02-Mar-2021

ବଲାଙ୍ଗୀର,(ପ୍ରେରଣା ଖବର) : କରୋନା ଭୂତାଣୁର ୟୁଟର୍ଣ୍ଣକୁ ନେଇ ସଜାଗ ରାଜ୍ୟ ସରକାର। ଦେଶର ୫ ଟି ରାଜ୍ୟରେ କରୋନା ପୁଣିଥରେ ସକ୍ରିୟ ହୋଇଥିବା ବେଳେ ଏହାକୁ ନେଇ ଓଡିଶାରେ ସଚେତନତା ସହ ଯାଞ୍ଚ୍ ପ୍ରକ୍ରିଆକୁ ଜୋରଦାର କରାଯାଇଛି। ବଲାଙ୍ଗୀର ଜିଲ୍ଲା ପ୍ରଶାସନ ଏହାକୁ ନେଇ ହାଇ ଆଲର୍ଟ ଥିବା ବେଳେ ଆରମ୍ଭ କରିଛି ସଚେତନତା । ରେଳ ଷ୍ଟେସନରେ ସ୍ବତନ୍ତ୍ର ବ୍ୟବସ୍ଥା କରାଯିବା ସହ ୫ଟି ରାଜ୍ୟରୁ ଆସୁଥିବା ଯାତ୍ରୀଙ୍କ କରାଯାଉଛି ଥର୍ମାଲ ଟେଷ୍ଟ। ସଂକ୍ରମିତ ଥିଲେ; କିମ୍ବା ସନ୍ଦେହ ହେଲେ ସଂଗରୋଧରେ ରହିବାକୁ ନିର୍ଦ୍ଦେଶ ଦିଆଯାଉଛି ।

କରୋନାର ୟୁଟର୍ଣ୍ଣକୁ ନେଇ ସଜାଗ ବଲାଙ୍ଗୀର ପ୍ରଶାସନ। ହାଇଆଲର୍ଟରେ ଏବେ ବଲାଙ୍ଗୀର ଜିଲ୍ଲା ପ୍ରଶାସନ। ଦେଖନ୍ତୁ ଏ ଦୃଶ୍ୟ ଗୁଡିକୁ। ଏହେଉଛି ବଲାଙ୍ଗୀର ଜିଲ୍ଲା ରେଳଷ୍ଟେସନର ଦୃଶ୍ୟ।ଷ୍ଟେସନରେ ସ୍ୱତନ୍ତ୍ର ବ୍ୟବସ୍ଥା କରାଯିବା ସହ ବସିଛନ୍ତି ଡାକ୍ତର ଓ କରୋନା ଚିହ୍ନଟ ଟିମ୍ । ରାଜ୍ୟବାହାରୁ ଯେଉଁ ସବୁ ଟ୍ରେନ ଗୁଡିକ ଆସୁଛି ସେଥିରେ ଆସୁଥିବା ଯାତ୍ରୀଙ୍କୁ ପ୍ରଥମେ ଗେଟ୍ ବାହାରକୁ ଯିବା ପୂର୍ବରୁ ସେମାନେ ଆସୁଥିବା ସ୍ଥାନର ନାମ ପଚାରା ଯାଉଛି । ଏହାପରେ ହିଁ ସେମାନଙ୍କୁ ଛଡାଯାଉଛି। ରାଜ୍ୟସରକାରଙ୍କ ନିର୍ଦେଶ ଅନୁଯାୟୀ ଦେଶର ୫ ଟି ରାଜ୍ୟ, ପଞ୍ଜାବ, ମଧ୍ୟ ପ୍ରଦେଶ, ଛତିଶଗଡ, ମହାରାଷ୍ଟ୍ର  ଓ କେରଳରୁ ଯେଉଁ  ଯାତ୍ରୀ ମାନେ ଆସୁଛନ୍ତି ସେମାନଙ୍କୁ ଷ୍ଟେସନରେ ଯାଞ୍ଜ୍ କରାଯିବା ସହ ଛଡା ଯାଉଛି।

ସେପଟେ ବଲାଙ୍ଗୀର ଷ୍ଟେସନ ସହ କଣ୍ଟାବାଞ୍ଜି, ସଇଁନ୍ତଳା, ଟିଟିଲାଗଡ, ଦେଓଗାଁ ,ଲୋଇସିଂହା, ଲାଠୋର ଷ୍ଟେସନ ଗୁଡିକରେ ମଧ୍ୟ କରାଯାଇଛି କରୋନା ଟେଷ୍ଟିଙ୍ଗ ବ୍ୟବସ୍ଥା। ପ୍ରଥମେ ଥର୍ମାଲ ଷ୍ଟେଟ କରାଯାଉଛି । ସଂକ୍ରମଣ ଥିଲେ ସେମାନଙ୍କ ଆଣ୍ଟିଜେନ ଟେଷ୍ଟ କରାଯାଉଛି। ଯଦି କିଛି ଲକ୍ଷଣ ଅଛି ତେବେ ତାଙ୍କୁ ସଂଙ୍ଗରୋଧ କେନ୍ଦ୍ରକୁ ପଠାଇ ଦିଆଯାଉଛି। ୭ ଦିନ ପର୍ଯ୍ୟନ୍ତ ସଙ୍ଗରୋଧ କେନ୍ଦ୍ରରେ ରହିବାକୁ  ଦିଆଯାଉଛି ନିର୍ଦେଶ। ଅନ୍ୟପଟେ ଯେଉଁ ଯାତ୍ରୀ ମାନେ ଆରଟିପିସିଆର ଟେଷ୍ଟର ନେଗେଟିଭ ରିପୋର୍ଟ ଆଣିକି ଆସୁଛନ୍ତି ଏହି ୫ ଟି ରାଜ୍ୟରୁ ସେମାନଙ୍କୁ ଟେଷ୍ଟର ଆବଶ୍ୟକତା ନଥିବା କହିଛନ୍ତି ଅଧିକାରୀ କହିଛନ୍ତି। ବଲାଙ୍ଗୀର ସହର ସମେତ ସମଗ୍ର ଜିଲ୍ଲାରେ ଏବେ ଲୋକଙ୍କୁ ସଚେତନ କରିବା ପାଇଁ ଡାକବାଜି ଯନ୍ତ୍ର ମାଧ୍ୟମରେ ସଚେତନ କରାଯାଉଛି। ତା ସହ ଉପଜିଲ୍ଲାପାଳ, ତହସିଲଦାର, ପୌରପରିଷଦ ନିର୍ବାହୀ ଅଧିକାରୀଙ୍କ ସହ ସ୍ଥାନୀୟ ଆଇଆଇସିଙ୍କୁ ନେଇ ଏକ ଟିମ୍ ଗଠନ କରିବା ସହ ସହରରେ ଦୋକାନ ବଜାର ଗୁଡିକ ଉପରେ ନଜର ରଖାଯାଇ ଯାଞ୍ଜ୍ କରାଯାଉଛି। ଯେଉଁଠି ଲୋକଙ୍କ ଗହଳି ରୖହିଛି ମାସ୍କ ପରିଧାନ କରିନାହାନ୍ତି ସେଠାରେ ଦୋକାନୀଙ୍କୁ ଫାଇନ କଟାଯିବା ସହ ଆବଶ୍ୟକ ପଡିଲେ ସିଲ କରାଯିବାର ମଧ୍ୟ ବ୍ୟବସ୍ଥା କରାଯାଇଛି ।