09-May-2026

ଜଗତସିଂହପୁର (ଚିନ୍ମୟ ବିଶ୍ୱାଳ):  ଜଗତସିଂହପୁର ଜିଲ୍ଲାରେ ନିଶାର  ପାଦୂର୍ଭାବ ଦିନକୁ ଦିନ ବଢ଼ିବାରେ ଲାଗିଛି। ଏହା ସମଗ୍ର ଜିଲ୍ଲାର  ଯୁବପିଢିକୁ ନିଶାରେ କବଳିତ କରିସାରିଲାଣି। ଯୁଆଡ଼େ ଦେଖିବ ଚାରିଆଡ଼େ ମଦର ବନ୍ୟା ଛୁଟିଛି । ଖାଲି ମଦ କାହିଁକି, ବ୍ରାଉନ ସୁଗାର , ଗଞ୍ଜେଇ , ଭାଙ୍ଗ, ଅଫିମ, କଫ୍ ସିରପ ଭଳି ମାରାତ୍ମକ ନିଶା ର ଶାଖା ଚାରିଆଡ଼େ  ବ୍ୟାପି ଗଲାଣି । ବାଇକ୍ ଚୋର ଓ ମୋବାଇଲ୍ ଚୋରଙ୍କ ସଂଖ୍ୟା ମଧ୍ଯ ବଢ଼ିଗଲାଣି । ପୋଲିସ କିନ୍ତୁ ଉପଯୁକ୍ତ ଅଭିଯୁକ୍ତକୁ ଧରିବାରେ ବିଫଳ। କିନ୍ତୁ ଜଗତସିଂହପୁର ଥାନାର ନୂତନ ଅଧିକାରୀ ଭାବରେ  ସୁଶାନ୍ତ କୁମାର ସାହୁ ଦାୟିତ୍ଵ ନେବା ପରେ  ନିଶାଡୀ, ନିଶା ବେପାରୀ ଓ  ବାଲି ମାଫିଆ ଙ୍କ ମନରେ  କୋକୁଆ ଭୟ ସୃଷ୍ଟି  ହେଇଛି । ପ୍ରକାଶ ଥାଉକି ଏସ୍.ପି ଙ୍କ ନିର୍ଦ୍ଦେଶରେ ଗତକାଲି ସନ୍ଧ୍ୟାରେ ଜଗତସିଂହପୁର ପୋଲିସ ପାଟ୍ରୋଲିଂ କରୁଥିବା ସମୟରେ  କୌଣସି ସୂତ୍ରରୁ ଖବର ପାଇ ଉକ୍ତ ଥାନା ଅଧୀନ ସମଙ୍ଗ ଗ୍ରାମନିକଟରେ ଜ୍ୟୋତିର୍ମୟ ବେହେରା ନାମକ ଏକ ଯୁବକକୁ ଗିରଫ କରିଛି। ସେ ରଘୁନାଥପୁର ଥାନା ଅଧୀନ

କୁଅମଙ୍ଗା ଗ୍ରାମର ଜଣାପଡିଛି। ସେ ପୁରାତନ ଓ ଅଭ୍ୟାସଗତ ନିଶା ବେପାରୀ ହୋଇଥିବାରୁ  ଏବଂ ଗାଁ ଗାଁ ବୁଲି  ମଦ ବେପାର କଲା ସମୟରେ ତା ଠାରୁ ଏକ ନୀଳ ରଙ୍ଗର ସ୍କୁଟି ଗାଡ଼ି ନମ୍ୱର୍ ଓ.ଡି-୨୧-କ୍ୟୁ -୬୬୪୨ , ୧୪,୭୩୦ ଟଙ୍କା ଓ ୩୫ ଲିଟର ବିଦେଶୀ ମଦ ଜବତ କରିବା ସଙ୍ଗେ ସଙ୍ଗେ ଓଡିଶା ଅବକାରୀ ନିୟମ ଅନୁଯାୟୀ ପୋଲିସ କେସ ନମ୍ବର -୩୮୫ /୨୬ ରୁଜୁ କରି ବିଚାର  ବିଭାଗୀୟ ଅଦାଲତକୁ ପଠାଇ ଦେଇଛି। ସାମ୍ବାଦିକ ସମ୍ମିଳନୀ କରି ଜଗତସିଂହପୁର ଥାନା ଅଧିକାରୀ ସୁଶାନ୍ତ କୁମାର ସାହୁ ଓ  ଏସ୍.ଡି.ପି.ଓ  ରଶ୍ମି ରଂଜନ ଦାସ  ସୂଚନା ପ୍ରଦାନ କରିଛନ୍ତି।