25-Mar-2021

କଳାହାଣ୍ଡି,ର୍ନଲ୍ଳା (ସଞ୍ଜୀବ ଦାସ)  ଜମିର ନିଉଟେସନ କରିଦେବା ପାଇଁ ଜଣେ ବ୍ୟକ୍ତିଙ୍କ ଠାରୁ ୫୦୦୦ ହଜାର ଟଙ୍କା ଲାଞ୍ଚନେଉଥିବା ବେଳେ ଭିଜିଲେନସ ହାତରେ ଧରା ପଡିଛନ୍ତି ନର୍ଲା ତହସିଲ ଅନ୍ତର୍ଗତ ତୁଲାପଡ଼ା ରାଜସ୍ବ ନିରୀକ୍ଷକ ଥବିର ଭୋଇ। ପ୍ରାପ୍ତ ସୂଚନାରୁ ପ୍ରକାଶ ଯେ, ବାଲସିଙ୍ଗା ପଞ୍ଚୟତ ଅଧିନସ୍ତ ତେରଲୋ ଗାଁର ନିରଞ୍ଜନ ନାୟକ ଙ୍କୁ ୧୫ଟି ପ୍ଲଟର ସ୍କେଚମେପ ଓ ଡିମାର୍କଏସନ ବାବଦରେ ୫୦୦୦ ହଜାର ଟଙ୍କା ଦାବୀ କରିଥିଲେ ଆରଆଇ ଥବିର ଭୋଇ। ଏହାକୁ ନେଇ ନିରଞ୍ଜନ ନାୟକ ଜିଲ୍ଲା ଦୁର୍ନୀତି ନିବାରଣ ବିଭାଗକୁ ଜଣାଇଥିଲେ। ଅଭିଯୋଗ ପାଇଁ କଳାହାଣ୍ଡି ଜିଲ୍ଲା ଭିଜିଲେନ୍ସ ଡ଼ିଏସପି ସତ୍ୟବାନ ମହନନ୍ଦଙ୍କ ନେତୃତ୍ୱରେ ନୂଆପଡ଼ା ଇନିସପେଟର ଦୀନବନ୍ଧୁ ବେହେରା, ଭବାନୀପାଟଣା ଷ୍ଟେନୋ ସନ୍ତୋଷ ମହାନ୍ତି, ନୂଆପଡ଼ା ଷ୍ଟେନୋ ଶିବ ପ୍ରଧାନ, କନେଷ୍ଟବଳ ରାଜେଶ ନାୟକ, ବ୍ରାହ୍ମାନନ୍ଦ ପଣ୍ଡା, ଗୁଣନିଧି ସାହୁ ଓ ସରକାରୀ ସାକ୍ଷୀ ଭାବରେ ଡ଼ିଫଓ ଦକ୍ଷିଣରୁ ଶୁଭମ ପଣ୍ଡା ଓ ବିଶ୍ୱରଞ୍ଜନ ପଣ୍ଡା ଉପସ୍ଥିତ ଥିଲେ। ତୁଳାପଡ଼ା ରାଜସ୍ବ ନିରୀକ୍ଷଣ ଥବିର ଭୋଇଙ୍କୁ ଅଧିକ ତଦନ୍ତ ପାଇଁ ଭବାନୀପାଟଣା ନିଆଯାଇ ଥିବା ଜଣାପଡ଼ିଛି।