04-Apr-2021

ଟିଟିଲାଗଡ଼ (ପ୍ରେରଣା ଖବର) :ବଲାଙ୍ଗୀର ଜିଲ୍ଲାର ମୁଖ୍ୟ କେନ୍ଦ୍ରସ୍ଥଳୀ ଭାବେ ରହିଥିବା ଟିଟିଲାଗଡ ସବ-ଡିଭିଜନାଲ ସରକାରୀ ଡାକ୍ତରଖାନାରେ ଡାକ୍ତର ଅଭାଵ ନେଇ ଅକଥନୀୟ ଦୁର୍ଦ୍ଦଶା ର ଶିକାର ହେବା ସହ ସ୍ୱାସ୍ଥ୍ୟ ସେବା ରୁ ବଞ୍ଚିତ ହେବା ଦେଖାଯାଉଛି । ଜିଲ୍ଲାର ପାଟଣାଗଡ଼ ପରି ଗୋଟିଏ ସ୍ଥାନରେ  କେବଳ ୧୮ ଜଣ ଡାକ୍ତର ଥିବା ବେଳେ ଏହି ଟିଟିଲାଗଡ ସବ-ଡିଭିଜିନାଲ ସରକାରୀ ଡାକ୍ତର ଖାନା ରେ ମାତ୍ର ଚାରି ଜଣ ଡାକ୍ତର ଙ୍କୁ ନେଇ କିଭଳି ଚାଲିଛି ସହଜେ ଅନୁମେୟ । ବିଭିନ୍ନ

ବିଭାଗର ଜରୁରୀ  ଡାକ୍ତର ପଦବୀ ଖାଲି ପଡିଥିବା ବେଳେ ଅନେକ ବିଭାଗର ପଦବୀ ଖାଲି ରହିବା ଯୋଗୁଁ ସାଧାରଣ ଦୁର୍ଦ୍ଦଶାର ଶିକାର ହେଉଛନ୍ତି । ବାରମ୍ବାର ଏହି ସର୍ବନିମ୍ନ ଆବଶ୍ୟକତା ପୂରଣ ନିମନ୍ତେ ଦାବୀ ହେବା ସତ୍ୱେ ଜିଲ୍ଲା ପ୍ରଶାସନ ସବୁ ଜାଣି ନିରବ ରହିବା ସାର ହେଉଛି । ବାହ୍ୟ ବିଭାଗ ଓ ଅନ୍ତଃ ବିଭାଗ ପାଇଁ ମାତ୍ର ଚାରି ଜଣ ଡାକ୍ତର କାର୍ଯ୍ୟ ସୀମା ବା ଡିଉଟି ସମୟରୁ ଅଧିକ ସମୟ ରହିବା କୁ ବାଧ୍ୟ ରହିବା ନେଇ ହଟହଟା ହେବା ଓ ରୋଗୀ ଙ୍କ ଲମ୍ବା ଧାଡି ସହ ପାଟିତୁଣ୍ଡ ହେଉଥିବା ଦେଖାଯାଉଛି । ଏହାର ସୁଯୋଗ ନେଇ କିଛି ନିର୍ଦ୍ଦିଷ୍ଟ ବ୍ୟକ୍ତି ରହି ବିଭିନ୍ନ ଘରୋଇ ନର୍ସିଂ ହୋମ କୁ ନେବା ତଥା ଟିଟିଲାଗଡ ନିକଟସ୍ଥ ନାରେନ ଗ୍ରାମ ସ୍ଥିତ ଦୁଇଟି ଘରୋଇ ବେଆଇନ ଅଣସ୍ୱୀକୃତି ପ୍ରାପ୍ତ କ୍ଲିନିକ କରିଥିବା ଯଥା ଡ଼ଃ ମଲ୍ଲିକ ଓ ଡ଼ଃ ସେଲମା କୁହା ଯାଉଥିବା ଦୁଇଟି ଜାଗାକୁ ରୋଗୀଙ୍କୁ ପଠାଯାଉଥିବା ଅଭିଯୋଗ ହୋଇଛି । ଧାଡ଼ି ରେ ଅପେକ୍ଷାରତ ରୋଗୀ ଛିଡା ହୋଇ ନିରାଶ ହୋଇ ଅନ୍ୟତ୍ର ଯିବାକୁ ବାଧ୍ୟ ହେଉଥିବା ବେଳେ ଏ ନେଇ ବିଭାଗୀୟ ଉଚ୍ଚ ପଦସ୍ଥ ଅଧିକାରୀ ଜାଣି ସୁଦ୍ଧା ନିରବ ରହିବା ଅଭିଯୋଗ ହେଉଛି । 

ଏହି ପଦ, ପଦବୀ ଅଭାବରୁ ସାଧାରଣ ଚିକିତ୍ସା ସେବାରୁ ବଞ୍ଚିତ ହେବା ଓ ଅଞ୍ଚଳରେ ନକଲି ଡାକ୍ତର ବା କ୍ୱାକଙ୍କ ପ୍ରାଦୁର୍ଭାବ ବଢିଚାଲିଥିବା ନେଇ ତୁରନ୍ତ କାର୍ଯ୍ୟାନୁଷ୍ଠାନ ନିମନ୍ତେ ଦୃଢ଼ ଦାବି ହେଉଛି ।