30-May-2026

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ରାମପୁର ଥାନା ଅନ୍ତର୍ଗତ ଅନ୍ଧାରି ବାଞ୍ଜି ଗ୍ରାମର ଅମିତ ପାତ୍ର ନିଜ ଦୋକାନ ବନ୍ଦକରି ଗତ ୯ ତାରିଖ ରାତି ୧୦ଟାରେ ପଣ୍ଡକିଟାଲରୁ ଘରକୁ ଫେରୁଥିଲେ। ସିଆଲିନାଲି କେନାଲ ବୁଲାଣି ବୁଲାଣିରେ ୫ ମୁଖାପିନ୍ଧା ଯୁବକ ତାଙ୍କୁ ଆକ୍ରମଣ କରିଥିଲେ। ଏନେଇ ସେ ରାମପୁର ଥାନାରେ ଅଭିଯୋଗ କରିଥିଲେ। ଏହି ମାମଲାରେ ୩ ଜଣକୁ ଗିରଫ କରି ଶୁକ୍ରବାର କୋର୍ଟଚାଲାଣ କରାଯାଇଥିବା ରାମପୁର ରାମପୁର ଥାନାଧିକାରୀ  ବିନୋଦିନୀ ବରିହା କହିଛନ୍ତି। ଏହି ୩ ଜଣଙ୍କ ମଧ୍ୟରେ ଜଣେ ସାମ୍ବାଦିକ ରହିଥ‌ିବା ସେ ସୂଚନା ଇଛନ୍ତି। ତେବେ । ଥାନାଧିକାରୀଙ୍କ ଏହି ସୂଚନାକୁ ଡୁଙ୍ଗୁରିପାଲି ସାମ୍ବାଦିକ ସଂଘ ପକ୍ଷରୁ ନିନ୍ଦା କରାଯାଇଛି।

ଦର୍ଶାଯାଇଛି, ଯେଉଁ ସାମ୍ବାଦିକଙ୍କୁ ଗିରଫ କରାଯାଇଥିବା ସଂଘ ପକ୍ଷରୁ ଦର୍ଶାଯାଇଛି ସେ ବ୍ଲକର ଅନ୍ୟ ସାମ୍ବାଦିକଙ୍କ ସହ ଗତ ୩ ତାରିଖରେ ହରିଦ୍ଵାର, ରିଷିକେଶ, ମୌସୁରୀ ଯାଇ ଗତ ୯ ତାରିଖ ଉତ୍କଳ ଏକ୍ସପ୍ରେସରେ ଆସି ସନ୍ଧ୍ୟାରେ ଝାରସୁଗୁଡ଼ା ଠାରେ ପହଞ୍ଚିଥିଲେ। ରାତି ୮ଟା ୧୨ରେ ଝାରସୁଗୁଡ଼ା ଛାଡ଼ି ରାତି ୧୦ଟା ୨୨ମିନିଟ୍‌ରେ ବରପାଲିରେ ପହଞ୍ଚିଥିଲେ। ସେ ସମୟରେ ଝଡ଼ତୋଫାନ ହେବାରୁ ଅଧଘଣ୍ଟା ଅଟକିବା ପରେ ରାତି ୧୧ଟାରେ ସମସ୍ତ ସାମ୍ବାଦିକ ନିଜନିଜ ଘରକୁ ଫେରି ଥିଲେ। ବରପାଲିରୁ ଉକ୍ତ ସାମ୍ବାଦିକଙ୍କୁ ସିଆଲିନାଲି ଆସିବାକୁ ପ୍ରାୟ ୧ ଘଣ୍ଟା ସମୟ ଲାଗିବ। ତେବେ ପୁଲିସ ଦର୍ଶାଇଥ‌ିବା ଆକ୍ରମଣ ଘଟଣା ସମୟରେ ସାମ୍ବାଦିକ ଟ୍ରେନରେ ଥିଲେ। ସେ କିପରି ପରି ଘଟଣାରେ ର ସଂପୃକ୍ତ ହେଲେ ତାହା ଆଶ୍ଚର୍ଯ୍ୟର କଥା ବୋଲି ସଂଘ କହିଛି। ଏ ସଂପର୍କରେ ଆଜି ସଂଘ ପକ୍ଷରୁ ଥାନାଧିକାରୀଙ୍କୁ ଭେଟି ରେଳ ଟିକଟ, ବୁଲିଥ‌ିବା ବିଭିନ୍ନ ସ୍ଥାନର ଫଟୋ, ଟୋ, ଭିଡିଓ, ରହୁଥ‌ିବା ହୋଟେଲର କାଗଜପତ୍ର, ଟ୍ରେନ ସମୟ ସାରଣୀ ଆଦି ପ୍ରଦାନ କରାଯାଇ ଥିଲା। ଘଟଣାର ଉଚିତ ତଦନ୍ତ  ନକରି ଥାନାଧିକାରୀ କାହା ଚାପରେ ଏଭଳି ଜଣେ ନିର୍ଦ୍ଦୋଷକୁ ଦୋଷୀ ସାବ୍ୟସ୍ତ କରି ତା'କୁ ଗିରଫ କରି କୋର୍ଟ ଚାଲାଣ କରିଛନ୍ତି ବୋଲି ସଂଘର ସଦସ୍ୟମାନେ ପ୍ରଶ୍ନ କରିଥିଲେ।