07-Jun-2026

ବଲାଙ୍ଗୀର : ଭାରତୀୟ ଜନତା ପାର୍ଟି ବଲାଙ୍ଗୀର ର ପୂର୍ବତନ ଜିଲ୍ଲା ସଭାପତି ତଥା ବଲାଙ୍ଗୀର ଏକ୍ସନ କମିଟିର ସକ୍ରିୟ ସଭ୍ୟ ଗିରିଶ ସିଂହଦେଓ ଙ୍କ ଧର୍ମପତ୍ନୀ ଶ୍ରୀମତୀ କନକଲତା ସିଂହଦେଓ ଙ୍କ ୭୨ବର୍ଷ ବୟସରେ ଆଜି  ପରଲୋକ ହୋଇ ଯାଇଛି। ଗତକାଲି ସେ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ବୁର୍ଲା ହସ୍ପିଟାଲ କୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ଭୋର ୪ ଟା ରେ ତାଙ୍କ ପରଲୋକ ହୋଇଯାଇଛି।କନକଲତା ଜଣେ ମେଳାପୀ ଓ ଧର୍ମପରାୟଣା ମହିଳା ଭାବରେ ଜଣାଶୁଣା ଥିଲେ। ଆଜି ମୃତ୍ୟୁ ଖବର ପ୍ରଚାର ହେବା ପରେ ସ୍ଥାନୀୟ ପୁରୁଣା ରାଜଭାଟି ଅଂଚଳରେ ଶୋକର ଛାୟା ଖେଳିଯାଇଛି। ମୃତ୍ୟୁ ଶଯ୍ୟାରେ କନକଲତା ଙ୍କ ସ୍ଵାମୀ ଗିରିଶ ଚନ୍ଦ୍ର ସିଂହଦେଓ,  ପୁଅ ଶୈଳେନ୍ଦ୍ର ନାରାୟଣ, ଝିଅ ମୋନାଲିସା, ସିଂହଦେଓ  ପରିବାରର ସଦସ୍ୟ ଓ ଅନ୍ୟ ଆତ୍ମୀୟ ସ୍ୱଜନ ମାନେ ଉପସ୍ଥିତ ଥିଲେ। ସ୍ଥାନୀୟ ବିଭୁତି ପଡା ସ୍ମଶାନଘାଟରେ  କନକଲତାଙ୍କ ଅନ୍ତିମ ସଂସ୍କାର କରାଯାଇଛି। ଏକମାତ୍ର ପୁଅ ଶୈଳେନ୍ଦ୍ର ନାରାୟଣ ମୁଖାଗ୍ନି ଦେଇଥିଲେ। କନକଲତା  ସିଂହଦେଓ ଙ୍କ ଅକାଳ ବିୟୋଗରେ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ  ଓ ବିଜେପି ଜିଲ୍ଲା ସଭାପତି ଶ୍ରୀବତ୍ସ ବେହେରା ଗଭୀର ଶୋକପ୍ରକାଶ କରିଛନ୍ତି।