31-May-2026

ବଲାଙ୍ଗୀର(ପ୍ରେରଣା ଖବର) ସହଯୋଗ ଫାଉଣ୍ଡେସନ୍ ପକ୍ଷରୁ ପରିଚାଳିତ ‘ଅନ୍ନପୂର୍ଣ୍ଣା’ ସେବା କାର୍ଯ୍ୟକ୍ରମ ଅନ୍ତର୍ଗତ ରବିବାର ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟ (ଡିଏଚଏଚ୍) ପରିସରରେ ପ୍ରାୟ ୭୦୦ ଜଣ ରୋଗୀ, ସେମାନଙ୍କ ସମ୍ପର୍କୀୟ ଏବଂ ଅନ୍ୟାନ୍ୟ ଆବଶ୍ୟକତା ମନ୍ଦ ଲୋକଙ୍କୁ ଭାତ, ଡାଲମା, ଖଟା, ଛାଛ ଓ ଫଳ ବଣ୍ଟନ କରାଯାଇଥିଲା। ଗିରିଶ ଚନ୍ଦ୍ର ମିଶ୍ର ଓ ଶ୍ରୀମତୀ ବିଥିକା ମିଶ୍ର ତାଙ୍କ ନାତୁଣୀ କୁମାରୀ ରାଧିକାଙ୍କ ଜନ୍ମଦିନ ଅବସରରେ ଏହି ସେବା କାର୍ଯ୍ୟକ୍ରମକୁ ସହଯୋଗ କରିଥିଲେ। ଏହି ଅବସରରେ କୁମାରୀ ରାଧିକାଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ସହ ସହଯୋଗୀ ପରିବାରଙ୍କୁ ଫାଉଣ୍ଡେସନ୍ ପକ୍ଷରୁ କୃତଜ୍ଞତା ଜଣାଯାଇଥିଲା।

କାର୍ଯ୍ୟକ୍ରମରେ ବଲାଙ୍ଗିର ମାରୱାଡ଼ି ସମ୍ମେଳନ ର ଶାଖା ଅଧ୍ୟକ୍ଷ୍ ସୁଶୀଳ ଅଗ୍ରୱାଲ ଓ ସମ୍ପାଦକ ଶ୍ରୀ କନ୍ହେୟା ଲାଲ ଅଗ୍ରୱାଲ ଅତିଥି ଭାବେ ଯୋଗଦେଇଥିଲେ। ସେମାନଙ୍କୁ ସହଯୋଗ ଫାଉଣ୍ଡେସନ୍ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା।ଫାଉଣ୍ଡେସନ୍‌ର ସଦସ୍ୟମାନେ କାର୍ଯ୍ୟକ୍ରମକୁ ସଫଳ କରିବାରେ ସକ୍ରିୟ ସହଯୋଗ କରିଥିଲେ।