27-Apr-2026

ଅନଗୁଳ/ପାଲଲହଡା(ବିଭୁ ଖମଣିଆଁ): ପାଳଲହଡ଼ାରେ ଦିନକୁ ଦିନ ଶିକ୍ଷା ବିଭାଗରେ ଦେଖିବାକୁ ମିଳୁଛି ମନମାନି। କେବେ ଶିକ୍ଷକ ଥାନ୍ତି ତ କେବେ ଛୁଟି ନନେଇ ନିଜ ମନ ମୁତାବକ ଘରେ ଥାଆନ୍ତି। ଆଜି ହଠାତ୍  ଅଫିସ ଛୁଟି ପୂର୍ବରୁ ବିଧାୟକ ଅଶୋକ ମହାନ୍ତି ପହଞ୍ଚିଥିଲେ। କେତକ ଶିକ୍ଷକ ଏବଂ କର୍ମଚାରୀ କାର୍ଯାଳୟରେ ଅନୁପସ୍ଥିତ କାରଣରୁ ବିଧାୟକ ଅସନ୍ତୋଷ ପ୍ରକାଶ କରିଥିଲେ। ଅଫିସ ଦାଇତ୍ୱରେ ଥିବା ଵି.ଆର.ସି ସି ପ୍ରଫୁଲ ମଲିକଙ୍କୁ ବିଭିନ୍ନ ବିଷୟରେ ପଚାରି ବୁଝିବା ସହିତ ଉପସ୍ଥାନ ଖାତା ଦେଖିଥିଲେ। ଅଫିସର ଅବ୍ୟବସ୍ଥା ସମ୍ପର୍କରେ ଉପରିସ୍ଥ ଅଧିକାରୀ ମାନଙ୍କ ସହିତ ଆଲୋଚନା କରିଥିଲେ ବିଧାୟକ । ଆଗକୁ ଏଭଳି କାର୍ଯ୍ୟ କଲେ କାର୍ଯ୍ୟାନୁଷ୍ଠାନ ହେବ ବୋଲି ସତର୍କଵାଣୀ ଶୁଣାଇଥିଲେ ବିଧାୟକ। କାର୍ଯ୍ୟାଳୟ ପରିବେଶ ସଫାସୁତରା ରଖିବାକୁ ପରାମର୍ଶ ଦେଇଛନ୍ତି। ପାଳଲହଡାରେ କେହି ସ୍ଥାୟୀ ଵି.ଇ.ଓ ନଥିବା ବେଳେ କିଛିଦିନ ପୂର୍ବରୁ ଏ.ଵି.ଇ.ଓ ମଧ୍ୟ ଅବସର ଗ୍ରହଣ କରିଛନ୍ତି। ମାନ୍ୟବର ବିଧାୟକ ଏ ସମ୍ପର୍କରେ ଉପରିସ୍ଥ ଶିକ୍ଷା ବିଭାଗ ଅଧିକାରୀ ମାନଙ୍କ ସହିତ ଟେଲିଫୋନ ମାଧ୍ୟମରେ ଆଲୋଚନା କରିଥିଲେ l ନିଜର ଦାଇତ୍ୱ ସୁଚାରୁ ଭାବେ ନିର୍ବାହ କରିବାକୁ ଅଧିକାରୀ ଏବଂ କର୍ମଚାରୀ ମାନଙ୍କୁ ପରାମର୍ଶ ଦେଇଥିଲେ। ବିଧାୟକଙ୍କ ସହିତ ସାଂସଦଙ୍କ ପ୍ରତିନିଧି ଲିଙ୍ଗରାଜ ଦାସ, ବରିଷ୍ଟ ଆଇନଜୀବୀ ତନ୍ମୟ କୁମାର ସାହୁ, ମଣ୍ଡଳ ସଭାପତି ଆଶିଷ କୁମାର ସାମଲ, ପୂର୍ବତନ ମଣ୍ଡଳ ସଭାପତି ପଞ୍ଚାନନ ସାହୁ ପ୍ରମୁଖ ଉପସ୍ଥିତ ଥିଲେ।