23-Mar-2021

 ନୟାଗଡ଼ (ପ୍ରଦୀପ କୁମାର ପଣ୍ଡା) :ବନଦିଵସ ପାଳନ ଅବସରରେ ଭୁବନେଶ୍ୱର ଜୟଦେବ ବାଟିକା ରେ ଆୟୋଜିତ କାର୍ଯ୍ୟକ୍ରମ ରେ ବନବିଭାଗ ର ବିଭିନ୍ନ କର୍ମଚାରୀ ଙ୍କ କାର୍ଯ୍ୟଦକ୍ଷତା କୁ ପରଖି ପୁରସ୍କୃତ କରାଯାଇଥିଲା | ଆୟୋଜିତ ଏହି କାର୍ଯ୍ୟକ୍ରମ ରେ ପରିବେଶ ଓ ଜଙ୍ଗଲ ବିଭାଗ ମନ୍ତ୍ରୀ ବିକ୍ରମ କେଶରୀ ଆରୁଖ ନୟାଗଡ଼ ବନଖଣ୍ଡ ଅନ୍ତର୍ଗତ ଗଣିଆ ବନାଞ୍ଚଳ ର ବନରକ୍ଷୀ ସନ୍ତୋଷ ପ୍ରଧାନ ଙ୍କୁ ଶ୍ରେଷ୍ଠ ବନରକ୍ଷୀ ଭାବେ ପୁରସ୍କୃତ କରିଛନ୍ତି | ସନ୍ତୋଷ ମାନପତ୍ର, ପଦକ ଏବଂ ୫ ହଜାର ଟଙ୍କା ର ଚେକ ବିଭାଗୀୟ ମନ୍ତ୍ରୀ ଙ୍କ ଠାରୁ ମଞ୍ଚରେ ଗ୍ରହଣ କଲାବେଳେ ଆନନ୍ଦଅଶ୍ରୁ ରେ ନୟନ ଯୁଗଳ ଛଳଛଳ କରିଥିଲେ | ବିଗତ କୋଭିଡ ସମୟରେ କରୋନା ଆକ୍ରାନ୍ତ ହୋଇ ନିଜ କାର୍ଯ୍ୟାଳୟ ରେ ସଙ୍ଗରୋଦ୍ଧ ରେ ରହି ସେ ନିଜ ର ଦାୟିତ୍ୱ ରେ ଥିବା ତିନୋଟି ବିଟ ରେ ସଠିକ ଭାବେ ନିଜ କର୍ତ୍ୟବ୍ୟ ପାଳନ କରିଥିଲେ | ଏପରିକି ଏହି ପୁରସ୍କୃତ ହେବା ର ଶ୍ରେୟ ସେ ନୟାଗଡ଼ ବନଖଣ୍ଡ ଅଧିକାରୀ ଧନରାଜ ଏଚଡି ଏବଂ ଗଣିଆ ବନାଞ୍ଚଳ ର ଅଧିକାରିଣୀ ସୋନାଲି ସିଓ ଙ୍କୁ ଦେଉଛନ୍ତି ବୋଲି ନିଜର ବ୍ୟକ୍ତବ୍ୟ ରଖିଛନ୍ତି | ଧନରାଜ ଙ୍କ ସମସ୍ତ ଆଦେଶ ଏବଂ ଆହ୍ୱାନ କୁ ସେ ସଠିକ ଭାବେ ପାଳନ କରି ଆଜି ସାରା ରାଜ୍ୟରେ ପ୍ରତିଷ୍ଠିତ ହୋଇଛନ୍ତି ବୋଲି ଗର୍ବ ଅନୁଭବ କରୁଛନ୍ତି ବୋଲି ପ୍ରକାଶ କରିଛନ୍ତି |  ବନବିଭାଗ କର୍ମଚାରୀ ମାନଙ୍କୁ ସାହାଯ୍ୟ କରିବା ସହିତ ସଠିକ  ଖବର ପଂହଁଚାଇଲେ ଜଙ୍ଗଲ ରେ ଲାଗୁଥିବା ନିଆଁ କୁ ନିଶ୍ଚିତ ଭାବେ ଦମନ କରାଯାଇ ପାରିବ ବୋଲି ଜନସଧାରଣ ଙ୍କୁ ସେ ବାର୍ତ୍ତା ପ୍ରଦାନ କରିଛନ୍ତି |