09-May-2021

ଲୋଇସିଂହା (ବିନୋଦ କୁମାର ଦୀପ): ଆଜି ଲୋଇସିଂହା ଟ୍ରେନ ଷ୍ଟେସନ ଠାରେ ହୀରାପୁର ଗ୍ରାମର କିଛି ଲୋକ ଆସି ଟ୍ରେନ ଲାଇନରେ ଉପରେ ଜଣେ ବାଳକର ମୃତଦେହ ପଡିଥିବାର ଦେଖିବାକୁ ପାଇଥିଲେ ଓ ତୁରନ୍ତ ଏ ସମ୍ପର୍କରେ ଲୋଇସିଂହା ଜିଆରପି ପୋଲିସକୁ ଖବର ପଠାଇଥିଲେ l ଖବର ପାଇ ଲୋଇସିଂହା ଜିଆରପି ପୋଲିସ ଘଟଣା ସ୍ଥାନରେ ପହଞ୍ଚି ଯାଞ୍ଚ କରିବା ସହ ମୃତ ଶବକୁ ଉଦ୍ଧାର କରିଥିଲେ l ତଦନ୍ତ କରିଲା ପରେ ଉକ୍ତ ବାଳକଟି ପୁଇଁତଳା ଗ୍ରାମ ଅନ୍ତର୍ଗତ ଭୁଷିପାଳି ଗ୍ରାମର ଶ୍ରୀତମ ଦୀପ ବୋଲି ଜଣାପଡିଛି l ଶ୍ରୀତମ ଦୁଇ ଦିନଧରି ବାହାଘରକୁ ଯାଉଅଛି ବୋଲି କହି ଘରୁ ବାହାରିଥିବା ବେଳେ ଆଜି ଟ୍ରେନଲାଇନ ରୁ ତାଙ୍କର ମୃତ ଦେହ ମିଳିଥିବା ପରେ ପରିବାର ଲୋକ ସନ୍ଦେହ କରିବା ସହ ପ୍ରକାଶ କରିଛନ୍ତି l ଘଟଣା ସମ୍ପର୍କ ରେ ଜିଆରପି ପୋଲିସ ଦୁର୍ଘଟଣା ରେ ବାଳକର ମୃତ୍ୟୁ ହୋଇଛି ବୋଲି କହିଛି ମୃତ ଶବକୁ ପୋଲିସ ବଲାଙ୍ଗୀର ବଡ ଡାକ୍ତରଖାନାକୁ ଆଣି ଶବ ବ୍ୟବଛେଦ କରି ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରି ଅଧିକ ତଦନ୍ତ ଜାରି କରୁଛି l