17-May-2026

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଲକ ନାରାୟଣପ୍ରସାଦ ଗ୍ରାମପଞ୍ଚାୟତ ସିଲେଇମାଲ ଗ୍ରାମର ଶିକ୍ଷକ ପଙ୍କଜ ବାଘ ମାତା ସୁଷମା ବାଘ ଙ୍କ  ସୁପୁତ୍ର ଶିବାଶିସ ବାଘ  ଜବାହାର ନବୋଦୟ ବିଦ୍ୟାଳୟ ର ଦଶମ ପରୀକ୍ଷାରେ  ୬୦୦ରୁ ୫୪୬ ମାର୍କ ସହ ୯୧ପ୍ରତିଶତ ରଖି ଅଞ୍ଚଳ ରେ ଗଣ୍ଡା ସମାଜର ଟେକ ରଖିଛନ୍ତି  l ଏପରିକି ଗଣିତରେ ଶତ ପ୍ରତିଶତ ନମ୍ବର ରଖି ସାରା ଜିଲ୍ଲାରେ ନିଜର ଦକ୍ଷତା ପ୍ରତିପାଦନ କରିଛନ୍ତି । ତାଙ୍କର ଏହି ସଫଳତା ପାଇଁ ଡଃ.ଆମ୍ବେଦକର ସୋସିଆଲ ଟ୍ରଷ୍ଟ,କଣ୍ଟାମାଳ ପକ୍ଷରୁ ସମ୍ବର୍ଦ୍ଧିତ କରାଯାଇଛି  l  ଟ୍ରଷ୍ଟ ସଭାପତି ସୁନିଲ ହରିପାଲ ସାଧାରଣ ସମ୍ପାଦକ ଲୁଭଧର ସୁନା ଙ୍କ ଦ୍ୱାରା ଆୟୋଜିତ ସମ୍ବର୍ଦ୍ଧନା କାର୍ଯ୍ୟକ୍ରମ ରେ ରାଜେନ୍ଦ୍ର ବାଘ,ଚମରୁ ବାଘ, ମୋନୀତ କୁମାର ଭୋଇନା,ରାମଚନ୍ଦ୍ର ନାଗ ଏବଂ ଗୁରୁଦେବ କୁମ୍ଭାର ପ୍ରମୁଖ ଯୋଗଦେଇ ଏ-ୱାନ ରେ ପାସ କରିଥିବା ମେଧାବୀ ଛାତ୍ର ଶିବାଶିଷଙ୍କୁ ପୁଷ୍ପଗୁଛ, ଉତ୍ତରୀୟ ଓ ଉପହାର ଦେଇ ସମ୍ବର୍ଦ୍ଧିତ କରିବା ସହ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ  l ଅନ୍ୟମାନଙ୍କ ମଧ୍ୟରେ ବିଭୂଶଙ୍କର ରାଜହଂସ,,ସୁଶାନ୍ତ ଛତ୍ରିଆ,ସମ୍ପଦ ବାଘ ପ୍ରମୁଖ ସହଯୋଗ କରିଥିଲେ  l     ଭବିଷ୍ୟତରେ ଡାକ୍ତର ହୋଇ ମାନବ ସମାଜର ସେବା କରିବା ମୋର ଲକ୍ଷ ଅଛି ବୋଲି ଶିବାଶିଷ କହିଥିଲେ ।