13-Oct-2020

କଳାହାଣ୍ଡି: ( ତ୍ରିନାଥ ବେଶ୍ରା ) ୧୩/୧୦-  ଗ୍ରାମାଞ୍ଚଳ ର ବିକାଶ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା ମାଧ୍ୟମରେ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ସ୍ୱାଧୀନତା ର ୭୩ ବର୍ଷ ପରେ ମଧ୍ୟ ନାଗୁପଡାବାସୀ ମୌଳିକ ସୁବିଧାରୁ ବଂଚିତ ହେଉଥିବା ଦେଖିବାକୁ ମିଳିଛି । ରାସ୍ତାଘାଟ, ବିଜୁଳି ଓ ପାନୀୟ ଜଳ ଭଳି ଅନେକ ପ୍ରକଳ୍ପ ପାଇଁ ସରକାର କୋଟି କୋଟି ଟଙ୍କା ପ୍ୟାକେଜ ଘୋଷଣା କରି ଗ୍ରାମାଞ୍ଚଳ ର ବିକାଶ ର ଡିମ ଡିମ ପିଟୁଛନ୍ତି । କିନ୍ତୁ କଳାହାଣ୍ଡି ଜିଲ୍ଲା ଜୟପାଟଣା ବ୍ଳକ ପାଇକକେନ୍ଦୁମୁଣ୍ଡି ଗ୍ରାମପଞ୍ଚୟତ ର ନାଗୁପଡ଼ା ଗାଁ କୁ ଏବେବି ବିକାଶର ଛିଟା ବାଜିପାରିନାହିଁ।ଦୀର୍ଘ ବର୍ଷ ହେଲା ଏହି ଗାଁ ଦେଇ ଯାଇଥିବା ଛଞ୍ଚାନ ନଦୀରେ ଏକ ବ୍ରିଜ ନିର୍ମାଣ ର ଦାବି ରହି ଆସୁଥିବା ବେଳେ ଗ୍ରାମବାସୀ ଦୁଇ ଦୁଇ ଥର ଭୋଟ ବର୍ଜନ ମଧ୍ୟ କରିସରିଲେଣି।।କିନ୍ତୁ ଆଜି ପର୍ଯ୍ୟନ୍ତ ତାଙ୍କ ଗାଁ କୁ ଯିବା ପାଇଁ ବ୍ରିଜ ଟିଏ ହେଇପାରି ନାହିଁ।

-ଜୟପାଟଣା ସହର ସହ ଲାଗି ରହିଥିଲେ ମଧ୍ୟ ଉପାନ୍ତ ଅଞ୍ଚଳ ଭଳି ଦିନ କାଟୁଛନ୍ତି।ନେତାମନ୍ତ୍ରୀ ଙ୍କ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ଙ୍କୁ ଜଣାଇ ଥିଲେ ମଧ୍ୟ ଫଲାଫଳ କିଛି ନାହିଁ ଏବେବି ସେମାନେ ଜରୁରୀକାଳୀନ ମେଡ଼ିକାଲ ସେବା ହେଉ କି ସ୍କୁଲ କଲେଜ ଯିବା ପାଇଁ ବିପଦ ପୂର୍ଣ୍ଣ ମଧ୍ୟରେ ଯାଇଥାନ୍ତି । ବର୍ଷ ତମାମ ପାଣିରେ ଜୀବନକୁ ବାଜି ଲଗାଇ ଯାତାୟତ କରୁଥିବା ବେଳେ ରୋଗୀ ଓ ଗର୍ଭବତୀ ଙ୍କୁ ଖଟିଆରେ ବୁହା ହେଇ ଯିବାକୁ ପଡୁଛି ।ବ୍ଳକ ସଦରମହକୁମା ଠାରୁ ଅଳ୍ପ ଦୂର କୁ ମଧ୍ୟ ପ୍ରଶାସନ ର ଦୃଷ୍ଟି କେମିତି ପଡୁନାହିଁ ତାହା ହିଁ ପ୍ରଶ୍ନବାଚୀ ସୃଷ୍ଟି କରୁଛି ।ବେଳେ ବେଳେ ତାଙ୍କୁ ମିଳୁଛି ସେଇ ପୁରୁଣା ପ୍ରତିଶ୍ରୁତି ଓ ବିକାଶର ସପ୍ନ ।କେବେ ତାଙ୍କ ସପ୍ନ ପୂରଣ ହେବ ଓ କେବେ ସେମାନେ ଗୋଟେ ସାଧାରଣ ଜୀବନ ଅତିବାହିତ କରିବେ ସେଇ ଦିନ ଦେଖିବାକୁ ରହିଛି।