27-Apr-2026

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଭରସୂଜା ଗ୍ରାମ ପଞ୍ଚାୟତ ବିନ୍ଧ।ପ।ଳି ଗ୍ରାମ ର ପିଡବ୍ଲୁ ରାସ୍ତା ରୁ ତଳ ପାର୍ଶ୍ଵଦେଇ ଯାଇଥିବା ଶାଖା କେନାଳ ପୋତିହେବା ସହିତ ଗ୍ରାମ ର ମଇଳା ଆବର୍ଜନା ପାଣି ଆସି ପୋତି ହୋଇଯାଉଛି l ଫଳରେ ବର୍ଷା ସମୟରେ ଉପର ମୁଣ୍ଡ ରୁ ଆସୁଥିବା ପାଣି ତଳପଟକୁ ଆସି ପାରୁ ନାହିଁ ।ତେଣୁ ଜମି ରେ ପାଣି ମାଡ଼ିପାରୁ ନ ଥିବା ଯୋଗୁଁ ଚାଷୀ ଅସୁବିଧାର ସମ୍ମୁଖିନ ହେଉଛନ୍ତି l ଗତ ବର୍ଷ ରୁ ଏହି କେନାଲ ସଫେଇ ପାଇଁ ବିଭାଗୀୟ ଅଧିକାରୀ ଙ୍କୁ ଲିଖିତ ଅଭିଯୋଗ କରାଯାଇ ଥିଲେ ହେଁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ l ଏହି ଶାଖା କେନାଲ 150 ମିଟର କୁ ସଫା କରିବା ସହିତ ନୂତନ ଡ୍ରେନ ନିର୍ମାଣ କଲେ ଶାଖା କେନାଲ ପୋତି ହେବାରୁ ବଞ୍ଚିତ ହେବେ ବୋଲି ଗ୍ରାମର ନିଲା ମ୍ୱର ସାହୁ , ଭଗବାନ ସାହୁ , ଦୈତାରି ସାହୁ , ଅରୁଣ ସେଠ ସହିତ ଗ୍ରାମବାସି ଦାବି କରିଛନ୍ତି ।

ଏହା ବ୍ୟତୀତ ପିଡବ୍ଲୁ ଡି ରାସ୍ତା ରୁ 200 ମିଟର ପର୍ଯ୍ୟନ୍ତ ପାଚେରୀ ନିର୍ମାଣ କର।ଯାଉଛି l ଯାହାକି କେନାଲ ବିଭାଗ ପକ୍ଷରୁ କର।ଯାଉଛି ।ଏଥିରେ ସୂଚନା ଫଳକ ନ ଥିବା ଯୋଗୁଁ କେତେ ଟଙ୍କାର କାମ, ଅନୁଦାନ ରାଶି କେତେ , ଟେଣ୍ଡର କାହା ନାମ ରେ ଅଛି , ଲମ୍ବ ପ୍ରସ୍ତ କେତେ ନିର୍ଦ୍ଧାରିତ ସମୟ ସୀମା କେତେ, ଫଳକ ନ ଥିବା ଯୋଗୁଁ ଜଣାପଡିନାହିଁ । ଏହି ସାଇଡ ୱାଲ ନିର୍ମାଣ ସହିତ ଡ୍ରେନ ନିର୍ମାଣ ଅନୁଦାନ ରାଶି ରହି ଥିବା ବିଭାଗୀୟ ସୁତ୍ରରୁ ପ୍ରକାଶ ।ତେଣୁ ଡ୍ରେନ ନିର୍ମାଣ ହେଲେ ଆଗ।ମି ବର୍ଷା ସମୟରେ କେନାଲ ପୋତି ହେବ ନାହିଁ ବୋଲି ଗ୍ରାମବାସୀ ମତ ପ୍ରକାଶ କରିଛନ୍ତି l