29-Mar-2021

ବଲାଙ୍ଗୀର,(ପ୍ରେରଣା ଖବର) ସାମାଜିକ ଓ ସାହିତ୍ୟ ଅନୁଷ୍ଠାସନ ତାରୁଣ୍ୟ ପକ୍ଷରୁ ଆଜି ସ୍ଥାନୀୟ ପେଲେସ ଲାଇନ ସ୍ଥିତ ଅନୁଷ୍ଠାନର କାର୍ଯ୍ୟାଳୟ ଠାରେ ଏକ ଫଗୁଣ କବିତା ଆସର ଅନୁଷ୍ଠିତ ହୋଇଥିଲା । ଅନୁଷ୍ଠାନର ସଭାପତି କବି ଶୁଭ୍ରାଂଶୁ ଶେଖର ପଣ୍ଡାଙ୍କ ଆବାହକତ୍ୱରେ ଅନୁଷ୍ଠିତ ଏହି ସାହିତ୍ୟ  ଆସରରେ ସ୍ୱତନ୍ତ୍ର ଅତିଥି ଭାବରେ ଜିଲ୍ଲା ଲେଖକ ପରିଷଦର ସଭାପତି ଗାଳ୍ପିକ ମଳୟ ମିଶ୍ର ଓ କବି ସନ୍ଦୀପ କୁମାର କୁଅଁର ଯୋଗ ଦେଇ ତରୁଣ ପିଢ଼ିର କବି ଓ ଲେଖକ ମାନେ ପାଠକଙ୍କ ମନକୁ ଛୁଇଁଲା ଭଳି କବିତା ସର୍ଜନା କରନ୍ତୁ ବୋଲି କହିଥିଲେ । ଭାବ ଉଦ୍ରେକ କଲାଭଳି ତଥା ସରଳ,ତରଳ ଭାଷାରେ ଲିଖିତ ସାହିତ୍ୟକୃତୀ ହିଁ କାଳଜୟୀ ହୋଇପାରେ ବୋଲି ଅତଥି ଗଣ ମତବ୍ୟକ୍ତ କରିଥିଲେ । ଅ ନ୍ୟ ମାନଙ୍କ ମଧ୍ୟରେ କବି ନବକିଶୋର ବେହେରା, ଡ. ଅଶୋକ ସେଠୀ ଓ କବି ସମ୍ପଦ କୁମାର ନାୟକ ପ୍ରମୁଖ ସ୍ୱରଚିତ ଫଗୁଣ କବିତା ପାଠ କରିଥିଲେ । ପ୍ରାରମ୍ଭରେ ‘ପ୍ରେରଣା’ର ସଂପାଦକ ରଘୁ ନନ୍ଦନ ସଂହ ଅତିଥି ପରିଚୟ ପ୍ରଦାନ ସହ ଧନ୍ୟବାଦ ଜ୍ଞାପନ କରିଥିଲେ ।