30-May-2026

(ପ୍ରିୟଦର୍ଶିନୀ ପାତ୍ର)
ପାପଡ଼ା ହାଣ୍ଡି ବ୍ଲକର ମୈଦଳପୁରରେ  ଭୋଟର ତାଲିକାର ସଠିକତା ଓ ନିର୍ଭୁଳତା ସୁନିଶ୍ଚିତ କରିବା ଉଦ୍ଦେଶ୍ୟରେ ମୈଦଳପୁର ଠାରେ ସ୍ୱତନ୍ତ୍ର ସଘନ ସଂଶୋଧନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମଟି BLO Supervisor ଶ୍ରୀ ବାବୁଲାଲ ସାଗର (BLV-48)ଙ୍କ ପର୍ଯ୍ୟବେକ୍ଷଣରେ ସମ୍ପନ୍ନ ହୋଇଥିଲା।ଏହି କାର୍ଯ୍ୟକ୍ରମରେ ୧୨ ଜଣ BLO ଓ ୪୮ ଜଣ BLV ଉପସ୍ଥିତ ରହି ନିର୍ବାଚନୀ ତାଲିକା ସଂଶୋଧନ କାର୍ଯ୍ୟ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। ଘରେ ଘରେ ସର୍ଭେ, ଭୋଟର ତଥ୍ୟ ସଂଗ୍ରହ, ଡବଲ ଏଣ୍ଟ୍ରି ଯାଞ୍ଚ, ଫର୍ମର ନିର୍ଭୁଳ ପୂରଣ ଏବଂ ଆପ  ମାଧ୍ୟମରେ ତଥ୍ୟ    ଉପରେ ବିଶେଷ ଗୁରୁତ୍ୱ ଦିଆଯାଇଥିଲା।
ଏହି କାର୍ଯ୍ୟକ୍ରମରେ ଧରଣୀଧର କମର୍ଲା,  ଆରପି ଭାବେ ଯୋଗଦେଇ କାର୍ଯ୍ୟକ୍ରମକୁ ସହଯୋଗ କରିଥିଲେ। ସେ ସମସ୍ତ BLO ଓ BLV ମାନଙ୍କୁ ନିର୍ଦ୍ଧାରିତ ସମୟ ମଧ୍ୟରେ କାର୍ଯ୍ୟ ସମାପନ, ଆନୋମାଲି ସଂଶୋଧନ, ଦୈନିକ କାର୍ଯ୍ୟର ଅଗ୍ରଗତି ଏବଂ ତଥ୍ୟ ପ୍ରଦାନ ସମ୍ପର୍କରେ ବିସ୍ତୃତ ଆଲୋକପାତ କରିଥିଲେ।ସଠିକ ଭୋଟର ତଥ୍ୟ, ସୁଦୃଢ ଗଣତନ୍ତ୍ରର ପରିଚୟ” ସ୍ଲୋଗାନକୁ ସାମ୍ନାରେ ରଖି ସମସ୍ତ କାର୍ଯ୍ୟକୁ ଦାୟିତ୍ୱବୋଧ ଓ ନିଷ୍ଠାର ସହିତ ସମ୍ପାଦନ କରିବାକୁ ପରାମର୍ଶ ଦିଆଯାଇଥିଲା।ଶେଷରେ BLO Supervisor ଶ୍ରୀ ବାବୁଲାଲ ସାଗର ସମସ୍ତ ଉପସ୍ଥିତ BLO, BLV ଓ ଆରପିଙ୍କୁ ଧନ୍ୟବାଦ ଜଣାଇଥିଲେ ଏବଂ ସମସ୍ତଙ୍କ ସହଯୋଗ କାମନା କରି ସଭାର ସମାପ୍ତି ଘୋଷଣା କରିଥିଲେ।