12-Oct-2020

ବଲାଙ୍ଗୀର ,୧୨/୧୦(ନି.ପ୍ର): ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକର ଖପ୍ରାଖୋଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧୀନସ୍ଥ ଯମୁନାପାଲି ଗାଁ ରେ ଜଣେ  ଆଶା କର୍ମୀ ଭାବରେ କାମ କରନ୍ତି ଗ୍ରାମର ମହିମା ମହାନନ୍ଦ । ତେବେ ବ୍ୟକ୍ତିଗତ ଆକ୍ରୋଶ ରଖି ଗାଁ ର ଗଅଁତିଆ ଲିଙ୍ଗରାଜ ନିଆଲଙ୍କ ସମେତ ଆଉ କିଛି ଖଳ ପ୍ରକୃତିର ଲୋକ ମହିମାଙ୍କୁ ଗାଁ ରେ ଆଶା କର୍ମୀ ଭାବରେ ନ ରଖାଇ ଦେବା ପାଇଁ ଚକ୍ରାନ୍ତ କରୁଥିବା ମହିମା ଅଭିଯୋଗ କରିଛନ୍ତି । ଏପରିକ ତାଙ୍କୁ ବିନା କାରଣ ରେ ନିଆଁ ପାଣି ବାସନ୍ଦ କରାଯାଇ ଗାଁ ରୁ ତଡି ଦେବା ପାଇଁ ଗାଁ ର କିଛି ଲୋକ ଉଦ୍ୟମ କରୁଛନ୍ତି । ମହିମାଙ୍କ ଅଭିଯୋଗ ମତେ, ଗତ ତା ୧୬.ଠ୪.୨ଠ୨ଠରେ ଯମୁନାପାଲି ଗାଁ ର ଯୋଗେଶ୍ୱରୀ ନିଆଲ ୬ମାସର ଗର୍ଭବତୀ ଥିଲା । ତେବେ ଯୋଗେଶ୍ୱରୀ ସିକ୍‌ଲିନ ପେଟେଣ୍ଟ ଥିବାରୁ ଡାକ୍ତର ତାଙ୍କ ତୃତୀୟ ଗର୍ଭ ପାଇଁ ମନା କରିଥିଲେ । ତାଙ୍କ ଚିକିତ୍ସା ସମୟରେ ଡାକ୍ତରଙ୍କ ପରାମର୍ଶ କ୍ରମେ ଗର୍ଭାବସ୍ଥାରେ ତାଙ୍କୁ ସମସ୍ତ ପ୍ରକାରର ଟୀକା ଓ ଔଷଧ ମଧ୍ୟ ପ୍ରଦାନ କରାଯାଇଥିଲା । ତେବେ ଖପ୍ରାଖୋଲ ଡାକ୍ତରଖାନାରେ ଗତ ୧୬.ଠ୪.୨ଠ୨ଠରେ ଚିକିତ୍ସାଧୀନ ଅବସ୍ଥାରେ ଯୋଗେଶ୍ୱରୀଙ୍କ ମୃତ୍ୟୁ ହୋଇଥିଲା । ତେବେ ଯୋଗେଶ୍ୱରୀଙ୍କ ମୃତ୍ୟୁ ପାଇଁ ଆଶା କର୍ମୀ ମହିମା ହିଁ ଦାୟୀ ବୋଲି ଯୋଗେଶ୍ୱରୀଙ୍କ ପରିବାର ତାଙ୍କୁ ଚାକିରୀରୁ ବହିଷ୍କାର କରିବା ପାଇଁ ଲାଗି ପଡିଥିବା ଅଭିଯୋଗ କରିଛନ୍ତି ମହିମା । ଏପରିକି  ଗାଁ ରେ ଅନେକ ଥର ବୈଠକ କରି ମହିମାଙ୍କ ନାମରେ ଲୋକଙ୍କୁ ଉସ୍‌କାଉଥିବା ଅଭିଯୋଗ କରିଛନ୍ତି ଆଶାକର୍ମୀ ମହିମା । ମହିମାଙ୍କୁ ଗାଁ ରୁ ନିଆଁ ପାଣି ବାସନ୍ଦ କରାଯାଇ ଅକଥନୀୟ ନିର୍ଯ୍ୟାତନ୍ତ ଦିଆଯାଉଥିବା ନେଇ ସେ ଗତ ଏପ୍ରିଲ ୨୪ ତାରିଖରେ ଖପ୍ରାଖୋଲ ଭାରପ୍ରାପ୍ତ ଥାନା ଅଧିକାରୀ ଓ ବଲାଙ୍ଗିର ଏସ୍‌ପିଙ୍କ ଠାରେ ଲିଖିତ ଅଭିଯୋଗ କରିଛନ୍ତି । ମହିମାଙ୍କ ସହ ଗାଁ ର କିଏ କଥା ହେଲେ କିମ୍ବା ସ୍ୱସ୍ଥ୍ୟ ସେବା ଗ୍ରହଣ କଲେ ତାଙ୍କ ୨ଠହଜାର ଟଙ୍କ ଜରିମାନା ଦେବାକୁ ପଡିବ ବୋଲି ଘୋଷଣା କରାଯାଇଥିବା ମହିମା କହିଛନ୍ତି । ତେବେ ସମସ୍ତ ଲିଖିତ ଅଭିଯୋଗ ସତ୍ତ୍ୱେ ସରକାରୀ ସ୍ତରରେ ଆଶା କର୍ମୀଙ୍କୁ ନ୍ୟାୟ ଦେବା ପାଇଁ ପଦକ୍ଷେପ ନନେବାରୁ ଶେଷରେ ଆଶା କର୍ମୀ ମହିମା ମହାନନ୍ଦ ବଲାଙ୍ଗୀର ଜିଲ୍ଲା ସାମ୍ବାଦିକ ଭବନ ଠାରେ ଏକ ପ୍ରେସ ମିଟ୍ ମାଧ୍ୟମରେ ନିଜର ସମସ୍ୟା ସଂପର୍କରେ ଅବଗତ କରାଇଛନ୍ତି । ନିଜ କର୍ତ୍ତବ୍ୟ ସଂପାଦନ କରିବାରେ ଯେଉଁମାନେ ବାଧା ସୃଷ୍ଟି କରୁଛନ୍ତି ସେମାନଙ୍କ ବିରୁଦ୍ଧରେ  ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସେ ଏହି ପ୍ରେସ୍‌ମିଟ୍ ମାଧ୍ୟମରେ ଜିଲ୍ଲା ପ୍ରଶାସନକୁ ନିବେଦନ କରିଛନ୍ତି ଆଜିର ପ୍ରେସମିଟ୍‌ରେ ଅଭିଯୋଗକାରିଣୀ ଆଶାକର୍ମୀ ମହିମା ମହାନନ୍ଦଙ୍କ ସମେତ ତାଙ୍କ ଭିନ୍ନକ୍ଷମ ପୁଅ ମନୋଜ କୁଅଁର, ଗାଁ ର ମଙ୍ଗଳୁ ନାଗ, କାହ୍ନା ତାନ୍‌ଡି, ପଦ୍ମା ନାଗ ପ୍ରମୁଖ ଉପସ୍ଥିତ ଥିଲେ ।