04-Apr-2021

ଟିଟିଲାଗଡ଼ (ପ୍ରେରଣା ଖବର) :ବଲାଙ୍ଗୀର ଜିଲ୍ଲାର ଟିଟିଲାଗଡ ରେଳ ଜଙ୍କସନ ରୁ ଭାରତ ର ପ୍ରତ୍ୟେକ ସ୍ଥାନକୁ ଯିବା ପାଇଁ ସୁବିଧା ଥିବା ରୁ ଅନେକ ଗୁଡିଏ ରେଳ ଚଳାଚଳ କରୁଥିବା ବେଳେ ଟିଟିଲାଗଡ ର ହାଟପଦା ବଜାର ନିକଟରେ ଏକ ରେଳ ଫାଟକ ରହିବା ଓ ସଦା ବନ୍ଦ ରହିବା ଯୋଗୁଁ ସାଧାରଣ ଅସୁବିଧା ର ଶିକାର ହେଉଥିଲେ । ଏପରି କି ଆମ୍ବୁଲାନ୍ସ ରୁ ଅନ୍ୟ ସମସ୍ତ ପ୍ରକାର ଜାନ ବାହାନ ଅଟକି ରହି ରୋଗୀ ଙ୍କ ଜୀବନ ଚାଲିଯାଉଥିବା ଓ ବିଭିନ୍ନ ଜାନ ବାହାନ ରେ ସନ୍ତାନ ପ୍ରସବ ପରି ଘଟଣା ଯୋଗୁଁ ରେଳ ଓଭର ବ୍ରିଜ ନିତାନ୍ତ ଜରୁରୀ ହୋଇପଡିଥିଲା । ଦୀର୍ଘ ବର୍ଷ ଧରି ଏହି ଓଭର ବ୍ରିଜ କାର୍ଯ୍ୟକାରିତା ନେଇ ସାଧାରଣ ଅପେକ୍ଷା ରେ ଥିଲେ, ହେଲେ ଏହି ବ୍ରିଜ ନିର୍ମାଣ ଚାଲିବା ମଧ୍ୟରେ ସହର ମଧ୍ୟଭାଗରେ ଏକ ରେଳ ଅଣ୍ଡରବ୍ରିଜ ବା ଭୂତଳ ପୋଲ ନିର୍ମାଣ କରାଯାଇଥିଲା । ଉକ୍ତ ବ୍ରିଜ ନିର୍ମାଣ କାର୍ଯ୍ୟ ଶେଷ ହେବା ପରେ ରେଳ ଫାଟକ ଉପରେ ଆଉ ସାଧାରଣ ନିର୍ଭର ନ କରିବା ଦେଖାଯାଇଛି । ଯାହାକି ସ୍ୱଳ୍ପ ସମୟରେ ନିର୍ମାଣ ହୋଇପାରିଥିଲା । ଏଣୁ ଉକ୍ତ ରେଳ ଓଭର ବ୍ରିଜ ର ଆଉ ବିଶେଷ ଜରୁରୀ ନ ଥିବା ଓ ତାହା କାର୍ଯ୍ୟକ୍ଷମ ହେଲେ ଯେଉଁ ସୁବିଧା ମିଳିବା ସାଧାରଣ ଆଶା କରିଥିଲେ ତାହା କାର୍ଯ୍ୟକାରିତା ହୋଇ ନ ପାରିବା ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି । ଇତି ମଧ୍ୟରେ ଉକ୍ତ ନିର୍ମାଣ କାର୍ଯ୍ୟ ସମ୍ପାଦନ ହୋଇସାରିଥିବା ବ୍ରିଜ କୁ ଉଦଘାଟନ କରାଯିବା ବିଭାଗୀୟ ଅଧିକାରୀ ସୂଚନା ଦେଇଛନ୍ତି । ପରିତାପର ବିଷୟ ଏହା ଯେ ଉକ୍ତ ଓଭର ବ୍ରିଜ କାର୍ଯ୍ୟକାରୀ ହେଲେ ଟିଟିଲାଗଡ ଡିଏଭି ମହା ବିଦ୍ୟାଳୟ ଠାରୁ  ଟିଟିଲାଗଡ ଥାନା ପର୍ଯ୍ୟନ୍ତ ଚଳା, ଚଳ ହେବ । ସହର ମଧ୍ୟରେ ଏହି ବ୍ରିଜ ଶେଷ ହେଉଥିବା ବେଳେ ଟ୍ରାଫିକ ସମସ୍ୟା ଅସମ୍ଭାଳ ହୋଇ ପଡିବ । ସହର ବାହାର ବା ଶେଷ ମୁଣ୍ଡ ପର୍ଯ୍ୟନ୍ତ ଏହି ବ୍ରିଜ ନିର୍ମାଣ ହୋଇଥିଲେ ସହର ରେ ଟ୍ରାଫିକ ବ୍ୟବସ୍ଥା ସୃଷ୍ଟି ହେବା ସମ୍ଭାବନା କୁ ଏଡାଇ ଦିଆଯାଇଥାନ୍ତା । ସେହିପରି ପୁନଃ ସମ୍ପ୍ରସାରଣ ତଥା ବାଇପାସ ବ୍ୟବସ୍ଥା କରା ନ ଯାଏ ତେବେ ଟ୍ରାଫିକ ଅବ୍ୟବସ୍ଥା ଲାଗି ରହିବା ସାର ହେବ ।

ଉକ୍ତ ସମୟରେ ଏହି ରେଳ ଫାଟକ କୁ ଦୃଷ୍ଟି ରେ ରଖି ଏହି ନିର୍ମାଣ କରାଯାଇଥିବା ବ୍ରିଜ ର ସମ୍ପ୍ରସାରଣ ଆବଶ୍ୟକ ବୋଲି ସାଧାରଣରେ ଆଲୋଚନା ହେଉଛି । ଏ ନେଇ ବିଭାଗୀୟ ଶାସନ ସଚିବ ଉପଯୁକ୍ତ ବ୍ୟବସ୍ଥା ଗ୍ରହଣ କରିବା କୁ ଦାବି ହେଉଛି ।