29-Apr-2026

ଖୋରଧା (ମହାମାୟା ମହାନ୍ତି ) : ଓଡ଼ିଆ ଭାଷାରେ ସରକାରୀ କାର୍ଯ୍ୟ ସଂଚାଳନକୁ ସୁଦୃଢ କରିବା ପାଇଁ ପ୍ରୟୋଗାତ୍ମକ ପ୍ରଶିକ୍ଷଣର ଆଜି ଦ୍ୱିତୀୟ ଦିନ। ଏହା ୨୮.୦୪.୨୦୧୬ ରୁ ଆରମ୍ଭ ହୋଇଛି। ଏହି ସନ୍ଦର୍ଭରେ ଖୋର୍ଦ୍ଧା ଜିଲ୍ଲାପାଳ କାର୍ଯ୍ୟାଳୟ ପରିସରରେ ଏକ ସଭା ଆୟୋଜିତ ହୋଇଛି। ଏହି ପ୍ରଶିକ୍ଷଣରେ ବିଭିନ୍ନ ବିଭାଗର ସରକାରୀ ଅଧିକାରୀ ଓ କର୍ମଚାରୀମାନେ ଅଂଶଗ୍ରହଣ କରି, ଦୈନନ୍ଦିନ କାର୍ଯ୍ୟରେ ଓଡ଼ିଆ ଭାଷାର ପ୍ରୟୋଗକୁ ବୃଦ୍ଧି କରିବେ।

ପ୍ରଶିକ୍ଷଣରେ ଖୋର୍ଦ୍ଧା ଜିଲ୍ଲାର ଜିଲ୍ଲାପାଳ ଓ ଉପଜିଲ୍ଲାପାଳଙ୍କ ସହିତ ଯୋଗଦେଇଥିବା ବିଶେଷାଜ୍ଞମାନେ ହେଲେ— ଶ୍ରୀ ସୁରେନ୍ଦ୍ର କୁମାର ଦାଶ, ଯିଏ ଓଡିଆ ଭାଷାରେ କାର୍ଯ୍ୟାଳୟ ଚିଠିପତ୍ର ପ୍ରସ୍ତୁତି ବିଷୟରେ ଆଲୋଚନା କରିଥିଲେ; ଡ଼ଃ ବେଣୁଧର ବେହେରା ମହାନ୍ତି, ଯିଏ ଓଡ଼ିଆରେ କାର୍ଯ୍ୟାଳୟ ପତ୍ର ବିନିମୟ ଓ ଯୋଗାଯୋଗ କ୍ଷେତ୍ରରେ ପାରଦର୍ଶିତା ବୃଦ୍ଧି ବିଷୟରେ ଅଭିଭାଷଣ ଦେଇଥିଲେ; ଏବଂ ଡ଼ଃ ସତ୍ୟପ୍ରସାଦ କୁମାର ରଥ, ଯିଏ ଶବ୍ଦଚୟନର ଭାଷାବିଜ୍ଞାନ ଓ ଓଡ଼ିଆ ଲିଖନର ସାଧାରଣ ଭୁଲ ନିରାକରଣ ବିଷୟରେ ପ୍ରଶିକ୍ଷଣ ଦେଇଥିଲେ। ଏହି ବିଦ୍ୱାନ ଓ ପ୍ରଶିକ୍ଷକମାନେ କାର୍ଯ୍ୟାଳୟୀନ ଶୈଳୀ ଓ ସଠିକ୍ ଓଡ଼ିଆ ଲିଖନ ବ୍ୟବହାର ବିଷୟରେ ବ୍ୟାପକ ମାର୍ଗଦର୍ଶନ ଦେଇଥିଲେ।

ଏହି ପ୍ରଶିକ୍ଷଣରେ ବାଙ୍କୀ ସିଞ୍ଚାଇ ଅଂଚଳ ପରିଷଦ, ବାଙ୍କୀ; ସହକାରୀ ବନ୍ୟ ପ୍ରଶିକ୍ଷଣ କାର୍ଯ୍ୟାଳୟ, ଖୋର୍ଦ୍ଧା; ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ କାର୍ଯ୍ୟାଳୟ, ଖୋର୍ଦ୍ଧା; ପଞ୍ଚାୟତ ସମିତି କାର୍ଯ୍ୟାଳୟ, ବାଲିପାଟଣା; ପ୍ରକଳ୍ପ ନିର୍ବାହକ, ଜଳ ବିଭାଗ, ଖୋର୍ଦ୍ଧା; ପଞ୍ଚାୟତ ସମିତି କାର୍ଯ୍ୟାଳୟ, ବାଳିଅନ୍ତା; ଉଦ୍ୟାନ ବିଭାଗ କାର୍ଯ୍ୟାଳୟ, ଭୁବନେଶ୍ୱର; ଜିଲ୍ଲା ଶିକ୍ଷା

ଅଧିକାରୀ କାର୍ଯ୍ୟାଳୟ, ଖୋର୍ଦ୍ଧା; ଜିଲ୍ଲା ପୁଲିସ କାର୍ଯ୍ୟାଳୟ (ସହର ଶାଖା), ଖୋର୍ଦ୍ଧା; ଉପନିର୍ଦ୍ଦେଶକ କାର୍ଯ୍ୟାଳୟ, ବାଳିଅନ୍ତା; ପଞ୍ଚାୟତ ସମିତି କାର୍ଯ୍ୟାଳୟ, ବେଗୁନିଆ; କିଶୋର ଆଶ୍ରମ ପରିଷଦ, ବାରମୁଣ୍ଡା; ପଞ୍ଚାୟତ ସମିତି କାର୍ଯ୍ୟାଳୟ, ଭୁବନେଶ୍ୱର; ଉପନିବନ୍ଧକ କାର୍ଯ୍ୟାଳୟ, ବାଲିଅନ୍ତା ସହିତ ଖୋର୍ଦ୍ଧା ଜିଲ୍ଲାର ବିଭିନ୍ନ ସରକାରୀ କାର୍ଯ୍ୟାଳୟର ଅଧିକାରୀ ଓ କର୍ମଚାରୀମାନେ ଅଂଶଗ୍ରହଣ କରିଥିଲେ।
ପ୍ରଶିକ୍ଷଣ ଶେଷରେ ଅଂଶଗ୍ରହଣକାରୀ ସମସ୍ତ କର୍ମଚାରୀଙ୍କୁ ଖୋର୍ଦ୍ଧା ଜିଲ୍ଲାପାଳଙ୍କ ଦ୍ୱାରା ପ୍ରମାଣପତ୍ର ପ୍ରଦାନ କରାଯିବ।ଏହି ପଦକ୍ଷେପ ରାଜ୍ୟରେ ଓଡ଼ିଆ ଭାଷାର ବ୍ୟବହାରକୁ ଆହୁରି ସକ୍ରିୟ ଓ ବ୍ୟାପକ କରିବାରେ ସହାୟକ ହେବ।