24-Mar-2021

ବଲାଙ୍ଗିର(ପ୍ରେରଣା ଖବର) :  ସ୍ଥାୟୀ ନିଯୁକ୍ତି ଦାବିରେ କନିଷ୍ଠ ଶିକ୍ଷକଙ୍କ ଆନ୍ଦୋଳନ ଜାରି।  ଜିଲ୍ଲାପାଳଙ୍କ ଅଫିସ ଘେରାଉ କରିଛନ୍ତି ବଲାଙ୍ଗିର  କନିଷ୍ଠ ଶିକ୍ଷକ l ବଲାଙ୍ଗିର ଜିଲ୍ଲାରେ ଦିର୍ଘ ୭ ବର୍ଷ ରୁ ଅଧିକ ସମୟ ଧରି ୟୁପି,ଏମଇ ସ୍କୁଲ ଗୁଡିକରେ ପିଲାଙ୍କୁ ପାଠ ପଢାଉଛନ୍ତି ହଜାର ହଜାର କନିଷ୍ଠ ଶିକ୍ଷକ।

ତେବେ ସରକାରଙ୍କ ନିୟମ ଅନୁଯାଇ ୬ ବର୍ଷ ଚାକିରୀ କାଳ ପରେ ତାଙ୍କୁ ସ୍ଥାୟୀ ନିଯୁକ୍ତି ପ୍ରଦାନ କରାଯିବା କଥା ହେଲେ ସ୍ଥାନୀୟ ଶିକ୍ଷା ବିଭାଗ ଓ ପ୍ରଶାସନର ଅବହେଳା ଯୋଗୁଁ ଆଜି ପର୍ଯ୍ୟନ୍ତ ଶିକ୍ଷକ ମାନେ ସ୍ଥାୟୀ ନୁଯୁକ୍ତିରୁ ବଞ୍ଚିତ ରହିଛନ୍ତି । ଏହା ସହ ସରକାରଙ୍କ ନିର୍ଦେଶକୁ ବେଖାତିର କରାଯାଉଥିବା ବେଳେ ନିୟମର ଉଲଙ୍ଘନ ହେଉଥିବା ନେଇ ଅଭିଯୋଗ  ଆଣିଛନ୍ତି ଶିକ୍ଷକମାନେ।

ଏନେଇ ଆଜି ସ୍ଥାନୀୟ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି । ତେବେ ଏନେଇ ପ୍ରଶାସନ କୌଣସି ପ୍ରକାର ସମାଧାନର ବାଟ ନକଲେ ଏହି ଆନ୍ଦୋଳନ ଜାରି ରଖିବେ ବୋଲି ଚେତାବନୀ ଦେଇଛି କନିଷ୍ଠ ଶିକ୍ଷକ ସଂଘ ।