31-May-2026

ବଙ୍ଗୋମୁଣ୍ଡା(ପ୍ରେରଣା ଖବର): ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ବିଧାନସଭା କ୍ଷେତ୍ର ବଙ୍ଗୋମୁଣ୍ଡା ସ୍ଥିତ ପଞ୍ଚାୟତ ସମିତି ଡିଗ୍ରୀ ମହାବିଦ୍ୟାଳୟ ରେ ବିଜ୍ଞାନ ପାଠ୍ୟକ୍ରମ ଆରମ୍ଭ ହୋଇଛି ।ପ୍ରଥମ ପର୍ଯ୍ୟାୟରେ ସରକାରଙ୍କ ପକ୍ଷରୁ ୯୬ ଟି ସିଟ ର ଅନୁମୋଦନ ପାଇଛି ।ଫଳରେ ବିଜ୍ଞାନ ପାଠ ପଢିବାକୁ ଆଗ୍ରହୀ ଥିବା କଣ୍ଟାବାଞ୍ଜି ବିଧାନସଭା କ୍ଷେତ୍ର ବଙ୍ଗୋମୁଣ୍ଡା, ତୁରେକେଲା ଓ ମୁରିବାହାଲ ଅଞ୍ଚଳ ର ଛାତ୍ର ଛାତ୍ରୀ ମାନଙ୍କ ମଧ୍ୟରେ ଉତ୍ସାହ ଦେଖାଦେଇଛି। ସେହିପରି ଅଞ୍ଚଳବାସୀ ଙ୍କ ଦୀର୍ଘ ଦିନର ଆଶା ମଧ୍ୟ ପୂରଣ ହୋଇଥିବା ଜଣାପଡିଛି ।ଏହି ମହାବିଦ୍ୟାଳୟ ରେ ପୂର୍ବରୁ କଳା ଓ ବାଣିଜ୍ୟ ଖୋଲିଥିବା ବେଳେ ବର୍ତ୍ତମାନ ବିଜ୍ଞାନ ବିଷୟ ଖୋଲା ଯାଇଥିବାରୁ ଛାତ୍ର ଛାତ୍ରୀ ଓ ଅଭିଭାବକ ମଧ୍ୟରେ ଖୁସି ର ଲହରୀ ଖେଳିଯାଇଛି। ଏହି ଅଞ୍ଚଳ ର ଗରିବ ମେଧାବୀ ଛାତ୍ର ଛାତ୍ରୀ ମାନେ ଆସି ବିଜ୍ଞାନ ପାଠ ପଢିବେ ବୋଲି ସ୍ଥାନୀୟ ଲୋକେ ଆଶା ବାନ୍ଧିଛନ୍ତି ।ନାମଲେଖା ଶୁଭାରମ୍ଭ ହୋଇଥିବା ନେଇ ମହାବିଦ୍ୟାଳୟ ର ଅଧ୍ୟକ୍ଷ ଡ଼ଃ ଶୋଭେନ୍ଦ୍ର କୁମାର ମେହେର ଗଣମାଧ୍ୟମ କୁ ସୂଚନା ଦେଇଛନ୍ତି ।ବଲାଙ୍ଗୀର ଜିଲ୍ଲା ର ଶେଷ ସୀମାରେ ଅଛି ବଙ୍ଗୋମୁଣ୍ଡା ବ୍ଲକ ।ଆଉ ବଙ୍ଗୋମୁଣ୍ଡା ବ୍ଲକ ହେଉଛି ଦାଦନ ପ୍ରବଣ ଅଞ୍ଚଳ । ଦାଦନ ପାଇଁ ବେଶ ପରିଚିତି ପୁଣି ସେହି ଅଞ୍ଚଳରେ ବିଜ୍ଞାନ ବିଭାଗ ପାଠ୍ୟକ୍ରମ ଆରମ୍ଭ ହୋଇଛି ତେବେ ଦୀର୍ଘ ଦିନର ଶିକ୍ଷାଦାନ ର ମୁଖ୍ୟ ସମସ୍ୟା ପୂରଣ ହୋଇଥିବା ଯୋଗୁଁ ଅଞ୍ଚଳ ରେ ଖୁସି ର ଲହରୀ ଖେଳିଯାଇଛି । ବିଜ୍ଞାନ ପାଠ ପଢିବା ପାଇଁ ଅଞ୍ଚଳ ର ବହୁ ଛାତ୍ର ଛାତ୍ରୀ ମାନେ ଦୂରଦୁରାନ୍ତକୁ ଯାଇ ହଇରାଣ ହେଉଥିବା ଦେଖିବାକୁ ମିଳିଥିଲା । ତେବେ ଏଠାରେ ବର୍ତ୍ତମାନ ଛାତ୍ର ଛାତ୍ରୀ ମାନେ ନିଜ ଅଞ୍ଚଳ ରେ ସୁରକ୍ଷିତ ଭାବେ ରହି ଶିକ୍ଷାଦାନକୁ ଗ୍ରହଣ କରିବେ ବୋଲି ଶିକ୍ଷାବିତ ମହଲରେ ମତପ୍ରକାଶ ପାଇଛି।