31-Mar-2021

ବଲାଙ୍ଗିର (ପ୍ରେରଣା ଖବର): ସାରା ରାଜ୍ୟରେ ଜୋରସୋରରେ ଚାଲିଛି କରୋନାକୁ ମାତ୍ ଦେବା ପାଇଁ ଉଦ୍ୟମ l ବଲାଙ୍ଗିର ଜିଲ୍ଳାରେ ଟୀକାକରଣ ପ୍ରକ୍ରିୟା ଯୁଦ୍ଧକାଳୀନ ଭିତ୍ତିରେ ଚାଲିଛି କିନ୍ତୁ ଆଜି ବି ବିଶ୍ଵ ମହାମାରୀ କରୋନାକୁ ନେଇ ଲୋକଙ୍କ ମଧ୍ୟରୁ ଭୟ ଆଉ ଆଶଂକା ଅପସରି ନାହିଁ  l

    ଏହି କ୍ରମରେ ଆଜି  ବଲାଙ୍ଗିର ଜିଲ୍ଳାରେ ପୁଣି 5 ଜଣ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି l ଆଜିକୁ ମିଶାଇ ବର୍ତ୍ତମାନ ପର୍ଯ୍ୟନ୍ତ ଜିଲ୍ଲାରେ 8969 ଜଣ କରୋନା ସଂକ୍ରମିତ ଚିହ୍ନଟ ହୋଇସାରିଥିବ ବେଳେ ଜିଲ୍ଲାରେ 79 ଟି ଆକ୍ଟିଭ କେଶ୍ ରହିଛି ଏବଂ ଖୁସିର ବିଷୟ ହେଲା କରୋନା ମହାମାରୀରୁ 8848 ଜଣ ବ୍ୟକ୍ତି ସୁସ୍ଥ ହୋଇସାରିଲେଣି l ତେବେ ଆଜିର 5 ଜଣ ସଂକ୍ରମିତଙ୍କ ମଧ୍ୟରେ ବେଲପଡ଼ା ବ୍ଲକ ଅନ୍ତର୍ଗତ ସିହିନୀ ଗ୍ରାମ ରୁ 2 ଜଣ, ପାଟଣାଗଡ଼ ବ୍ଲକ ଯୋଗୀମୁଣ୍ଡାରୁ 2 ଜଣ ଓ ସଇଁତଳା ବ୍ଲକ ବଡ଼ମାଲରୁ ଜଣେ କରୋନା ସଂକ୍ରମିତ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ସୂତ୍ରରୁ ପ୍ରକାଶ l