23-Mar-2021

ସମ୍ବଲପୁର,ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ଆଜି ରେଢ଼ାଖୋଲ ହାଟପଦା ସ୍ଥିତ ବିଜୁ କଲ୍ୟାଣ ମଣ୍ଡପ ଠାରେ ଓଡିଶା ସାମ୍ବାଦିକ ସଂଘ ସମ୍ବଲପୁର ଜ଼ିଲ୍ଲା ଶାଖା ର ଚଳିତ ବର୍ଷ ର ଦ୍ୱିତୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ସଂଘର ଜ଼ିଲ୍ଲା ସଭାପତି ହିମାଂଶୁ ଶେଖର ମିଶ୍ର ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ବୈଠକ ରେ ଆଗାମୀ କାର୍ଯ୍ୟପନ୍ଥା ଉପରେ ବିଷଦ ଭାବରେ ଆଲୋଚନା ହୋଇଥିଲା I ବୈଠକ ରେ ରେଢ଼ାଖୋଲ ଅଂଚଳରେ ନିଆଁ ଲାଗି ନଷ୍ଟ ହେଉ ଥିବା ଜଙ୍ଗଲ ନେଇ ଗଭୀର ଉଦବେଗ ପ୍ରକାଶ ପାଇଥିଲା I ସରକାର ବନାଗ୍ନି  ସଚେତନତା ଉପରେ ଅଧିକ ଗୁରୁତ୍ୱ ଦେବାକୁ ମତ ପ୍ରକାଶ ପାଇଥିଲା I ଏହା ସହିତ ଆଗାମୀ ଗ୍ରୀଷ୍ମ କୁ ଦୃଷ୍ଟି ରେ ରଖି ଜଳ କଷ୍ଟ ଦୂର କରିବା, ପାନୀୟ ଜଳ ର ବ୍ୟବସ୍ଥା କରିବା ଏବଂ ଅଂଶୁଘାତ ରୁ ରକ୍ଷା ପାଇବା ପାଇଁ ସରକାର  ସତର୍କତା ମୂଳକ ପଦକ୍ଷେପ ନେବାକୁ ଦାବି ହୋଇଛି I ଜିଲ୍ଲା ସମ୍ପାଦକ ସରୋଜ ସାହୁ ଙ୍କ ପରିଚାଳନା ରେ ଅନୁଷ୍ଠିତ ଏହି  ସଭାରେ ପଶ୍ଚିମ ପ୍ରାନ୍ତୀୟ ସମ୍ପାଦକ ରମାକାନ୍ତ ବିଶ୍ୱାଳ, ଉପ ସଭାପତି ପ୍ରଦୀପ ନାୟକ, ସନ୍ତୋଷ ସାହୁ, ସହ ସମ୍ପାଦକ ନରେଶ ମାହାନା, ସତ୍ୟପ୍ରିୟ ମହାପାତ୍ର, କୋଷାଧ୍ୟକ୍ଷ ସୁଶାନ୍ତ ମହାପାତ୍ର, କାର୍ଯ୍ୟକାରୀ କମିଟି ସଭ୍ୟ ସଞ୍ଜୟ ପାଗୋଡା, ଉପେନ୍ଦ୍ର ନାରାୟଣ ପଣ୍ଡା, ରବୀନ୍ଦ୍ର ପ୍ରଧାନ, ହରି ମିଶ୍ର, ସାଧବ ପ୍ରଧାନ, ସଭ୍ୟ ରାଜା ପାଳ,  ଦେବାଶିଷ ବେହେରା, ଯଶୋବନ୍ତ ନାରାୟଣ ସାହୁ, ଅନିଲ ପୃଷ୍ଟି, ଶଙ୍କର କେଶରୀ ଭଞ୍ଜ, ସଞ୍ଜିବ ପାଣିଗ୍ରାହୀ  ପ୍ରମୁଖ  ଯୋଗଦେଇ ନିଜର ସୁଚିନ୍ତିତ ମତାମତ  ପ୍ରଦାନ କରିଥିଲେ। 
        ବୈଠକ ରେ ସଂଘ ର ଜ଼ିଲ୍ଲା ସମ୍ପାଦକ ସରୋଜ ସାହୁ ଙ୍କୁ ସମ୍ବଲପୁର ଜ଼ିଲ୍ଲା ମୁଖ୍ୟ ଚିକିତ୍ସାଳୟ ରେ  ଏକ୍ସପ୍ୟାରୀ ସାଲାଇନ ଦେବା ଘଟଣା କୁ ନିନ୍ଦା କରାଯିବା ସହିତ ଦୋଷୀ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରାଯାଇଥିଲା I ସଭା ପରିଶେଷରେ ସଂଘ ର କାର୍ଯ୍ୟକାରୀ କମିଟି ସଭ୍ୟ ମହାବୀର ସିଂଦେଓ ଧନ୍ୟବାଦ ଜ୍ଞାପନ କରିଥିଲେ I