06-Feb-2021

ବଲାଙ୍ଗୀର (ସନ୍ତୋଷ କୁମାର ଠାକୁର): ବଲାଙ୍ଗୀରରେ ଆରମ୍ଭ ହୋଇଛି ୨ୟ ପର୍ଯ୍ୟାୟ କରୋନା ଟିକାକରଣ । ପ୍ରଥମେ କୋଭିଡ ଯୋଦ୍ଧାଙ୍କୁ ପ୍ରାଥମିକତା ଦିଆଯାଇଛି । ଜିଲ୍ଲା  ଓ ପୋଲିସ ପ୍ରଶାସନର ଆଗଧାଡିର ଯୋଦ୍ଧାମାନଙ୍କୁ ପ୍ରଥମେ ଟିକା ଦିଆଯିବ । ତେବେ ଆଜି ବଲାଙ୍ଗୀ ଜିଲ୍ଲାପାଳ ଚଞ୍ଚଲ ରାଣା ପ୍ରଥମେ, ଏବଂ ତାଙ୍କ ପରେ ଏସ୍‌ପି ନୀତିନ କୁସଲକର ଟିକା ନେଇଛନ୍ତି । ଜିଲ୍ଲା ମୁଖ୍ୟ ଚିକିତ୍ସା  ଓ ଜନସ୍ୱାସ୍ଥ୍ୟ ଅଧିକାରୀ ଡ.ଭୀମ ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କୋଭିଡ଼ ଯୋଦ୍ଧାମାନଙ୍କୁ ଟିକା ଦିଆଯାଇଛି ।

ତେବେ ଏହି ଟିକାକରଣରେ ବରିଷ୍ଠ ଅଧିକାରୀମାନଙ୍କ ପ୍ରାଥମିକତା ଭାବେ ଆଗୁଆ ଟିକା ଦିଆଯାଉଛି । ଏହି ଭାକସିନ୍‌ ସଂପୂର୍ଣ୍ଣ ସୁରକ୍ଷିତ ଏବଂ ଏହାର କୌଣସି ପାର୍ଶ୍ବ ପ୍ରତିକ୍ରିୟା ନଥିବା ବଲାଙ୍ଗିର ଏସପି ନୀତିନ କୁସଲକର୍ ଟିକା ନେବା ପରେ କହିଛନ୍ତି ।  ସେହିପରି କୋଭିଡ୍ ଟିକା ସଂପୂର୍ଣ୍ଣ ବିପଦମୁକ୍ତ ହୋଇଥିବା ବେଳେ ଜିଲ୍ଲାବାସୀ କୌଣସି ଭୟ ନକରି ଭାକ୍‌ସିନ୍‌ ନେବାକୁ ଆହ୍ନାନ ଦେଇଛନ୍ତି ବଲାଙ୍ଗିର ଜିଲ୍ଲାପାଳ ।
ସେପଟେ ବଲାଙ୍ଗୀର ଜିଲ୍ଲାର ୧୪ ଟି ବ୍ଲକ ସମେତ ସହରର ୪ ଟି ସ୍ଥାନରେ ଟିକାକରଣ ପାଇଁ ବ୍ୟବସ୍ଥା କରାଯାଇଛି। ସେଥିରୁ ଆଜି ସହରର ୨ ଟି ସ୍ଥାନରେ ଟିକାକରଣ  ଆରମ୍ଭ ହୋଇଛି । ୧୭ଶହରୁ ଅଧିକ ଆଗଧାଡ଼ିର ଯୋଦ୍ଧାମାନଙ୍କୁ ଟିକା କରଣ ପାଇଁ ପଞ୍ଜିକୃତ କରାଯାଇଛି । ପ୍ରଥମେ ୯ ଶହରୁ ଅଧିକ ଟିକା କରଣ ଦିଆଯିବାର କାର୍ଯ୍ୟକ୍ରମ ରହିଛି। ଯେଉଁଥିରେ ୩ ଶହରୁ ଅଧିକ ପୋଲିସ କର୍ମଚାରୀ ରହିଛନ୍ତି ।