେଶ ଗୁପ୍ତା, କୋକସରା ସରପଞ୍ଚ କିଶୋର ଚନ୍ଦ୍ର ପ୍ରଧାନି ପ୍ରମୁଖ ଯୋଗଦେଇଥିଲେ । ଏହି ଶିବିରରେ ମୋଟ ୨୧ ୟୁନିଟ ରକ୍ତ ସଂଗୃହୀତ ହୋଇଥିଲା ।