12-Oct-2020

ଢେଙ୍କାନାଳ ଜିଲ୍ଲା ଭୁବନ ନୀଳକଣ୍ଠପୁର ଗ୍ରାମରେ ଦୁଷ୍କର୍ମ ଉଦ୍ୟମ କରି ଛେଚା ଖାଇଲେ ଯୁବକ । ସ୍ବାମୀଙ୍କ ଅନୁପସ୍ଥିତିରେ ଘରେ ପଶି ଜଣେ ମହିଳାଙ୍କୁ ଦୁଷ୍କର୍ମ ଉଦ୍ୟମ କରିବାରୁ ଗ୍ରାମବାସୀମାନେ ଖୁଣ୍ଟରେ ବାନ୍ଧି ଉତ୍ତମ ମଧ୍ୟମ ଦେଇଛନ୍ତି ।*

*କେହି ନଥିବାର ସୁଯୋଗ ନେଇ ଘରେ ପଶି ମହିଳାଙ୍କୁ ଦୁଷ୍କର୍ମ ଉଦ୍ୟମ କରିବା ଯୁବକଙ୍କୁ ମହଙ୍ଗା ପଡିଯାଇଛି । ଏପରିକି  ଉକ୍ତ ଯୁବକଙ୍କୁ ଗ୍ରାମବାସୀମାନେ  ଖୁଣ୍ଟରେ ବାନ୍ଧି ଉତ୍ତମ ମଧ୍ୟମ ଦେଇଛନ୍ତି । ଏପରି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ନୀଳକଣ୍ଠପୁର ଗ୍ରାମରେ । ଗ୍ରାମର ଜନୈକ ବ୍ୟକ୍ତିଙ୍କ ଅନୁପସ୍ଥିତିର ସୁଯୋଗ ନେଇ  ତାଙ୍କ ଗ୍ରାମ ତାଳସାହିର ସଂପୃକ୍ତ ଯୁବକ  ଘରେ ପଶି  ତାଙ୍କ ପତ୍ନୀକୁ ଦୁଷ୍କର୍ମ କରିବାକୁ ଉଦ୍ୟମ କରିଥିଲା । ମହିଳା ଜଣଙ୍କ କୌଣସି ପ୍ରକାରରେ ସଂପୃକ୍ତ ଯୁବକଙକୁ ଘରେ କବାଟ ଦେଇ ନିଜେ ଖସି ଆସିଥିଲେ । ଚିତ୍କାର କରି ପଡୋଶୀଙ୍କୁ ଡାକିବାରୁ ଜନୈକ ବ୍ୟକ୍ତିଙ୍କ ସାନ ଭାଇ ଘଟଣାସ୍ଥଳରେ ପହଞ୍ଚିଥିଲେ । ପରେ ମଙ୍ଗରାଜ ଘର ଚାଳ କଣା କରି ଚମ୍ପଟ ମାରିବାକୁ ଉଦ୍ୟମ କରୁଥିବା ବେଳେ ଗ୍ରାମବାସୀ ତାକୁ କାବୁ କରି ଉତ୍ତମ ମଧ୍ୟମ ଦେଇ ଖୁଣ୍ଟରେ ବାନ୍ଧି ଦେଇଥିଲେ । ଖବର ପାଇ ଭୁବନ ପୋଲିସ ପହଂଚି ଯୁବକକୁ ଉଦ୍ଧାର କରିଛି ।  ମହିଳାଙ୍କ ସ୍ବାମୀଙ୍କ ଅଭିଯୋଗ କ୍ରମେ ପୋଲିସ ଘଟଣାର ତଦନ୍ତ କରୁଥିବାବେଳେ ଅଭିଯୁକ୍ତକୁ ଅଟକ ରଖିଛି ।*