03-Jun-2021

କଣ୍ଟାବାଞ୍ଜି, (ଆନନ୍ଦ କୁମାର ମୋଟେ):ଦିନକୁ ଦିନ କରୋନା ସଂକ୍ରମଣ ସଂଖା ବଢୁଥିବା ଦେଖାଯାଉଛି । ସରକାର କରୋନା ସଂକ୍ରମଣ ସଂଖ୍ୟାରେ ବ୍ରେକ୍ ଲଗାଇବାକୁ ଲକ୍‌ଡାଉନ କରିଛନ୍ତି । ଲକ୍‌ଡାଉନ କରିବା ସହ ଲୋକଙ୍କୁ ସଚେତନ କରାଯାଉଛି । ତେବେ ୪୫ ବର୍ଷରୁ ଉର୍ଦ୍ଧ ବୟସ୍କ ଲୋକଙ୍କୁ କରୋନା ଟିକା କରାଯାଉଥିବା ବେଳେ ୧୮ ବର୍ଷରୁ ୪୫ ବର୍ଷ ଭିତରେ ଥିବା ଯୁବକ ଯୁବତିଙ୍କୁ ଟିକା କେବେ ବୋଲି ଏବେ କଣ୍ଟାବାଞ୍ଜି ସହରବାସିଙ୍କ ମନରେ ଅସନ୍ତୋଷ ଥିବା ଦେଖାଯାଉଛି । ପଡୋସି ଜିଲ୍ଲା କଲାହାଣ୍ଡି, ବରଗଡ ସହ ଅନ୍ୟ ଜିଲ୍ଲାରେ ୧୮ ବର୍ଷର ଉର୍ଦ୍ଧ ବୟସ୍କ ଲୋକଙ୍କୁ ଟିକା ଦେବା ଆରମ୍ଭ ହୋଇ ସାରିଲାଣି । ହେଲେ ବଲାଙ୍ଗିର ଜିଲ୍ଲାରେ ଆଜିଯାଏ ଟିକାକରଣ ଆରମ୍ଭ ହୋଇନାହିଁ । ଟିକାକରଣ ନହେବାର  କିଛି ଲୋକ କେନ୍ଦ୍ର ଦାୟୀ ବୋଲି ଅଭିଯୋଗ କରୁଥିବା ବେଳେ କିଛି ଲୋକ ରାଜ୍ୟ ସରକାରଙ୍କୁ ଦାୟୀ କରୁଛନ୍ତି । ଅନ୍ୟ ଜିଲ୍ଲାରେ ଟିକା କରଣ ଆରମ୍ଭ ହୋଇଥିବା ବେଳେ ବଲାଙ୍ଗିର ଜିଲ୍ଲାରେ କାହିକିଁ ଦିଆଯାଉ ନାହିଁ ବୋଲି ଲୋକେ ଅଭିଯୋଗ କରୁଛନ୍ତି । ବଲାଙ୍ଗିର ଜିଲ୍ଲାକୁ ରାଜ୍ୟ ସରକାର ଉପେକ୍ଷା ସବୁ ସମୟରେ କରୁଥିବା ଅଭିଯୋଗ ହେଉଛି । ବଲାଙ୍ଗିର ଜିଲ୍ଲା ବିଜେଡି ସାଧାରଣ ସଂପାଦକ ଫିରୋଜ ଖାଁ କେନ୍ଦ୍ର ସରକାର ଟିକା ଯୋଗାଇ ଦେବାକୁ ଦାବି କରିଛନ୍ତି । ବିଜେଡି ନେତା ଅଜୟ ଦାସ ବଲାଙ୍ଗିର ଜିଲ୍ଲାରେ ୧୮ ବୟସ ରୁ ୪୫ ବର୍ଷ ଭିତରେ ଥିବା ଯୁବକ ଯୁବତି ମାନଙ୍କୁ ଟିକା କରଣ କରିବା ପାଇଁ ରାଜ୍ୟ ସରକାର ସବୁ ବ୍ୟବସ୍ଥା କରୁଛନ୍ତି ହେଲେ କେନ୍ଦ୍ର ସରକାର ଟିକା ଯୋଗାଇ ଦେଉନାହାନ୍ତି । ପ୍ରଥମ ପର୍ଯ୍ୟାୟରେ ଯେଉ ଟିକା ଆସିଥିଲା ତାହା ଅଧିକ ସଂକ୍ରମିତ ଜିଲ୍ଲାରେ ଦିଆଗଲା । କେନ୍ଦ୍ର ସରକାର  ଅଧିକ ଟିକା ଦେଲେ ଲୋକେ ଉପକୃତ ହୋଇ ପାରିବେ ବୋଲି କହିଛନ୍ତି । ଅମ୍ବେଦକର ଯୁବକ ସଂଗଠନ ସଭାପତି ରୋହନ ମହତ ପ୍ରତିକ୍ରିୟା ଦେଇଛନ୍ତି ଯେ, ବଲାଙ୍ଗିର ଦାଦନ ପ୍ରବଣ ଜିଲ୍ଲା । ବର୍ତମାନ ସମୟରେ ରାଜ୍ୟ

ବାହାରେ ଥିବା ଶ୍ରମିକ ଘର ଫେରୁଛନ୍ତି । ଦାଦନ ଶ୍ରମିକ ନିଜ ଘରକୁ ଫେରୁଥିବା ଯୋଗୁ କରୋନା ସଂକ୍ରମଣ ବଢିବା ସମ୍ଭାବନା ଅଧିକ ରହିଛି । ସରକାର ତୁରନ୍ତ ଟିକା ଦେବାର ବ୍ୟବସ୍ଥା କରନ୍ତୁ । ଅନ୍ୟ ପକ୍ଷରେ କେନ୍ଦ୍ର ହେଉଁ କି ରାଜ୍ୟ ସରକାର  ବଲାଙ୍ଗିର ଜିଲ୍ଲାକୁ ତୁରନ୍ତ ୧୮ ବର୍ଷରୁ ୪୫ ବର୍ଷ ଭିତରେ ଥିବା ଯୁବକ ଯୁବତି ମାନଙ୍କୁ ଟିକା ଦିଆଯାଉ ବୋଲି ସାଧାରଣରେ ଦାବି ହେଉଛି ।